ਫਰੀਦਕੋਟ ਦੀ ਮੰਡੀ ਚ ਲਿਫਟਿੰਗ ਠੇਕੇਦਾਰ ਦੀ ਮਨਮਰਜ਼ੀ ਜਾਰੀ, ਲੇਬਰ ਤੋਂ ਲੋਡਿੰਗ ਦੇ ਵਸੂਲੇ ਜਾ ਰਹੇ ਨੇ ਧੱਕੇ ਨਾਲ ਪੈਸੇ
ਫਰੀਦਕੋਟ ਦੀ ਮੰਡੀ ਚ ਲਿਫਟਿੰਗ ਠੇਕੇਦਾਰ ਦੀ ਮਨਮਰਜ਼ੀ ਜਾਰੀ, ਲੇਬਰ ਤੋਂ ਲੋਡਿੰਗ ਦੇ ਵਸੂਲੇ ਜਾ ਰਹੇ ਨੇ ਧੱਕੇ ਨਾਲ ਪੈਸੇ
ਲੇਬਰ ਵਲੋ ਇਸ ਗੁੰਡਾ ਟੈਕਸ ਦਾ ਕੀਤਾ ਜਾ ਰਿਹਾ ਵਿਰੋਧ
ਫਰੀਦਕੋਟ ਦੀ ਮੰਡੀ ਇਸ ਵੇਲੇ ਸਿਆਸੀ ਅਖਾੜਾ ਬਣ ਚੁੱਕੀ ਹੈ ਅਤੇ ਸਿਆਸੀ ਦਖ਼ਲਅੰਦਾਜ਼ੀ ਕਾਰਨ ਆੜਤੀਆਂ, ਲੇਬਰ ਅਤੇ ਕਿਸਾਨ ਪਿਸ ਰਹੇ ਹਨ। ਇਸ ਮੰਡੀ ਵਿੱਚ ਲਿਫਲਿੰਗ ਦਾ ਠੇਕਾ ਪੱਲੇਦਾਰ ਯੂਨੀਅਨ ਨੂੰ ਟੈਂਡਰ ਅਲਾਟ ਹੋਇਆ ਸੀ, ਪਰ ਮੌਜੂਦਾ ਕਾਂਗਰਸੀ ਵਿਧਾਇਕ ਦੀ ਦਖਲਅੰਦਾਜ਼ੀ ਕਾਰਨ ਪ੍ਰਸ਼ਾਸਨ ਵੱਲੋਂ ਟ੍ਰਾਂਸਪੋਰਟ ਅਤੇ ਲੇਬਰ ਨਾ ਹੋਣ ਦਾ ਦਾਅਵਾ ਕਰ ਕੈਂਸਲ ਕਰ ਕਾਂਗਰਸੀ ਵਿਧਾਇਕ ਦੇ ਚਹੇਤੇ ਨੂੰ ਦੇ ਦਿਤਾ ਗਿਆ ਪਰ ਮੰਡੀ ਵਿੱਚ ਲਿਫਟਿੰਗ ਦੀ ਸਮੱਸਿਆ ਜਸ ਦੀ ਤੱਸ ਬਣੀ ਹੋਈ ਹੈ।
ਹੁਣ, ਠੇਕੇਦਾਰ ਵੱਲੋਂ ਲੇਬਰ ਨਾਲ ਵੀ ਧੱਕਾ ਕੀਤਾ ਜਾ ਰਿਹਾ ਹੈ ਅਤੇ ਲੋਡਿੰਗ ਸਮੇਂ ਉਨ੍ਹਾਂ ਤੋਂ ਨਾਜ਼ਾਇਜ ਵਸੂਲੀ ਕੀਤੀ ਜਾ ਰਹੀ ਹੈ।
ਆੜਤੀਆਂ ਵੱਲੋ ਮਾਲ ਚੁਕਾਉਣ ਦਾ ਲੇਬਰ ਨਾਲ ਇਕ ਰੁਪਏ ਨੱਬੇ ਪੈਸੇ ਦਾ ਸੌਦਾ ਤੈਅ ਹੋਇਆ ਹੈ ਪਰ ਜਦ ਠੇਕੇਦਾਰ ਦੀਆ ਗੱਡੀਆਂ ਮੰਡੀ ਵਿੱਚ ਮਾਲ ਚੁੱਕਣ ਪੁਹੰਚਦੀਆਂ ਹਨ ਤਾਂ ਲੇਬਰ ਤੋਂ ਧੱਕੇ ਨਾਲ ਚਾਰ ਰੁਪਏ ਬੋਰੀ ਦੀ ਮੰਗ ਕੀਤੀ ਜਾਂਦੀ ਹੈ, ਨਾਲ ਹੀ ਗੋਦਾਮਾਂ ਵਿੱਚ ਅਨਲੋਡ ਕਰਨ ਦੀ ਜ਼ਿੰਮੇਵਾਰੀ ਸਰਕਾਰ ਦੀ ਬਣਦੀ ਹੈ ਪਰ ਉਥੇ ਵੀ ਲੇਬਰ ਦਾ ਪ੍ਰਬੰਧ ਨਾ ਹੋਣ ਕਾਰਨ ਇਨ੍ਹਾਂ ਤੋਂ ਹੀ ਅਨਲੋਡਿੰਗ ਕਰਵਾਈ ਜਾਂਦੀ ਹੈ।
ਇਨ੍ਹਾਂ ਹੀ ਨਹੀਂ ਟਰਾਂਸਪੋਰਟ ਵਾਲੇ ੫੦ ਪੈਸੇ ਡਾਲੇ ਦੀ ਮੰਗ ਕਰਦੇ ਹਨ ਜੋ ਕੇ ਲੋਕਲ ਗੱਡੀਆਂ ਤੇ ਬਿਲਕੁਲ ਨਹੀਂ ਬਣਦਾ।ਇਸ ਸਭ ਤੋਂ ਪ੍ਰੇਸ਼ਾਨ ਲੇਬਰ ਹੁਣ ਹੜਤਾਲ ਕਰਨ ਦੇ ਰੋਅ ਵਿੱਚ ਹੈ ਜਿਸ ਨਾਲ ਸਥਿਤੀ ਗੰਭੀਰ ਬਣ ਸਕਦੀ ਹੈ।
ਇਸ ਵਕਤ ਲੇਬਰ ਯੂਨੀਅਨ ਦੇ ਪ੍ਰਧਾਨ ਸ਼ਿੰਦਾ ਸਿੰਘ ਨੇ ਕਿਹਾ ਕਿ ਠੇਕੇਦਾਰ ਵੱਲੋਂ ਉਨ੍ਹਾਂ ਨਾਲ ਧੱਕਾ ਕਰ ਵਸੂਲੀ ਕੀਤੀ ਜਾ ਰਹੀ ਹੈ ਕਿਉਂਕਿ ਅਗਰ ਠੇਕੇਦਾਰ ਠੇਕਾ ਲੈਂਦਾ ਹੈ ਤਾਂ ਪਹਿਲਾਂ ਲੇਬਰ ਦਾ ਪ੍ਰਬੰਧ ਕਰਨਾ ਜਰੂਰੀ ਹੈ ਪਰ ਠੇਕੇਦਾਰ ਕੋਲ ਲੇਬਰ ਨਾ ਹੋਣ ਕਾਰਨ ਕੱਚੀ ਲੇਬਰ ਨਾਲ ਧੱਕਾ ਕੀਤਾ ਜਾ ਰਿਹਾ ਹੈ।
—PTC News
