New Update
ਪਤਨੀ ਤੋਂ ਪਿੱਛਾ ਛੁਡਾਉਣ ਲਈ ਪਤੀ ਨੇ ਕਰਵਾਇਆ ਕਾਤਲਾਨਾ ਹਮਲਾ,ਬੱਚੇ ਦੀ ਮੌਤ:ਸੰਗਰੂਰ ਪੁਲਿਸ ਨੇ ਲੁੱਟਖੋਹ ਤੇ ਕਾਤਲਾਨਾ ਹਮਲੇ ਦੇ ਇੱਕ ਹਾਈਪ੍ਰੋਫਾਇਲ ਮਾਮਲੇ ਨੂੰ ਸੁਲਝਾਉਣ 'ਚ ਸਫਲਤਾ ਹਾਸਿਲ ਕੀਤੀ ਹੈ,ਜਿਸ ਵਿੱਚ ਜਖਮੀ ਔਰਤ ਦੇ ਪਤੀ ਵੱਲੋਂ ਹੀ ਪਿੱਛਾ ਛੁਡਵਾਉਣ ਲਈ ਪਤਨੀ ਤੇ ਗੋਲੀ ਚਲਵਾਈ ਗਈ ਸੀ,ਜਿਸ ਦੌਰਾਨ ਉਸਦੇ ਪੇਟ ਵਿੱਚ ਪਲਦੇ ਬੱਚੇ ਦੀ ਮੌਤ ਹੋ ਗਈ ਸੀ।ਸੰਗਰੂਰ ਦੇ ਐਸ.ਐਸ.ਪੀ ਮਨਦੀਪ ਸਿੰਘ ਸਿੱਧੂ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸੰਦੀਪ ਸਿੰਘ ਨਾਮ ਦਾ ਵਿਅਕਤੀ ਆਪਣੀ ਪਤਨੀ ਰਿੰਪੂ ਨੂੰ ਉਸਦੇ ਪੇਕੇ ਪਿੰਡ ਰੱਤਾਖੇੜਾ(ਹਰਿਆਣਾ) ਤੋਂ ਲੈ ਕੇ ਆ ਰਿਹਾ ਸੀ ਤਾਂ ਰਸਤੇ 'ਚ ਘੱਗਰ ਪੁੱਲ ਕੋਲ ਕੁਝ ਬਦਮਾਸਾਂ ਨੇ ਉਸਦੀ ਸਵਿਫਟ ਕਾਰ ਘੇਰ ਕੇ ਨਗਦੀ ਤੇ ਗਹਿਣੇ ਲੁੱਟ ਲਏ ਤੇ ਰਿੰਪੂ ਨੂੰ ਗੋਲੀ ਮਾਰ ਦਿੱਤੀ ਜਿਸ ਨਾਲ ਉਸਦੇ ਪੇਟ ਵਿੱਚ ਪਲਦੇ 7 ਮਹੀਨੇ ਦੇ ਬੱਚੇ ਦੀ ਮੌਤ ਹੋ ਗਈ।ਤਫਤੀਸ ਦੌਰਾਨ ਪੁਲਿਸ ਨੂੰ ਰਿੰਪੂ ਦੇ ਘਰਵਾਲੇ ਤੇ ਸੱਕ ਹੋਇਆ ਤੇ ਪੁਲਿਸ ਨੇ ਸਖਤੀ ਨਾਲ ਪੁੱਛਗਿੱਛ ਕੀਤੀ ਤਾਂ ਸਾਰੀ ਸੱਚਾਈ ਸਾਹਮਣੇ ਆ ਗਈ ਕਿ ਸੰਦੀਪ ਕੁਮਾਰ ਆਪਣੀ ਪਤਨੀ ਨੂਂ ਪਸੰਦ ਨਹੀਂ ਕਰਦਾ ਸੀ ਤੇ ਉਸਤੋਂ ਪਿੱਛਾ ਛੁਡਾਉਣ ਲਈ ਹੀ ਉਸਨੇ ਆਪਣੇ ਦੋਸਤਾਂ ਨਾਲ ਮਿਲ ਕੇ ਇਹ ਸਾਜਿਸ ਰਚੀ ਸੀ।ਸੰਗਰੂਰ ਪੁਲਿਸ ਨੇ ਸੰਦੀਪ ਸਿੰਘ ਤੇ ਉਸਦੇ ਦੋਸਤਾਂ ਰਜਤ ਅਤੇ ਸੁਰਿੰਦਰ ਸਰਮਾਂ ਵਾਸੀ ਮੂਣਕ ਨੂੰ ਗ੍ਰਿਫਤਾਰ ਕੀਤਾ ਹੈ ਤੇ ਉਹਨਾਂ ਪਾਸੋਂ 315 ਬੋਰ ਪਿਸਤੌਲ ਸਮੇਤ ਨਗਦੀ ਤੇ ਗਹਿਣੇ ਵੀ ਬਰਾਮਦ ਕਰ ਲਏ ਹਨ।
-PTCNews-