New Update
ਜਨਮ ਸਮੇਂ ਲਿੰਗ ਅਨੁਪਾਤ :ਪੰਜਾਬ 'ਚ ਸੁਧਾਰ,ਹਰਿਆਣਾ,ਹਿਮਾਚਲ 'ਚ ਸਥਿਤੀ ਚਿੰਤਾਜਨਕ:ਨੀਤੀ ਅਯੋਗ ਵਲੋਂ ਜਾਰੀ ਕੀਤੀ ਗਈ ਰਿਪੋਰਟ ਮੁਤਾਬਿਕ 21 ਵਿਚੋਂ 17 ਵੱਡੇ ਸੂਬਿਆਂ ਵਿਚ ਜਨਮ ਦੇ ਸਮੇਂ ਲਿੰਗ ਅਨੁਪਾਤ (ਐਸ.ਆਰ.ਬੀ.) 'ਚ ਚਿੰਤਾਜਨਕ ਵੱਡੀ ਕਮੀ ਪਾਈ ਗਈ ਹੈ ਤੇ ਰਿਪੋਰਟ 'ਚ ਲਿੰਗ-ਚੋਣ ਗਰਭਪਾਤ ਨੂੰ ਜਾਂਚਣ ਦੀ ਲੋੜ 'ਤੇ ਜੋਰ ਦਿੱਤਾ ਗਿਆ ਹੈ।ਰਿਪੋਰਟ ਅਨੁਸਾਰ ਗੁਜਰਾਤ 'ਚ 53 ਪੁਆਇੰਟ ਕਮੀ ਨਾਲ ਉੱਥੇ 1000 ਮਰਦਾਂ ਮੁਕਾਬਲੇ 854 ਔਰਤਾਂ ਦਰਜ ਹੋਈਆਂ ਹਨ,ਜੋ ਪਹਿਲਾ 907 ਸਨ।ਇਸੇ ਤਰ੍ਹਾਂ ਜਨਮ ਦੇ ਸਮੇਂ ਲਿੰਗ ਅਨੁਪਾਤ 'ਚ ਹਰਿਆਣਾ 'ਚ 35 ਪੁਆਇੰਟ,ਰਾਜਸਥਾਨ 'ਚ 32 ਪੁਆਇੰਟ,ਉੱਤਰਾਖੰਡ 'ਚ 27 ਪੁਆਇੰਟ,ਮਹਾਰਾਸ਼ਟਰ 'ਚ 18 ਪੁਆਇੰਟ,ਹਿਮਾਚਲ ਪ੍ਰਦੇਸ਼ 'ਚ 14 ਪੁਆਇੰਟ ਕਮੀ ਪਾਈ ਗਈ ਹੈ।ਰਿਪੋਰਟ ਅਨੁਸਾਰ ਪੰਜਾਬ 'ਚ ਜਨਮ ਦੇ ਸਮੇਂ ਲਿੰਗ ਅਨੁਪਾਤ 'ਚ 19 ਪੁਆਇੰਟ ਵਾਧਾ ਦਰਜ ਕੀਤਾ ਹੈ,ਉਤਰ ਪ੍ਰਦੇਸ਼ 'ਚ 10 ਤੇ ਬਿਹਾਰ 'ਚ 9 ਪੁਆਇੰਟ ਵਾਧਾ ਦਰਜ ਕੀਤਾ ਗਿਆ ਹੈ।ਜਨਮ ਦੇ ਸਮੇਂ ਲਿੰਗ ਅਨੁਪਾਤ (ਐਸ.ਆਰ.ਬੀ.) ਇਕ ਅਹਿਮ ਸੰਕੇਤਕ ਹੈ ਅਤੇ ਲਿੰਗ-ਚੋਣ ਗਰਭਪਾਤ ਕਾਰਨ ਲੜਕੀਆਂ ਦੇ ਜਨਮ ਵਿਚ ਵੱਡੀ ਕਮੀ ਦਰਸਾਉਂਦਾ ਹੈ।
-PTCNews-