ਫੀਫਾ ਵਿਸ਼ਵ ਕੱਪ 2018 :ਪੁਰਤਗਾਲ ਨੇ ਮੋਰਾਕੋ ਨੂੰ 1-0 ਨਾਲ ਹਰਾਇਆ
ਫੀਫਾ ਵਿਸ਼ਵ ਕੱਪ 2018 :ਪੁਰਤਗਾਲ ਨੇ ਮੋਰਾਕੋ ਨੂੰ 1-0 ਨਾਲ ਹਰਾਇਆ:ਫੀਫਾ ਵਿਸ਼ਵ ਕੱਪ 2018 ਦੇ ਇੱਕ ਮੁਕਾਬਲੇ ਵਿਚ ਕਪਤਾਨ ਕ੍ਰਿਸਟਿਆਨੋ ਰੋਨਾਲਡੋ ਦੇ ਸ਼ਾਨਦਾਰ ਗੋਲ ਸਦਕਾ ਪੁਰਤਗਾਲ ਨੇ ਆਪਣਾ ਜੇਤੂ ਅਭਿਆਨ ਜਾਰੀ ਰੱਖਦੇ ਹੋਏ ਮੋਰਾਕੋ ਨੂੰ 1-0 ਨਾਲ ਹਰਾ ਦਿੱਤਾ।
ਪੁਰਤਗਾਲ ਦੀ ਵਿਸ਼ਵ ਕੱਪ ਵਿਚ ਇਹ ਲਗਾਤਾਰ ਦੂਸਰੀ ਜਿੱਤ ਹੈ।ਪਿਛਲੇ ਮੈਚ ਦੀ ਤਰ੍ਹਾਂ ਇਸ ਮੈਚ 'ਚ ਵੀ ਰੋਨਾਲਡੋ ਨੇ ਸ਼ਾਨਦਾਰ ਖੇਡ ਦਿਖਾਇਆ ਅਤੇ ਮੈਚ ਦੇ ਚੌਥੇ ਮਿੰਟ 'ਚ ਗੋਲ ਕਰ ਕੇ ਆਪਣੀ ਟੀਮ ਨੂੰ ਮੋਰਾਕੋ 'ਤੇ 1-0 ਦੀ ਬੜ੍ਹਤ ਬਣਾ ਦਿੱਤੀ।
ਹਾਲਾਂਕਿ ਮੋਰਾਕੋ ਦੀ ਟੀਮ ਵੀ ਹਮਲਾਵਾਰ ਤਰੀਕੇ ਨਾਲ ਖੇਡ ਰਹੀ ਸੀ।ਮੋਰਾਕੋ ਨੇ ਵੀ ਗੋਲ ਕਰਨ ਦੀ ਬਹੁਤ ਕੋਸ਼ਿਸ਼ ਕੀਤੀ ਪਰ ਪੁਰਤਗਾਲ ਦੇ ਡਿਫੈਂਸ ਨੇ ਉਨ੍ਹਾਂ ਦੇ ਮਨਸੂਬਿਆਂ 'ਤੇ ਪਾਣੀ ਫੇਰ ਦਿੱਤਾ।
ਦੱਸ ਦਈਏ ਕਿ ਪਹਿਲੇ ਹਾਫ ਤੱਕ ਪੁਰਤਗਾਲ ਨੇ ਮੋਰਾਕੋ 'ਤੇ 1-0 ਦੀ ਬੜ੍ਹਤ ਬਣਾ ਕੇ ਰੱਖੀ।ਦੂਜਾ ਹਾਫ ਸ਼ੁਰੂ ਹੋਣ ਦੇ ਬਾਅਦ ਮੋਰਾਕੋ ਨੂੰ ਕਈ ਸੁਨਿਹਰੀ ਮੌਕੇ ਮਿਲੇ ਪਰ ਉਹ ਇਨ੍ਹਾਂ ਮੌਕਿਆਂ ਨੂੰ ਗੋਲ 'ਚ ਤਬਦੀਲ ਕਰਨ 'ਚ ਕਾਮਯਾਬ ਨਾ ਹੋ ਸਕੇ।
-PTCNews
