ਪਿੰਡ ਸੇਖਵਾਂ 'ਚ ਆਏ ਤੂਫਾਨ ਨੇ ਮਚਾਈ ਤਬਾਹੀ (ਤਸਵੀਰਾਂ)
Ferozpur storm: Severe wind storm hits part of rural Ferozepur: ਪਿੰਡ ਸੇਖਵਾਂ 'ਚ ਆਏ ਤੂਫਾਨ ਨੇ ਮਚਾਈ ਤਬਾਹੀ (ਤਸਵੀਰਾਂ) ਸੋਮਵਾਰ ਸ਼ਾਮ ਨੂੰ ਫ਼ਿਰੋਜ਼ਪੁਰ ਜ਼ਿਲੇ ਦੇ ਤਲਵੰਡੀ ਭਾਈ ਇਲਾਕੇ ਦੇ ਪੇਂਡੂ ਖੇਤਰਾਂ 'ਚ ਆਏ ਭਿਆਨਕ ਤੂਫਾਨ ਨੇ ਇਲਾਕੇ 'ਚ ਭਾਰੀ ਤਬਾਹੀ ਮਚਾਈ। ਹਾਂਲਾਕਿ, ਇਸ ਤੂਫਾਨ ਕਰਨ ਕਿਸੇ ਤਰ੍ਹਾਂ ਦੇ ਕੋਈ ਜਾਨੀ ਨੁਕਸਾਨ ਦੀ ਖਬਰ ਨਹੀਂ ਮਿਲੀ ਹੈ, ਪਰ ਸੀਮਤ ਖੇਤਰਾਂ ਵਿੱਚ ਘਰ, ਵਾਹਨਾਂ ਅਤੇ ਬਿਜਲੀ ਦੇ ਖੰਭਿਆਂ ਸਮੇਤ ਹੋਰ ਮਾਲੀ ਨੁਕਸਾਨ ਹੋਣ ਦਾ ਸਮਾਚਾਰ ਹੈ। ਇਸ ਤੂਫਾਨ ਨਾਲ ਹੋਏ ਨੁਕਸਾਨ ਦੇ ਸਰਕਾਰੀ ਅੰਕੜੇ ਅਜੇ ਤੱਕ ਜਾਰੀ ਨਹੀਂ ਕੀਤੇ ਗਏ ਹਨ। ਮੌਸਮ ਮਾਹਿਰਾਂ ਨੇ ਅਜੇ ਇਸ ਘਟਨਾ ਦਾ ਮੁਲਾਂਕਣ ਨਹੀਂ ਕੀਤਾ ਹੈ। Ferozpur storm: Severe wind storm hits part of rural Ferozepur: ਮਿਲੀ ਜਾਣਕਾਰੀ ਮੁਤਾਬਕ, ਗੁਰੂ ਕ੍ਰਿਪਾ ਖੇਤੀਬਾੜੀ ਵਰਕਸ਼ਾਪ ਵਿੱਚ ਵੀ ਭਾਰੀ ਨੁਕਸਾਨ ਹੋਇਆ ਹੈ। ਤੂਫਾਨ ਦੌਰਾਨ ਇਸ ਦਾ ਸ਼ੈਡ ਦੂਰ ਦੂਰ ਉੱਡ ਗਿਆ ਸੀ ਅਤੇ ਵਰਕਸ਼ਾਪ ਦੇ ਕਰਮਚਾਰੀ ਜ਼ਖ਼ਮੀ ਹੋਏ ਸਨ ਅਤੇ ਨਾਲ ਲੱਗਦੇ ਘਰਾਂ ਨੂੰ ਵੀ ਭਾਰੀ ਨੁਕਸਾਨ ਹੋਇਆ। ਇਸ ਤੂਫਾਨ ਦਾ ਪ੍ਰਭਾਵ ਇੰਨਾ ਗੰਭੀਰ ਸੀ ਕਿ ਟਰੈਕਟਰ ਟਰਾਲੀ ਅਤੇ ਇਕ ਜੀਪ ਤੱਕ ਪਲਟੀ ਗਈ ਸੀ। ਇਸ ਘਟਨਾ 'ਚ ਲਗਭਗ 10 ਵਿਅਕਤੀਆਂ ਦੇ ਜ਼ਖਮੀ ਹੋਣ ਦੀ ਸੂਚਨਾ ਹੈ ਅਤੇ ਵਰਕਸ਼ਾਪ ਦੇ ਮਾਲਕ ਹਰਦੀਪ ਸਿੰਘ ਅਨੁਸਾਰ, ਨੁਕਸਾਨ ਬਹੁਤ ਜ਼ਿਆਦਾ ਸੀ ਅਤੇ ਇਸਦੀ ਸਹੀ ਰਕਮ ਦਾ ਮੁਲਾਂਕਣ ਬਾਅਦ 'ਚ ਹੋ ਸਕੇਗਾ। ਇਸ ਗੰਭੀਰ ਤੂਫਾਨ ਕਾਰਨ ਖੇਤਰ ਦੀ ਸਥਿਤੀ ਤਣਾਅਪੂਰਨ ਬਣੀ ਹੋਈ ਹੈ। —PTC News