New Update
ਜਨਮ ਦਿਨ:ਐਂਕਰਿੰਗ ਨਾਲ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਸਤਿੰਦਰ ਸੱਤੀ ਨੇ ਇੰਝ ਬਣਾਈ ਵੱਖਰੀ ਪਛਾਣ:ਸਤਿੰਦਰ ਸੱਤੀ ਪੰਜਾਬ ਦੀ ਮਸ਼ਹੂਰ ਅਭਿਨੇਤਰੀ,ਐਂਕਰ,ਕਵਿਤਰੀ ਅਤੇ ਗਾਇਕੀ ਨਾਲ ਲੋਕਾਂ ਦੇ ਦਿਲਾਂ 'ਚ ਵੱਖਰੀ ਪਛਾਣ ਬਣਾ ਚੁੱਕੀ ਹੈ।ਸਤਿੰਦਰ ਸੱਤੀ ਦਾ ਜਨਮ 13 ਦਸੰਬਰ ਨੂੰ ਬਟਾਲਾ (ਪੰਜਾਬ ) 'ਚ ਹੋਇਆ ਸੀ।ਟੀ.ਵੀ. 'ਤੇ ਐਕਰਿੰਗ 'ਚ ਉਨ੍ਹਾਂ ਕਈ ਇਨਾਮ ਹਾਸਲ ਕੀਤੇ ਹਨ।ਸਤਿੰਦਰ ਦਾ ਜਨਮ ਬਟਾਲਾ ਵਿਖੇ ਹੋਇਆ ਸੀ।ਸੱਤੀ ਨੇ ਆਪਣੀ ਬੀ.ਏ. ਦੀ ਡਿਗਰੀ ਆਰ.ਆਰ.ਬਾਵਾ ਡੀ.ਏ.ਵੀ ਕਾਲਜ, ਬਟਾਲਾ ਤੋਂ ਕੀਤੀ।ਇਸ ਤੋਂ ਬਾਅਦ ਮਾਸਟਰ ਡਿਗਰੀ ਗੁਰੂ ਨਾਨਕ ਦੇਵ ਯੁਨੀਵਰਸਿਟੀ,ਅਮ੍ਰਿਤਸਰ ਤੋਂ ਕੀਤੀ।ਸੱਤੀ ਨੇ ਐਂਕਰਿੰਗ ਦੀ ਸ਼ੁਰੂਆਤ ਯੁਨੀਵਰਸਿਟੀ 'ਚ ਯੂਥ ਫੈਸਟੀਵਲ ਨਾਲ ਸ਼ੁਰੂ ਕੀਤੀ।ਇਸ ਤੋਂ ਬਾਅਦ ਉਹ ਦੁਰਦਸ਼ਨ ਜਲੰਧਰ,ਅਲਫਾ ਪੰਜਾਬੀ, ਪੀ.ਟੀ.ਸੀ. ਚੈਨਲਾਂ 'ਤੇ ਬਤੌਰ ਐਂਕਰਿੰਗ ਕਰਦੀ ਨਜ਼ਰ ਆਉਣ ਲੱਗੀ।ਐਂਕਰਿੰਗ ਦੇ ਸਫਰ ਦੌਰਾਨ ਉਹ 'ਲਿਸ਼ਕਾਰ', 'ਕੁਝ ਪਲ ਤੇਰੇ ਨਾਮ', 'ਦਿਲ ਦੀਆਂ ਗੱਲਾਂ' ਵਰਗੇ ਟੀ.ਵੀ. ਸ਼ੋਅਜ਼ 'ਚ ਨਜ਼ਰ ਆ ਚੁੱਕੀ ਹੈ।ਫਿਲਮਾਂ ਦੀ ਗੱਲ ਕਰੀਏ ਤਾਂ ਸੱਤੀ 'ਜੀ ਆਇਆਂ ਨੂੰ', 'ਲਾਲ ਚੂੜੀਆਂ', 'ਸਾਂਝ ਦਿਲਾਂ ਦੀ', 'ਮਾਈ ਸੈਲਫ ਪੈਂਡੂ' ਵਰਗੀਆਂ ਹਿੱਟ ਫਿਲਮਾਂ 'ਚ ਆਪਣੀ ਅਦਾਕਾਰੀ ਦੇ ਜਲਵੇ ਬਿਖੇਰ ਚੁੱਕੀ ਹੈ।ਇਸ ਤੋਂ ਇਲਾਵਾ ਗਾਇਕੀ ਖੇਤਰ ਦੀ ਗੱਲ ਕਰੀਏ ਤਾਂ 'ਪੀਂਘ', 'ਮੋਹ', 'ਰੂਬਰੂ' ਵਰਗੀਆਂ ਹਿੱਟ ਐਲਬਮਜ਼ ਲੋਕਾਂ ਦੇ ਰੂਬਰੂ ਕਰ ਚੁੱਕੀ ਹੈ।ਇਨ੍ਹਾਂ ਐਲਬਮਜ਼ ਨੂੰ ਲੋਕਾਂ ਵਲੋਂ ਕਾਫੀ ਪਸੰਦ ਕੀਤਾ ਗਿਆ।ਕਵਿਤਰੀ 'ਚ ਹੱਥ ਅਜ਼ਮਾ ਚੁੱਕੀ 'ਕੁਝ ਖੱਤ ਤੇਰੇ ਨਾਮ' ਸਤਿੰਦਰ ਦੀ ਸਭ ਤੋਂ ਮਸ਼ਹੂਰ ਕਵਿਤਾ ਹੈ।
-PTCNews-