ਲੜਕੇ ਨਾਲ ਗੁਆਂਢੀ ਵਲੋਂ ਕੀਤੀ ਗਈ ਬਦਫੈਲੀ
ਲੜਕੇ ਨਾਲ ਗੁਆਂਢੀ ਵਲੋਂ ਕੀਤੀ ਗਈ ਬਦਫੈਲੀ ਹਵਸ 'ਚ ਅੰਨ੍ਹੀ ਹੋਈ ਦੁਨੀਆਂ ਦਾ ਕੋਈ ਅੰਤ ਹੁੰਦਾ ਦਿਖਾਈ ਨਹੀਂ ਦੇ ਰਿਹਾ ਹੈ ਅਤੇ ਦਿਨ ਬ ਦਿਨ ਜਿਨਸੀ ਸੋਸ਼ਣ ਦੀਆਂ ਖਬਰਾਂ ਅਖਬਾਰਾਂ ਦੀਆਂ ਸੁਰਖੀਆਂ ਬਣਦੀਆਂ ਰਹਿੰਦੀਆਂ ਹਨ। ਹੁਣ ਬਲਾਤਕਾਰ ਦੇ ਮਾਮਲੇ 'ਚ ਮਾਸੂਮ ਲੜਕੀਆਂ ਦੇ ਨਾਲ ਨਾਲ ਲੜਕਿਆਂ ਨੂੰ ਵੀ ਸ਼ਿਕਾਰ ਬਣਾਇਆ ਜਾਣ ਲੱਗਿਆ ਹੈ ਅਤੇ ਇਹਨਾਂ ਮਾਮਲਿਆਂ 'ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਅਜਿਹੀ ਹੀ ਇਨਸਾਨੀਅਤ ਨੂੰ ਸ਼ਰਮਸਾਰ ਕਰਦੀ ਇੱਕ ਖਬਰ ਹੈ ਪਟਿਆਲਾ ਜ਼ਿਲ੍ਹੇ ਦੇ ਰਾਜਪੁਰਾ ਦੇ ਸੰਦੌੜ ਪਿੰਡ ਤੋਂ, ਜਿੱਥੇ ਸਾਢੇ ਪੰਜ ਸਾਲ ਦੇ ਲੜਕੇ ਨਾਲ ਗੁਆਂਢੀ ਵਲੋਂ ਹੀ ਬਦਫੈਲੀ ਕੀਤੇ ਜਾਣ ਦਾ ਸਮਾਚਾਰ ਹੈ। ਇਸ ਮਾਮਲੇ ਸੰਬੰਧੀ ਰਾਜਪੁਰਾ ਸਦਰ ਦੇ ਥਾਣੇ ਵਿਚ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਪੀੜਤ ਲੜਕੇ ਨੂੰ ਮੈਡੀਕਲ ਦੇ ਲਈ ਪਟਿਆਲਾ ਦੇ ਰਾਜਿੰਦਰਾ ਹਸਪਤਾਲ ਵਿਖੇ ਲਿਆਂਦਾ ਗਿਆ ਹੈ, ਜਿੱਥੇ ਉਸਦੀ ਮੈਡੀਕਲ ਜਾਂਚ ਹੋਣੀ ਹੈ। ਹੋਰ ਵੇਰਵਿਆਂ ਦੀ ਉਡੀਕ 'ਚ —PTC News