ਐਕਟਿਵਾ ਸਵਾਰ ਵਿਦਿਆਰਥੀ ਨੇ ਖੋਇਆ ਸੰਤੁਲਨ : ਆਡੀ ਤੇ ਸਾਈਕਲ ਦੀ ਹੋਈ ਟੱਕਰ, ਹਾਦਸੇ ਨੇ ਨਿਗਲੀ ਇੱਕ ਜ਼ਿੰਦਗੀ, ਕਈ ਹੋਰ ਜ਼ਖਮੀ
ਐਕਟਿਵਾ ਸਵਾਰ ਵਿਦਿਆਰਥੀ ਨੇ ਖੋਇਆ ਸੰਤੁਲਨ : ਆਡੀ ਤੇ ਸਾਈਕਲ ਦੀ ਹੋਈ ਟੱਕਰ, ਹਾਦਸੇ ਨੇ ਨਿਗਲੀ ਇੱਕ ਜ਼ਿੰਦਗੀ, ਕਈ ਹੋਰ ਜ਼ਖਮੀ
ਅੱਜ ਸਵੇਰੇ ਕਰੀਬ ਸੱਤ ਵਜੇ ਜਲੰਧਰ-ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ 'ਤੇ ਪੈਂਦੇ ਕਸਬਾ ਟਾਂਡਾ ਅਧੀਨ ਆਉਂਦੇ ਪਿੰਡ ਧੜਿਆਲ 'ਚ ਇੱਕ ਆਡੀ ਕਾਰ ਅਤੇ ਸਾਈਕਲ ਨਾਲ ਐਕਟਿਵਾ ਦੀ ਟੱਕਰ ਹੋਣ ਕਾਰਨ ਸਾਈਕਲ ਸਵਾਰ ਦੀ ਮੌਤ ਹੋਣ ਦੀ ਖਬਰ ਹੈ। ਇਸ ਹਾਦਸੇ 'ਚ ਦੋ ਬੱਚੇ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਏ ਹਨ।
ਮਿਲੀ ਜਾਣਕਾਰੀ ਮੁਤਾਬਕ, ਇਸ ਘਟਨਾ 'ਚ ਆਡੀ ਸਵਾਰ ਛੇ ਲੋਕ ਵੀ ਗੰਭੀਰ ਰੂਪ ਨਾਲ ਜ਼ਖਮੀ ਹੋਏ ਹਨ, ਜਿੰਨ੍ਹਾਂ ਨੂੰ ਇਲਾਜ ਲਈ ਜਲੰਧਰ ਲਿਜਾਇਆ ਗਿਆ ਹੈ।
ਦੱਸ ਦੇਈਏ ਕਿ ਸਵੇਰੇ ਆਡੀ ਗੱਡੀ ਪਠਾਨਕੋਟ ਤੋਂ ਜਲੰਧਰ ਵੱਲ ਜਾ ਰਹੀ ਸੀ, ਜਦੋਂ ਅਚਾਨਕ ਸਾਹਮਣੇ ਆ ਰਹੇ ਐਕਟਿਵਾ ਸਵਾਰ ਬੱਚੇ ਨੇ ਆਪਣਾ ਸੰਤੁਲਨ ਗਵਾ ਦਿੱਤਾ ਅਤੇ ਆਡੀ ਸਵਾਰ ਨੇ ਉਸਨੂੰ ਬਚਾਉਣ ਦੀ ਕੋਸ਼ਿਸ਼ 'ਚ ਗੱਡੀ ਘੁਮਾਈ ਤਾਂ ਉਹ ਸਾਈਕਲ ਤੇ ਜਾ ਰਹੇ ਦੋ ਭਰਾਵਾਂ 'ਚ ਜਾ ਵੱਜੀ, ਜਿੱਥੇ ਇੱਕ ਭਰਾ ਦੀ ਮੌਕੇ 'ਤੇ ਮੌਤ ਹੋ ਗਈ ਜਦਕਿ ਦੂਜਾ ਭਰਾ ਹਸਪਤਾਲ 'ਚ ਦਾਖਲ ਹੈ ਜਿੱਥੇ ਉਸਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।
ਇਸ ਹਾਦਸੇ 'ਚ ਕੁਲ ਅੱਠ ਲੋਕ ਜ਼ਖਮੀ ਹੋਏ ਹਨ। ਮ੍ਰਿਤਕ ਦੀ ਪਹਿਚਾਣ ਮਨਪ੍ਰੀਤ ਸਿੰਘ ਪੁੱਤਰ ਹਜੂਰ ਸਿੰਘ ਨਿਵਾਸੀ ਰਾਜਧਨ ਦੇ ਰੂਪ 'ਚ ਹੋਈ ਹੈ ਜਦਕਿ ਸਾਈਕਲ ਤੇ ਨਾਲ ਜਾ ਰਿਹਾ ਛੋਟਾ ਭਰਾ ਗੁਰਕੀਰਤ ਜ਼ਖਮੀ ਹੈ।
—PTC News
