ਡੇਰਾ ਸਿਰਸਾ ਵਿੱਚ ਚੱਲ ਰਹੇ ਹਸਪਤਾਲਾਂ ਦੀ ਦੇਖਰੇਖ ਹੁਣ ਕਰੇਗਾ ਸਿਵਲ ਸਰਜਨ:ਹਾਈਕੋਰਟ
ਡੇਰਾ ਸਿਰਸਾ ਵਿੱਚ ਚੱਲ ਰਹੇ ਹਸਪਤਾਲਾਂ ਦੀ ਦੇਖਰੇਖ ਹੁਣ ਕਰੇਗਾ ਸਿਵਲ ਸਰਜਨ:ਹਾਈਕੋਰਟ:ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਨੇ ਡੇਰਾ ਸਿਰਸਾ ਵਿੱਚ ਚੱਲ ਰਹੇ ਹਸਪਤਾਲਾਂ ਨੂੰ ਚਲਾਉਣ ਦੇ ਨਿਰਦੇਸ਼ ਹੁਣ ਸਿਰਸਾ ਦੇ ਸਿਵਲ ਸਰਜਨ ਨੂੰ ਦਿੱਤੇ ਹਨ।
ਹਾਈਕੋਰਟ ਨੇ ਅੱਜ ਸੁਣਵਾਈ ਦੌਰਾਨ ਸਿਵਲ ਸਰਜਨ ਸਿਰਸਾ ਨੂੰ ਡੇਰੇ ਵਿੱਚ ਚੱਲ ਰਹੇ ਹਸਪਤਾਲ ਤੇ ਮੈਡੀਕਲ ਇੰਸਟੀਚਿਊਟ ਬਾਰੇ ਸਟੇਟਸ ਰਿਪੋਰਟ ਫਾਈਲ ਕਰਨ ਨੂੰ ਕਿਹਾ ਹੈ।ਅਦਾਲਤ ਨੇ ਇਹ ਵੀ ਕਿਹਾ ਕਿ ਜਦੋਂ ਤੱਕ ਇਸ ਕੇਸ ਦਾ ਫੈਸਲਾ ਨਹੀਂ ਹੋ ਜਾਂਦਾ,ਡੇਰੇ ਵਿੱਚ ਚੈਰੀਟੇਬਲ ਹਸਪਤਾਲ ਤੇ ਇੰਸਟੀਚਿਊਟਸ ਨੂੰ ਸਿਵਲ ਸਰਜਨ ਸਿਰਸਾ ਦੀ ਦੇਖਰੇਖ ਵਿੱਚ ਚਲਾਇਆ ਜਾਵੇਗਾ।
ਹਾਈਕੋਰਟ ਨੇ ਸਿਵਲ ਸਰਜਨ ਨੂੰ ਇਹ ਵੀ ਨਿਰਦੇਸ਼ ਦਿੱਤੇ ਹਨ ਕਿ ਹਸਪਤਾਲ ਵਿੱਚ ਡਾਕਟਰ ਤੇ ਬਾਕੀ ਸਟਾਫ ਦੀ ਕੁਆਲੀਫਿਕੇਸ਼ਨ ‘ਤੇ ਵੀ ਰਿਪੋਰਟ ਫਾਈਲ ਕੀਤੀ ਜਾਵੇ।ਡੇਰਾ ਸਿਰਸਾ ਨੇ ਓਰੀਐਂਟਲ ਬੈਂਕ ਆਫ ਕਾਮਰਸ ਤੋਂ ਨੌਂ ਕਰੋੜ ਰੁਪਏ ਦਾ ਕਰ਼ ਲਿਆ ਸੀ ਜੋ ਵਾਪਸ ਨਾ ਕਰਨ ‘ਤੇ ਹਾਈਕੋਰਟ ਨੇ ਬੈਂਕ ਨੂੰ ਡੇਰੇ ਦੇ ਵੇਅਰ ਹਾਊਸ ਵਿੱਚ ਪਈਆਂ ਚੀਜ਼ਾਂ ਦੀ ਨਿਲਾਮੀ ਕਰਨ ਦੇ ਹੁਕਮ ਦਿੱਤੇ ਹਨ।
ਹੁਣ ਰਾਮ ਰਹੀਮ ਦੇ ਇਸ ਕੇਸ ਵਿੱਚ ਆਰੂਸ਼ੀ ਤਲਵਾੜ ਮਾਮਲੇ ਦੇ ਵਕੀਲ ਤਨਵੀਰ ਅਹਿਮਦ ਮੀਰ ਅੱਗੇ ਆਏ ਹਨ।ਰਾਮ ਰਹੀਮ ਦਾ ਬਚਾਓ ਕਰਨ ਲਈ ਹਰ ਮਾਮਲੇ ਵਿੱਚ ਹੁਣ ਤਨਵੀਰ ਅਹਿਮਦ ਮੀਰ ਚੰਡੀਗੜ੍ਹ ਤੇ ਪੰਚਕੂਲਾ ਆਉਣਗੇ।
-PTCNews
