ਸਰਗੁਣ ਮਹਿਤਾ ਨਹੀਂ ਬਣਨਾ ਚਾਹੁੰਦੀ ਅਜੇ ਮਾਂ , ਜਾਣੋ ਕੀ ਹੈ ਵਜ੍ਹਾ..!
ਸਰਗੁਣ ਮਹਿਤਾ ਅਤੇ ਰਵੀ ਦੁਬੇ ਦੀ ਮੁਹੱਬਤ ਦੇ ਕਿੱਸੇ ਤਕਰੀਬਨ ਸਭ ਨੇ ਸੁਣੇ ਹੋਣਗੇ ।ਤਕਰੀਬਨ ਪੰਜ ਸਾਲ ਪਹਿਲਾਂ ਉਨ੍ਹਾਂ ਦੀ ਮੁਹੱਬਤ ਵਿਆਹ ਵਾਲੇ ਬੰਧਨ ਵਿੱਚ ਬੱਝ ਗਈ ਸੀ।ਆਪਣੇ ਟੀਵੀ ਅਤੇ ਫਿਲਮੀ ਸਫ਼ਰ ਨੂੰ ਬਰਕਰਾਰ ਰੱਖਦੇ ਹੋਏ ਉਹ ਕਲਾ ਦੀਆਂ ਬੁਲੰਦੀਆਂ ਨੂੰ ਲਗਾਤਾਰ ਛੂਹ ਰਹੇ ਹਨ ।ਤੁਹਾਨੂੰ ਦੱਸ ਦੇਈਏ ਕਿ ਬੇਸ਼ਕ ਆਪਣੀ ਕਰੀਅਰ ਜ਼ਿੰਦਗੀ ਨੂੰ ਉਹ ਚੋਟੀਆਂ 'ਤੇ ਪਹੁੰਚਾਉਣ ਲਈ ਬਹੁਤ ਮਿਹਨਤ ਕਰ ਰਹੇ ਹਨ ਕਿ ਉਨ੍ਹਾਂ ਦੇ ਕਈ ਟੀਵੀ ਸ਼ੋਅ ਤੁਹਾਨੂੰ ਵੇਖਣ ਨੂੰ ਮਿਲਦੇ ਰਹੇ 'ਤੇ ਅੱਗੇ ਵੀ ਮਿਲਣਗੇ। ਪਰ ਆਪਣੀ ਨਿੱਜ਼ੀ ਜ਼ਿੰਦਗੀ ਵਿੱਚ ਆਪਣੇ ਪਰਿਵਾਰ ਨੂੰ ਉਹ ਅਜੇ ਵਧਾਉਣ ਦੇ ਚਾਹਵਾਨ ਨਹੀਂ ਹਨ । ਇਸ ਗੱਲ ਦਾ ਖੁਲਾਸਾ ਸਰਗੁਣ ਦੇ ਪਤੀ ਰਵੀ ਦੁਬੇ ਨੇ ਕੀਤਾ ਹੈ। ਉਸ ਅਨੁਸਾਰ ਉਹਨਾਂ ਨੇ ਅਜੇ ਬਹੁਤ ਮੁਕਾਮ ਹਾਸਲ ਕਰਨੇ ਹਨ । ਪਰਿਵਾਰ ਨੂੰ ਵਧਾਉਣ ਬਾਰੇ ਉਹਨਾਂ ਦੀ ਰਾਇ ਹੈ ਕਿ ਇਹ ਜਦੋਂ ਹੋਣਾ ਹੋਇਆ ਆਪਣੇ ਆਪ ਹੀ ਹੋ ਜਾਏਗਾ। ਫਿਲਹਾਲ ਉਨ੍ਹਾਂ ਦੋਹਾਂ ਦਾ ਮਕਸਦ ਆਪਣੇ ਕਰੀਅਰ ਨੂੰ ਅਗਾਂਹ ਵਧਾਉਣਾ ਹੈ ਪਰਿਵਾਰ ਨੂੰ ਨਹੀਂ !
—PTC News