ਬਟਾਲਾ 'ਚ ਇੱਕ ਹੋਰ ਨੌਜਵਾਨ ਚੜ੍ਹਿਆ ਨਸ਼ੇ ਦੀ ਬਲੀ
ਬਟਾਲਾ 'ਚ ਇੱਕ ਹੋਰ ਨੌਜਵਾਨ ਚੜ੍ਹਿਆ ਨਸ਼ੇ ਦੀ ਬਲੀ
ਪੰਜਾਬ ਅੰਦਰ ਮਾਰੂ ਨਸ਼ੇ ਨਸ਼ੇੜੀ ਨੌਜਵਾਨਾਂ ਤੇ ਕਹਿਰ ਬਣਕੇ ਟੁੱਟ ਰਹੇ ਨੇ। ਤਿੰਨ ਹਫਤੇ ਤਿੰਨ ਦਰਜਨ ਤੋਂ ਵੱਧ ਮੌਤਾਂ ਨੇ ਪੰਜਾਬ ਵਾਸੀਆਂ ਤੇ ਮ੍ਰਿਤਕ ਨੌਜਵਾਨਾਂ ਦੇ ਪਰਿਵਾਰਾਂ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ।
ਬਟਾਲਾ ਦੇ ਪਿੰਡ ਦਾਖਲਾ ਦਾ 27 ਸਾਲਾ ਨੌਜਵਾਨ ਹੈਪੀ ਵੀ ਇਸੇ ਹੀ ਮਾਰੂ ਨਸ਼ੇ ਦੀ ਓਵਰਡੋਜ ਦੀ ਭੇਂਟ ਚੜ੍ਹ ਗਿਆ। ਨਸ਼ਿਆਂ ਦੀ ਮਾੜੀ ਲਤ ਅਤੇ ਟੀਕਿਆਂ ਸਮੇਤ ਹੋਰ ਮਾਰੂ ਨਸ਼ੇ ਹੀ ਇਸਦੀ ਮੌਤ ਦਾ ਸਬੱਬ ਬਣੇ ਹਨ।
ਇਕੱਲਾ ਹੈਪੀ ਹੀ ਨਹੀ ਕੁੱਝ ਹੀ ਦਿਨਾਂ ਵਿੱਚ ਹੋਰ ਦਰਜਨਾਂ ਨੌਜਵਾਨ ਨਸ਼ਿਆਂ ਨੇ ਨਿਗਲ ਲਏ ਹਨ ।
ਚਾਹੇ ਸਰਕਾਰ ਵੱਲੋਂ ਨਸ਼ਿਆਂ 'ਤੇ ਠੱਲ ਪਾਉਣ ਦੇ ਦਾਅਵੇ ਕੀਤੇ ਜਾ ਰਹੇ ਹਨ, ਪਰ ਮੌਜੂਦਾ ਹਾਲਤ ਸਰਕਾਰ ਦੇ ਦਾਅਵਿਆਂ ਦੀ ਪੋਲ ਖੋਲ੍ਹਦੇ ਨਜ਼ਰ ਆਉਂਦੇ ਹਨ।
—PTC News
