ਸੰਗਰੂਰ ਜੇਲ੍ਹ 'ਚ ਪੁਲਿਸ ਨੇ ਮਾਰਿਆ ਛਾਪਾ,5 ਘੰਟੇ ਚੱਲੀ ਚੈਕਿੰਗ
ਸੰਗਰੂਰ ਜੇਲ੍ਹ 'ਚ ਪੁਲਿਸ ਨੇ ਮਾਰਿਆ ਛਾਪਾ,5 ਘੰਟੇ ਚੱਲੀ ਚੈਕਿੰਗ:ਅੱਜ ਸਵੇਰੇ ਡੇਢ ਸੌ ਦੇ ਕਰੀਬ ਪੁਲਿਸ ਕਰਮਚਾਰੀਆਂ ਨੇ ਸੰਗਰੂਰ ਜੇਲ੍ਹ 'ਤੇ ਛਾਪਾ ਮਾਰਿਆ ਹੈ।ਇਹ ਛਾਪਾ ਗੈਂਗਰਸਟਰ ਰਵੀ ਦਿਓਲ ਵੱਲੋਂ ਕਥਿਤ ਤੌਰ ‘ਤੇ ਜੇਲ੍ਹ ਵਿੱਚੋਂ ਸੋਸ਼ਲ ਮੀਡੀਆ ਦੀ ਵਰਤੋਂ ਕੀਤੇ ਜਾਣ ਤੋਂ ਬਾਅਦ ਮਾਰਿਆ ਗਿਆ।
ਰਵੀ ਦਿਓਲ ਦੀ ਫੇਸਬੁੱਕ ਬੀਤੀ 22 ਤੇ 11 ਅਪ੍ਰੈਲ ਵਾਲੇ ਦਿਨ ਅਪਡੇਟ ਕੀਤੀ ਗਈ ਹੈ।ਖ਼ਦਸ਼ਾ ਸੀ ਕਿ ਉਸ ਨੇ ਇਹ ਕੰਮ ਜੇਲ੍ਹ ਵਿੱਚੋਂ ਹੀ ਕੀਤਾ ਹੈ,ਇਸ ਦੀ ਜਾਂਚ ਲਈ ਅੱਜ ਤਕਰੀਬਨ 150 ਪੁਲਿਸ ਮੁਲਾਜ਼ਮਾਂ ਤੇ ਅਧਿਕਾਰੀਆਂ ਨੇ ਸਵੇਰੇ ਸਾਢੇ ਚਾਰ ਵਜੇ ਸੰਗਰੂਰ ਜੇਲ੍ਹ ਵਿੱਚ ਰੇਡ ਕੀਤੀ।
ਕੁੱਲ 12 ਪੁਲਿਸ ਪਾਰਟੀਆਂ ਬਣਾਈਆਂ ਗਈਆਂ ਜਿਨ੍ਹਾਂ ਦੀ ਅਗਵਾਈ ਪੁਲਿਸ ਕਪਤਾਨ ਤੋਂ ਲੈ ਕੇ ਥਾਣੇਦਾਰ ਦੇ ਅਹੁਦਿਆਂ ‘ਤੇ ਤਾਇਨਾਤ ਅਧਿਕਾਰੀਆਂ ਨੇ ਕੀਤੀ।ਵੱਡੇ ਪੱਧਰ ‘ਤੇ ਮਾਰੇ ਇਸ ਛਾਪੇ ਵਿੱਚ ਪੁਲਿਸ ਹੱਥ ਕੁਝ ਨਹੀਂ ਲੱਗਾ।ਤਕਰੀਬਨ ਪੰਜ ਘੰਟੇ ਚੱਲੇ ਇਸ ਸਰਚ ਆਪ੍ਰੇਸ਼ਨ ਵਿੱਚ ਪੁਲਿਸ ਨੇ ਖਾਸ ਤੌਰ ‘ਤੇ ਗੈਂਗਸਟਰ ਰਵੀ ਦਿਓਲ ਦੀ ਬੈਰਕ ਦੀ ਹੀ ਛਾਣਬੀਣ ਕੀਤੀ।
ਗੈਂਗਸਟਰ ਵਿੱਕੀ ਗੌਂਡਰ ਦੇ ਐਨਕਾਊਂਟਰ ਤੋਂ ਬਾਅਦ ਰਵੀ ਦਿਓਲ ਨੇ ਵੀ ਅਦਾਲਤ ਵਿੱਚ ਸਮਰਪਣ ਕਰ ਦਿੱਤਾ ਸੀ ਤੇ ਉਦੋਂ ਤੋਂ ਹੀ ਉਹ ਸੰਗਰੂਰ ਜੇਲ੍ਹ ਵਿੱਚ ਬੰਦ ਹੈ।
-PTCNews
