ਸ੍ਰੀ ਹੇਮਕੁੰਟ ਸਾਹਿਬ ਵਿਖੇ ਗੁੰਮ ਹੋਏ ਸ਼ਰਧਾਲੂ, ਭਾਲ ਜਾਰੀ!
ਉੱਤਰਾਖੰਡ ਵਿਖੇ ਗੁੰਮ ਹੋਏ ਸ਼ਰਧਾਲੂਆਂ ਦੀ ਭਾਲ ਲਈ ਹੁਣ ਉੱਤਰਾਖੰਡ ਸਰਕਾਰ ਗੰਭੀਰ ਹੋ ਗਈ ਹੈ। ਪੰਜਾਬ ਸਰਕਾਰ ਦੀ ਦਖਲਅੰਦਾਜ਼ੀ ਤੋਂ ਬਾਅਦ ਅੰਮ੍ਰਿਤਸਰ ਤੋਂ ਸ੍ਰੀ ਹੇਮਕੁੰਟ ਸਾਹਿਬ ਦੇ ਦਰਸ਼ਨ ਕਰਨ ਗਏ ਸ਼ਰਧਾਲੂਆਂ ਦੀ ਭਾਲ ਪ੍ਰਤੀ ਉੱਤਰਾਖੰਡ ਸਰਕਾਰ ਨੇ ਕੜੇ ਨਿਰਦੇਸ਼ ਜਾਰੀ ਕੀਤੇ ਹਨ।
ਉੱਤਰਾਖੰਡ ਦੇ ਮੁੱਖ ਮੰਤਰੀ ਤਿਵੇਂਦ੍ਰ ਸਿੰਘ ਰਾਵਤ ਨੇ ਕਿਹਾ ਹੈ ਕਿ ਗੁਮਸ਼ੁਦਾ ਪਰਿਵਾਰ ਦੀ ਤਲਾਸ਼ ਦੇ ਮਾਮਲੇ ਨੂੰ ਲੈ ਕੇ ਸਰਕਾਰ ਬੇਹੱਦ ਗੰਭੀਰ ਹੈ।
ਮੁੱਖਮੰਤਰੀ ਅਨੁਸਾਰ ਹੁਣ ਤੱਕ ਪ੍ਰਾਪਤ ਜਾਣਕਾਰੀ ਅਨੁਸਾਰ ਗੁੰਮਸ਼ੁਦਾ ਪਰਿਵਾਰ ਆਖਰੀ ਵਾਰ ਜੋਸ਼ੀਮੱਠ 'ਚ ਟ੍ਰੈਕ ਕੀਤਾ ਗਿਆ ਹੈ।
ਪਰਿਵਾਰ 'ਚ ੨ ਐਨ.ਆਰ.ਆਈ ਵੀ ਸ਼ਾਮਿਲ ਹਨ। ਸੂਬੇ 'ਚ ਹੋ ਰਹੀ ਤੇਜ ਬਾਰਿਸ਼ ਕਾਰਨ ਉਹਨਾਂ ਦੇ ਨਾਲ ਕੋਈ ਅਨਹੋਣੀ ਹੋਈ ਹੈ ਜਾਂ ਨਹੀਂ, ਇਸ ਬਾਰੇ ਕੋਈ ਪੁਸ਼ਟੀ ਨਹੀਂ ਹੋ ਸਕੀ ਹੈ।
—PTC News 
