New Update
ਅਕਾਲ ਤਖਤ ਨੇ ਇੱਕ ਵੱਡਾ ਫੈਸਲਾ ਲੈਂਦੇ ਹੋਏ ਖਰਚੀਲੇ ਵਿਆਹ ਭਾਵ "ਬਿਗ ਫੈਟ ਵੈਡਿੰਗ" ਕਰਨ ਵਾਲਿਆਂ ਨੂੰ ਕਰਾਰਾ ਝਟਕਾ ਦਿੱਤਾ ਹੈ।
ਪੰਜਾਬ 'ਚ ਵਿਆਹਾਂ 'ਤੇ ਵੱਧ ਚੜ੍ਹ ਕੇ ਖਰਚਾ ਕਰਨਾ ਕਾਫੀ ਵਧੀਆ ਮੰਨਿਆ ਜਾਂਦਾ ਹੈ।ਇਸ ਵਿੱਚ ਲੋਕ ਦਿਖਾਵਾ ਕਰਨ ਲਈ ਪੈਸਾ ਪਾਣੀ ਵਾਂਗ ਵਹਾਇਆ ਜਾਂਦਾ ਹੈ।
ਪਰ, ਹੁਣ ਸ਼ਾਇਦ ਇੰਝ ਵਿਆਹ ਕਰਨਾ ਮੁਮਕਿਨ ਨਹੀਂ ਹੋਵੇਗਾ ਕਿਉਂਕਿ ਵੱਧ ਖਰਚੇ ਵਾਲੇ ਵਿਆਹਾਂ ਨੂੰ ਰਿਜੈਕਟ ਕਰਨ ਲਈ ਅਕਾਲ ਤਖਤ ਨੇ ਵੀ ਆਪਣੀ ਮੋਹਰ ਲਗਾ ਦਿੱਤੀ ਹੈ।
ਇੰਟਰਨੈਸ਼ਨਲ ਪੰਜਾਬ ਫੋਰਮ ਨੇ ਮੰਗਲਵਾਰ ਨੂੰ ਇੱਕ ਕਾਨਫਰੰਦ ਸਾ ਆਯੋਜਨ ਕੀਤਾ ਸੀ। ਇਸਦੇ ਚੱਲਦਿਆਂ ਕਈ ਰਾਜਾਂ ਤੋਂ ਗੁਰਦੁਆਰਾ ਕਮੇਟੀਆਂ ਨੇ ਵੀ ਇਸ 'ਚ ਸ਼ਿਰਕਤ ਕੀਤੀ ਸੀ।
ਇਸ ਵਿੱਚ ਸਿੱਖਾਂ ਵੱਲੋਂ ਵਿਆਹਾਂ 'ਤੇ ਕੀਤੇ ਜਾਂਦੇ ਬੇਲੋੜ੍ਹੇ ਖਰਚੇ ਬਾਰੇ ਚਰਚਾ ਕੀਤੀ ਗਈ ਸੀ ਅਤੇ ਸੁਝਾਅ ਦਿੱਤਾ ਗਿਆ ਸੀ ਕਿ ਇੰਝ ਦੇ ਵਿਆਹਾਂ 'ਤੇ ਰੋਕ ਲੱਗਣੀ ਚਾਹੀਦੀ ਹੈ।
ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜੀਤ ਸਿੰਘ ਜੀ ਕੇ ਨੇ ਵੀ ਕਿਹਾ ਕਿ ਮੈਂ ਵੀ ਆਪਣੇ ਮੁੰਡੇ ਦੇ ਵਿਆਹ 'ਤੇ ਵਾਧੂ ਖਰਚ ਨਹੀਂ ਕਰੂੰਗਾ।
ਉਹਨਾਂ ਕਿਹਾ ਕਿ ਕਾਰਡ ਪ੍ਰਿਟਿੰਗ ਅਤੇ ਸਜਾਵਟ ਵਾਲੇ ਖਰਚਿਆਂ ਤੋਂ ਵੀ ਗੁਰਜ਼ ਕੀਤਾ ਜਾਵੇਗਾ। ਅਜਿਹਾ ਉਹ ਇਸ ਲਈ ਕਟਨਗੇ ਤਾਂ ਜੋ ਦੂਸਰੇ ਲੋਕ ਵੀ ਇਸ ਤੋਂ ਸਿੱਖਿਆ ਲੈਣ।
ਉਹਨਾਂ ਕਿਹਾ ਕਿ ਕਿਹੜੀ ਸਬਜ਼ੀ ਬਣਨੀ ਹੈ ਜਾਂ ਇੰਤਜ਼ਾਮ ਕਿਵੇਂ ਦੇ ਹੋਣੇ ਚਾਹੀਦੇ ਹਨ, ਇਸ ਦਾ ਫੈਸਲਾ ਵੀ ਕਮੇਟੀ ਹੀ ਲਵੇਗੀ।
ਦੂਸਰੇ ਪਾਸੇ, ਫੋਰਮ ਪ੍ਰੈਜ਼ਿਡੈਂਟ ਚੱਡਾ ਨੇ ਕਿਹਾ ਕਿ ਪਿਛਲੇ ਦਿਨੀਂ ਉਹਨਾਂ ਦੇ ਮਾਤਾ ਜੀ ਗੁਜ਼ਰ ਗਏ ਸਨ। ਉਹਨਾਂ ਕਿਹਾ ਕਿ ਉਹਨਾਂ ਦੇ ਭੋਗ 'ਤੇ ਕੋਈ ਫਾਲਤੂ ਖਰਚਾ ਨਾ ਕਰਕਟ ਉਹਨਾਂ ਨੇ ਵੀ ਇੱਕ ਸਾਦੇ ਭੋਗ ਸਮਾਗਮ ਦਾ ਇੰਤਜ਼ਾਮ ਕੀਤਾ ਸੀ।
—PTC News-