ਥ੍ਰੀਵ੍ਹੀਲਰਾਂ ਵੱਲੋਂ ਕੀਤਾ ਜਾ ਰਿਹਾ ਬੱਚਿਆਂ ਦੀ ਸੁਰੱਖਿਆ ਨਾਲ ਖਿਲਵਾੜ
Autorickshaw ਵੱਲੋਂ ਕੀਤਾ ਜਾ ਰਿਹਾ ਬੱਚਿਆਂ ਦੀ ਸੁਰੱਖਿਆ ਨਾਲ ਖਿਲਵਾੜ: ਸਟੇਟ ਟਰਾਂਸਪੋਰਟ ਅਥਾਰਿਟੀ ਨੇ ਸਕੂਲੀ ਬੱਚਿਆਂ ਦੀ ਸੁਰੱਖਿਆ ਦੇ ਮੱਦੇਨਜਰ ਭਾਂਵੇ ਚੰਡੀਗੜ੍ਹ ਵਿੱਚ ਨਿਯਮਾਂ ਦੀ ਉਲੰਘਣਾ ਕਰਕੇ ਚੱਲਦੀਆਂ ਸਕੂਲੀ ਬੱਸਾਂ ਤੇ ਸ਼ਿਕੰਜਾ ਕੱਸ ਦਿੱਤਾ ਹੈ ਪਰ Autorickshaw ਤੇ ਟਾਟਾ ਮੈਜਿਕ ਵਾਹਨਾਂ ਵੱਲੋਂ ਹਾਲੇ ਵੀ ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਸਮਰੱਥਾ ਤੋਂ ਵੱਧ ਬੱਚਿਆਂ ਨੂੰ ਢੋਇਆ ਜਾ ਰਿਹਾ ਹੈ, ਜਿਸ ਨਾਲ ਬੱਚਿਆਂ ਦੀ ਸੁਰੱਖਿਆ 'ਤੇ ਸਵਾਲ ਉਠ ਰਹੇ ਹਨ।
ਸ਼ਹਿਰ ਵਿੱਚ ਕਈ Autorickshaw ਤਾਂ ਸਮਰੱਥਾ ਤੋਂ ਵੱਧ ਬੱਚਿਆਂ ਨੂੰ ਲੱਦ ਕੇ ਸਫਰ ਕਰਦੇ ਹਨ। ਜਿਸ ਕਰਕੇ ਪ੍ਰਸ਼ਾਸਨ ਨੇ ਸਕੂਲੀ ਬੱਚਿਆਂ ਨੂੰ ਲਿਜਾਣ ਵਾਸਤੇ ਆਟੋ ਮਾਲਕਾਂ ਨੂੰ ਹਦਾਇਤ ਵੀ ਕੀਤੀ ਸੀ ਕਿ ਉਹ ਥ੍ਰੀਵ੍ਹੇਲਰਾਂ ਦੇ ਇੱਕ ਪਾਸੇ ਲੋਹੇ ਦਾ ਗੇਟ ਅਤੇ ਦੂਜੇ ਪਾਸੇ ਗਰਿੱਲ ਲਗਵਾਉਣ ਪਰ ਕਿਸੇ ਨੇ ਵੀ ਇਨ੍ਹਾਂ ਹੁਕਮਾਂ ਨੂੰ ਨਹੀਂ ਮੰਨਿਆ।
ਸ਼ਹਿਰ ਦੇ ਕਈ ਸਕੈਟਰਾਂ ਵਿੱਚ ਚੱਲਦੇ ਇਨ੍ਹਾਂ ਵਾਹਨਾ ਵੱਲੋਂ ਨਿਰਧਾਰਤ ਸੀਟਾਂ ਦੇ ਉਲਟ ਦੁੱਗਣੀ ਸਮਰੱਥਾ ਦੇ ਨਾਲ ਬੱਚਿਆਂ ਨੂੰ ਸਵਾਰ ਕੀਤਾ ਜਾਂਦਾ ਹੈ।ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਹੁਕਮਾਂ ਅਨੁਸਾਰ ਉਹੀ ਵਾਹਨ ਹੀ ਬੱਚਿਆਂ ਨੂੰ ਲਿਜਾ ਸਕਦਾ ਹੈ, ਜਿਸ ਕੋਲ ਪ੍ਰਾਈਵੇਟ ਸਰਵਿਸ ਵਹੀਕਲ ਪਰਮਿਟ ਫਾਰ ਸਕੂਲ ਚਿਲਡਰਨ ਹੋਵੇ।ਪ੍ਰਸ਼ਾਸਣ ਵੱਲੋਂ ਵੀ ਇੱਕ ਆਟੋ ਵਿੱਚ ਪੰਜ ਬੱਚੇ ਬਿਠਾਉਣ ਦੀ ਹਦਾਇਤਾਂ ਹਨ।
ਐੱਸਟੀਏ ਦੇ ਵਧੀਕ ਸਕੱਤਰ ਰਾਜੀਵ ਤਿਵਾੜੀ ਨੇ ਦੱਸਿਆ ਕਿ ਉਨ੍ਹਾਂ ਵੱਲੋਂ ਅੱਜ ਸੌਪਿੰਨਜ. ਸਕੂਲ ਦੀਆਂ ੨੦ ਬੱਸਾਂ ਦੀਆਂ ਜਾਂਚ ਕੀਤੀ ਗਈ। ਉਨ੍ਹਾਂ ਵੱਲੋਂ ਗੈਰਕਾਨੂੰਨੀ ਥ੍ਰੀਵ੍ਹੀਲਰ ਵਾਲਿਆਂ 'ਤੇ ਵੀ ਕਾਰਵਾਈ ਕੀਤੀ ਗਈ ਅਤੇ ੧੭ ਆਟੋਆਂ ਦੇ ਚਲਾਨ ਕੀਤੇ ਗਏ। ਉਨ੍ਹਾਂ ਨੇ ਕਿਹਾ ਕਿ ਸੇਂਟ ਜ.ੇਵੀਅਰ ਦੀਆਂ ਬੱਸਾਂ ਵੀ ਸਪੀਡ ਗਵਰਨਰ ਠੀਕ ਨਾ ਹੋਣ ਕਾਰਨ ਜ਼ਬਤ ਕੀਤੀਆਂ ਗਈਆਂ ਹਨ।
ਦੂਜੇ ਪਾਸੇ ਬੱਸ ਅਪਰੇਟਰ ਯੂਨੀਅਨ ਨੇ ਉਨ੍ਹਾਂ ਨਾਲ ਧੱਕਾ ਹੋਣ ਦੇ ਦੋਸ਼ ਵੀ ਲਾਏ ਹਨ ਚੰਡੀਗੜ੍ਹ ਬੱਸ ਆਪਰੇਟਰ ਯੂਨੀਅਨ ਦੇ ਪ੍ਰਧਾਨ ਮਨਜੀਤ ਸਿੰਘ ਨੇ ਦੱਸਿਆ ਕਿ ਐਸਟੀਏ ਵੱਲੋਂ ਬੱਸ ਆਪਰੇਟਰਾਂ ਨੂੰ ਬੇਵਜਾਹ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ।ਸੇਂਟ ਜੇਵੀਅਰ ਦੀਆਂ ਤਿੰਨ ਬੱਸਾਂ ਸਪੀਡ ਗਵਰਨਰ ਲੱਗੇ ਹੋਣ ਦੇ ਬਾਵਜੂਦ ਵੀ ਜਬਤ ਕੀਤੀਆਂ ਗਈਆਂ ਹਨ।
