ਗੁਰਮੀਤ ਰਾਮ ਰਹੀਮ ਡੇਰੇ 'ਤੇ ਹੁਣ ਇੱਕ ਹੋਰ ਜਾਂਚ
ਸੱਚਾ ਸੌਦਾ ਦੇ ਡੇਰੇ ਤੋਂ ਕਿੱਥੇ ਗਾਇਬ ਹੋ ਜਾਂਦੇ ਸੀ ਲੋਕ? people go missing in dera ram rahim ਗੁਰਮੀਤ ਰਾਮ ਰਹੀਮ ਦੀਆਂ ਮੁਸ਼ਕਿਲਾਂ ਹੁਣ ਹੋਰ ਵਧਣ ਵਾਲੀਆਂ ਹਨ। ਪੁਲਿਸ ਹੁਣ ਉਹਨਾਂ 25 ਲੋਕਾਂ ਦੇ ਮਾਮਲੇ ਦੀ ਵੀ ਜਾਂਚ ਕਰੇਗੀ, ਜੋ ਪਿਛਲੇ ਕੁਝ ਸਾਲਾਂ ਦੇ ਦੌਰਾਨ ਡੇਰੇ ਤੋਂ ਗਾਇਬ ਹੋਏ ਹਨ। ਸਿਰਸਾ ਦੇ ਐਸਪੀ ਅਸ਼ਵਨੀ ਸ਼ੇਣਵੀ ਨੇ ਇਸ ਦੇ ਲਈ ਐਸਆਈਟੀ ਦਾ ਗਠਨ ਕਰ ਦਿੱਤਾ ਹੈ। ਪੁਲਿਸ ਨੂੰ ਗੁਰਮੀਤ ਸਿੰਘ ਦੇ ਜੇਲ ਜਾਣ ਤੋਂ ਬਾਅਦ ਤੋਂ ੨੦ ਸ਼ਿਕਾਇਤਾਂ ਇਸੇ ਸੰਬੰਧ 'ਚ ਮਿਲੀਆਂ ਹਨ। people go missing in dera ram rahim ਇਹਨਾਂ ਸ਼ਿਕਾਇਤਾਂ 'ਚ ਆਰੋਪ ਲੱਗਿਆ ਸੀ ਕਿ ਕੁਝ ਲੋਕਾਂ ਦੇ ਰਿਸ਼ਤੇਦਾਰ ਡੇਰੇ ਤੋਂ ਗਾਇਬ ਹੋ ਗਏ ਸਨ। ਇਹਨਾਂ 'ਚੋਂ ਕੁਝ ਦਾ ਕਹਿਣਾ ਹੈ ਕਿ ਉਹਨਾਂ ਦਾ ਕਤਲ ਕਰ ਦਿੱਤਾ ਗਿਆ ਹੈ।ਉਹਨਾਂ ਦੀ ਲਾਸ਼ ਨੂੰ ਵੀ ਉਥੇ ਹੀ ਡੇਰੇ ਚ ਕਿਤੇ ਦਬਾ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਸਾਲ ੨੦੧੧ ਤੋਂ ਲੈ ਕੇ ਸਾਲ ੨੦੧੭ ਦੇ ਵਿੱਚ ਡੇਰੇ ਤੋਂ ਗਾਇਬ ਹੋਣ ਦੀਆਂ ੧੧ ਐਫਆਈਆਰ ਦਰਜ ਕੀਤੀਆਂ ਗਈਆਂ ਹਨ। ਅਸ਼ਵਨੀ ਦੇ ਅਨੁਸਾਰ ਇਹਨਾਂ 'ਚੋਂ ਕੁਝ ਲੋਕਾਂ ਨੇ ਦੁਬਾਰਾ ਸ਼ਿਕਾਇਤ ਦਿੱਤੀ ਹੈ। ਇਸ ਤਰ੍ਹਾਂ ਕੁੱਲ ੨੫ ਗੁਮਸ਼ੁਦਗੀਆਂ ਦੇ ਮਾਮਲੇ ਪੁਲਿਸ ਦੇ ਕੋਲ ਹਨ। ਗਾਇਬ ਹੋਣ ਵਾਲਿਆਂ 'ਚ ਮਹਿਲਾਵਾਂ ਵੀ ਸ਼ਾਮਿਲ ਹਨ। ਟੋਹਾਨਾ ਦੀ ਰਹਿਣ ਵਾਲੀ ੩੨ ਸਾਲ ਦੀ ਵੀਣਾ ਰਾਣੀ ੨੬ ਜੁਲਾਈ ੨੦੧੬ ਤੋਂ ਲਾਪਤਾ ਹੈ। ਬਰਵਾਲਾ ਦੀ ਪ੍ਰਿਯੰਕਾ ਮਈ ੨੦੧੧ ਤੋਂ ਲਾਪਤਾ ਹੈ। ੩੬ ਸਾਲ ਦੀ ਸੰਤੋਸ਼ ਵੀ ਡੇਰੇ ਤੋਂ ੨੦੧੧ ਤੋਂ ਹੀ ਗਾਇਬ ਹੈ। ਯਮੁਨਾਨਗਰ ਦਾ ਸ਼ੀਸ਼ਪਾਲ ਅਗਸਤ ੨੦੧੪ 'ਚ ਡੇਰੇ 'ਚ ਆਇਆ ਸੀ ਲੇਕਿਨ ਇਸ ਤੋਂ ਬਾਅਦ ਉਹਨੂੰ ਦੁਬਾਰਾ ਨਹੀਂ ਦੇਖਿਆ ਗਿਆ। people go missing in dera ram rahim ਪੁਲਿਸ ਇਸ ਮਾਮਲੇ 'ਚ ਡੇਰਾ ਪ੍ਰਬੰਧਕਾਂ ਤੋਂ ਪੁੱਛਗਿਛ ਕਰ ਰਹੀ ਹੈ, ਨਾਲ ਹੀ ਰਾਮ ਰਹੀਮ ਤੋਂ ਵੀ ਪੁਛਗਿਛ ਕੀਤੀ ਜਾ ਸਕਦੀ ਹੈ। —PTC News