ਜਦੋਂ ਇਸ ਸਿੰਘ ਨੇ ਨਸਲੀ ਟਿੱਪਣੀਆਂ ਦਾ ਜਵਾਬ ਕੁਝ ਇਸ ਤਰ੍ਹਾਂ ਦਿੱਤਾ, ਦੇਖੋ ਵੀਡੀਓ
Sikh politician Jagmeet Singh's response to racist in Canada is viral ਜਗਮੀਤ ਸਿੰਘ ਨੇ ਕੈਨੇਡਾ ਵਿੱਚ ਆਪਣੇ 'ਤੇ ਅਤੇ ਸਿੱਖ ਕੌਮ 'ਤੇ ਹੋਣ ਵਾਲੀਆਂ ਨਸਲੀ ਟਿੱਪਣੀਆਂ ਦਾ ਜਿਸ ਤਰ੍ਹਾਂ ਨਾਲ ਮੁਕਾਬਲਾ ਕੀਤਾ ਹੈ, ਉਹ ਵਾਕਈ ਹੀ ਕਾਬਿਲ-ਏ-ਤਾਰੀਫ ਹੈ। ਦਰਅਸਲ, ਜਗਮੀਤ ਸਿੰਘ ਜਦੋਂ ਇੱਕ "ਜਗਮੀਤ ਐਂਡ ਗ੍ਰੀਟ" ਨਾਮੀ ਕੈਂਪੇਨ ਨੂੰ ਸੰਬੋਧਿਤ ਕਰ ਰਹੇ ਸਨ ਤਾਂ ਉਥੋਂ ਦੀ ਵਸਨੀਕ ਇੱਕ ਲੜਕੀ ਵੱਲੋਂ ਉਹਨਾਂ 'ਤੇ ਕਈ ਨਸਲੀ ਟਿੱਪਣੀਆਂ ਕੀਤੀਆਂ ਗਈਆਂ। ਉਹ ਇੱਕਦਮ ਸਟੇਜ ਦੇ ਕੋਲ ਪਹੁੰਚੀ ਅਤੇ ਕਈ ਵਾਰ ਉਸਨੇ ਜਗਮੀਤ ਅਤੇ ਸਿੱਖ ਕੌਮ ਨੂੰ ਬੁਰਾ ਭਲਾ ਕਿਹਾ। ਲੋਕਾਂ ਦੇ ਰੋਕਣ ਤੇ ਉਸਨੇ ਪੁਲਿਸ ਤੱਕ ਨੂੰ ਬੁਲਾਉਣ ਦੀ ਵੀ ਧਮਕੀ ਦਿੱਤੀ। ਪਰ ਜਗਮੀਤ ਨੇ ਬਜਾਏ ਉਹਨਾਂ ਟਿੱਪਣੀਆਂ 'ਤੇ ਗੁੱਸਾ ਕਰਨ ਦੇ, ਉਸ ਲੜਕੀ ਨੂੰ ਬਾਰ ਬਾਰ ਕਿਹਾ ਕਿ ਅਸੀਂ ਸਾਰੇ ਤੇਰੇ ਨਾਲ ਹਾਂ, ਤੇਰੀ ਮਦਦ ਲਈ ਤਿਆਰ ਹਾਂ। ਉਸ ਲੜਕੀ ਦੀ ਹਰ ਟਿੱਪਣੀ ਦਾ ਇਸ ਤਰ੍ਹਾਂ ਜਵਾਬ ਦੇਣ 'ਤੇ ਸਾਰੇ ਲੋਕਾਂ ਨੇ ਜਗਮੀਤ ਦੀ ਹੌਂਸਲਾ ਅਫਜ਼ਾਈ ਕੀਤੀ ਅਤੇ ਹਾਰ ਕੇ ਉਹ ਲੜਕੀ ਨੂੰ ਉਥੋਂ ਜਾਣਾ ਪੈ ਗਿਆ। ਇਸ ਤਰ੍ਹਾਂ ਪਿਆਰ ਅਤੇ ਹਮਦਰਦੀ ਦਿਖਾ ਕੇ ਜਗਮੀਤ ਨੇ ਉਸ ਲੜਕੀ ਨੂੰ ਕਿਹਾ ਕਿ ਮੇਰੀ ਕੌਮ ਕਿਸੇ ਦਾ ਬੁਰਾ ਨਹੀਂ ਚਾਹੁੰਦੀ। ਅਸੀਂ ਸਾਰੇ ਜਗਮੀਤ ਦੇ ਸਬਰ ਅਤੇ ਹੌਂਸਲੇ ਨੂੰ ਸਲਾਮ ਕਰਦੇ ਹਾਂ। —PTC News