ਭਾਰਤੀ ਖਿਡਾਰਨ ਹਿਮਾ ਦਾਸ ਨੇ ਤੋੜਿਆ ਮਿਲਖਾ ਸਿੰਘ ਤੇ ਪੀਟੀ ਊਸ਼ਾ ਦਾ ਰਿਕਾਰਡ
ਭਾਰਤੀ ਖਿਡਾਰਨ ਹਿਮਾ ਦਾਸ ਨੇ ਤੋੜਿਆ ਮਿਲਖਾ ਸਿੰਘ ਤੇ ਪੀਟੀ ਊਸ਼ਾ ਦਾ ਰਿਕਾਰਡ:ਭਾਰਤ ਦੀ 18 ਸਾਲਾ ਐਥਲੀਟ ਹਿਮਾ ਦਾਸ ਨੇ ਇਤਿਹਾਸ ਰਚ ਦਿੱਤਾ ਹੈ।ਭਾਰਤੀ ਖਿਡਾਰਨ ਹਿਮਾ ਨੇ ਆਈ.ਏ.ਏ.ਐੱਫ. ਵਿਸ਼ਵ ਅੰਡਰ-20 ਐਥਲੈਟਿਕਸ ਚੈਂਪੀਅਨਸ਼ਿਪ ਵਿਚ 400 ਮੀਟਰ ਦੌੜ ਵਿੱਚ ਗੋਲਡ ਮੈਡਲ ਜਿੱਤਿਆ ਹੈ।ਇਸ ਦੌੜ ਨੂੰ ਪੂਰਾ ਕਰਨ ਵਿੱਚ ਉਸ ਨੇ 51.46 ਸੈਕੰਡ ਲੱਗੇ। 18 ਸਾਲਾਂ ਦੀ ਹਿਮਾ ਨੇ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਰਾਹੀਂ ਭਾਰਤ ਦੀ ਫਰਾਟਾ ਦੌੜਾਕ ਰਹੀ ਪੀ.ਟੀ. ਊਸ਼ਾ ਅਤੇ ਉਡਣੇ ਸਿੱਖ ਵਜੋਂ ਪ੍ਰਸਿੱਧ ਮਿਲਖਾ ਸਿੰਘ ਨੂੰ ਵੀ ਪਛਾੜ ਕੇ ਰੱਖ ਦਿਤਾ ਹੈ।ਹਿਮਾ ਦੀ ਇਸ ਜਿੱਤ ਦਾ ਜਸ਼ਨ ਪੂਰਾ ਦੇਸ਼ ਮਨਾ ਰਿਹਾ ਹੈ।ਉਹ ਪਹਿਲੀ ਭਾਰਤੀ ਐਥਲੀਟ ਬਣ ਗਈ ਹੈ।ਦੱਸ ਦਈਏ ਕਿ 400 ਮੀਟਰ ਦੀ ਦੌੜ ਵਿਚ ਹਿਮਾ ਦਾਸ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਹੈ।ਹਿਮਾ ਤੋਂ ਪਹਿਲਾਂ ਕੋਈ ਵੀ ਮਹਿਲਾ ਜਾਂ ਪੁਰਸ਼ ਖਿਡਾਰੀ ਕਿਸੇ ਵੀ ਪੱਧਰ ‘ਤੇ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਸੋਨੇ ਦਾ ਜਾਂ ਕੋਈ ਹੋਰ ਤਮਗਾ ਨਹੀਂ ਜਿੱਤ ਸਕਿਆ ਹੈ।ਹਿਮਾ ਦਾਸ ਤੋਂ ਪਹਿਲਾਂ ਸਭ ਤੋਂ ਚੰਗਾ ਪ੍ਰਦਰਸ਼ਨ ਮਿਲਖਾ ਸਿੰਘ ਅਤੇ ਪੀ.ਟੀ. ਊਸ਼ਾ ਦਾ ਰਿਹਾ ਸੀ ਪਰ ਹੁਣ ਹਿਮਾ ਨੇ ਇਸ ਰਿਕਾਰਡ ਤੋੜ ਕੇ ਅਪਣੇ ਨਾਮ ਕਰ ਲਿਆ ਹੈ।ਹਿਮਾ ਦਾਸ ਅਸਮ ਦੇ ਨਗਾਂਵ ਜ਼ਿਲ੍ਹੇ ਦੇ ਦਿੰਗ ਪਿੰਡ ਦੇ ਰਹਿਣ ਵਾਲੀ ਹੈ।ਉਹ ਹਾਲੇ ਸਿਰਫ 18 ਸਾਲ ਦੀ ਹੈ।ਹਿਮਾ ਇੱਕ ਸਧਾਰਨ ਕਿਸਾਨ ਪਰਿਵਾਰ ਤੋਂ ਹੈ।ਉਸਦੇ ਪਿਤਾ ਝੌਨੇ ਦੀ ਖੇਤੀ ਕਰਦੇ ਹਨ।ਉਹ ਪਰਿਵਾਰ ਵਿੱਚ 6 ਬੱਚਿਆਂ ਵਿੱਚ ਸਭ ਤੋਂ ਛੋਟੀ ਹੈ।ਹਿਮਾ ਪਹਿਲਾਂ ਲੜਕਿਆਂ ਨਾਲ ਫੁੱਟਬਾਲ ਖੇਡਦੀ ਸੀ ਅਤੇ ਇੱਕ ਸਟ੍ਰਾਈਕਰ ਦੇ ਤੌਰ ਉੱਤੇ ਆਪਣੀ ਪਛਾਣ ਬਣਾਉਣਾ ਚਾਹੰਦੀ ਸੀ।ਉਨ੍ਹਾਂ ਨੇ 2 ਸਾਲ ਪਹਿਲਾ ਹੀ ਰੇਸਿੰਗ ਟ੍ਰੈਕ ਉੱਤੇ ਕਦਮ ਰੱਖਿਆ ਸੀ। ਉਸਦੇ ਕੋਲ ਪੈਸਿਆਂ ਦੀ ਘਾਟ ਸੀ ਪਰ ਕੋਚ ਨੇ ਉਸਦੀ ਪੂਰੀ ਸਹਾਇਤਾ ਕੀਤੀ। -PTCNews