New Update
ਭਾਰਤੀ ਲੋਕਾਂ ਨੂੰ ਏਜੰਟਾਂ ਦੀ ਲੁੱਟ ਤੋਂ ਬਚਾਉਣ ਲਈ ਰੋਮ ਅੰਬੈਸੀ ਦਾ ਵਿਸ਼ੇਸ਼ ਉਪਰਾਲਾ,ਜਾਣੋਂ:ਇਟਲੀ ਚੋ ਵੱਸਦੇ ਭਾਰਤੀਆ ਦੀਆ ਜਰੂਰਤਾਂ ਨੂੰ ਧਿਆਨ ਚੋ ਰੱਖਦੇ ਹੋਏ ਰੋਮ ਅੰਬੈਸੀ ਵੱਲੋਂ ਵਿਸ਼ੇਸ਼ ਤੇ ਉਸਾਰੋ ਸੋਚ ਵਾਲੇ ਉਪਰਾਲੇ ਕੀਤੇ ਜਾ ਰਹੇ ਹਨ।ਜਿਸ ਤਹਿਤ ਇੱਥੋ ਦੇ ਸ਼ਹਿਰ ਤੈਰਾਚੀਨਾ ਨੇੜੇ ਪੈਦੇ ਕਸਬਾ ਬੋਰਗੋ ਹੇਰਮਾਦਾ ਚੋ ਸ੍ਰੀ ਦੁਰਗਾ ਸ਼ਕਤੀ ਮਾਤਾ ਮੰਦਿਰ ਦੇ ਪ੍ਰਬੰਧਕਾਂ ਦੇ ਸਹਿਯੋਗ ਨਾਲ 10 ਦਸੰਬਰ ਨੂੰ ਇਕ ਪਾਸਪੋਰਟ ਕੈਂਪ ਲਾਇਆ ਜਾ ਰਿਹਾ ਹੈ।ਦੱਸਣਯੋਗ ਹੈ ਕਿ ਇਸ ਇਲਾਕੇ ਚੋ ਬਹੁਤ ਸਾਰੇ ਭਾਰਤੀ ਪਰਿਵਾਰ ਰਹਿੰਦੇ ਹਨ ਜਿੰਨਾਂ ਨੂੰ ਪਾਸਪੋਰਟ ਰੀਨਿਊ ਕਰਵਾਉਣ ਤੇ ਅੰਬੈਸੀ ਨਾਲ ਸਬੰਧਤ ਕੰਮ ਕਰਵਾਉਣ ਲਈ ਰੋਮ ਤੱਕ ਗੇੜੇ ਲਾਉਣੇ ਪੈਦਾ ਹਨ।ਜਿਸ ਨਾਲ ਪੈਸੇ ਤੇ ਸਮੇ ਦੀ ਬਰਬਾਦੀ ਵੀ ਹੁੰਦੀ ਹੈ ਇਸ ਖੱਜਲ ਖੁਆਰੀ ਤੇ ਏਜੰਟਾਂ ਦੁਆਰਾ ਕੀਤੀ ਜਾਦੀ ਲੁੱਟ ਘਸੁੱਟ ਨੂੰ ਧਿਆਨ ਚ ਰੱਖਦਿਆ ਐਬੰਸੀ ਵਲੋ ਵਿਸ਼ੇਸ਼ ਕੈਪ ਲਾਕੇ ਪਾਸਪੋਰਟ ਬਣਾਉਣ ਦਾ ਉਪਰਾਲਾ ਕੀਤਾ ਜਾ ਰਿਹਾ।ਇਸ ਕੈਂਪ ਚੋ ਪਾਸਪੋਰਟ ਰੀਨਿਊ ਕਰਨ ਦੇ ਨਾਲ ਨਾਲ ਜਿੰਨਾਂ ਦੇ ਪਾਸਪੋਰਟ ਤੇ À,ਸੀ,ਆਈ ਕਾਰਡ ਬਣ ਚੁੱਕੇ ਹਨ ਉਹ ਵੀ ਜਾਰੀ ਕੀਤੇ ਜਾਣਗੇ।ਅੰਬੈਸੀ ਦੁਆਰਾ ਕੀਤੇ ਜਾ ਰਹੇ ਉਪਰਾਲੇ ਦੀ ਇਲਾਕੇ ਚੋ ਰਹਿੰਦੇ ਭਾਰਤੀਆ ਵਲੋ ਸ਼ਲਾਘਾ ਕੀਤੀ ਜਾ ਰਹੀ ਹੈ।ਲੋਕਾਂ ਦਾ ਕਹਿਣਾ ਹੈ ਕਿ ਅੰਬੈਸੀ ਦੇ ਅਜਿਹੇ ਫੈਸਲਿਆ ਨਾਲ ਲੋਕਾਂ ਦੀਆਂ ਮੁਸ਼ਕਲਾਂ ਤੇ ਪ੍ਰੇਸ਼ਾਨੀਆ ਘੱਟ ਹੋਣਗੀਆ।
-PTCNews-