ਕਾਂਗਰਸ ਦੀ ਜਿੱਤ ਦੇ ਥੱਪੜ ਦੀ ਗੂੰਜ ਦੂਰ ਦੂਰ ਤੱਕ ਦੇਵੇਗੀ ਸੁਣਾਈ - ਸਿੱਧੂ
ਗੁਰਦਾਸਪੁਰ ਜ਼ਿਮਨੀ ਚੋਣਾਂ 'ਚ ਕਾਂਗਰਸ ਦੀ ਰਿਕਾਰਡਤੋੜ ਜਿੱਤ ਨੇ ਜਿੱਥੇ ਕਾਂਗਰਸੀਆਂ ਦੇ ਹੌਂਸਲੇ ਬੁਲੰਦ ਕਰ ਦਿੱਤੇ ਹਨ ਉਥੇ ਹੀ ਨੇਤਾਵਾਂ ਨੂੰ ਵਿਰੋਧੀਆਂ ਖਿਲਾਫ ਖੁੱਲ ਕੇ ਭੜਾਸ ਕੱਢਣ ਦਾ ਮੌਕਾ ਵੀ ਦੇ ਦਿੱਤਾ ਹੈ। ਇਸੇ ਜਿੱਤ 'ਤੇ ਬੋਲਦਿਆਂ ਕੈਬਨਿਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਕਿਹਾ ਹੈ ਕਿ ਜਾਖੜ ਦੀ ਜਿੱਤ ਵਿਰੋਧੀਆਂ ਦੇ ਮੂੰਹ 'ਤੇ ਕਰਾਰੀ ਚਪੇੜ ਹੈ ਅਤੇ ਇਸਦੀ ਗੂੰਜ ਦੂਰ ਦੂਰ ਤੱਕ ਸੁਣਾਈ ਦੇਵੇਗੀ। ਦੱਸਣਯੋਗ ਹੈ ਕਿ ਗੁਰਦਾਸਪੁਰ ਚੋਣਾਂ ਵਿੱਚ ਕਾਂਗਰਸ ਨੇ ਵੱਡੇ ਫਰਕ ਨਾਲ ਜਿੱਤ ਪ੍ਰਾਪਤ ਕੀਤੀ ਹੈ। ਇਹਨਾਂ ਚੋਣਾਂ 'ਚ ਹਾਰ ਤੋਂ ਬਾਅਦ ਆਮ ਆਦਮੀ ਪਾਰਟੀ ਦੇ ਨੇਤਾਵਾਂ ਨੇ ਜਿੱਥੇ ਈਵੀਐਮ ਮਸ਼ੀਨਾਂ 'ਤੇ ਦੋਸ਼ ਲਗਾਇਆ ਉਥੇ ਹੀ ਬਾਕੀ ਧਿਰਾਂ ਵੱਲੋਂ ਵੀ ਆਪੋ ਅਪਾਣੇ ਢੰਗ ਨਾਲ ਹਾਰ ਦੀ ਸਫਾਈ ਪੇਸ਼ ਕੀਤੀ ਗਈ ਹੈ। —PTC News