New Update
ਨਾਮਧਾਰੀ ਲੇਖਕ ਪ੍ਰੋ:ਤਾਰਾ ਸਿੰਘ ਅਣਜਾਣ ਦਾ ਹੋਇਆ ਦਿਹਾਂਤ:ਤਾਰਾ ਸਿੰਘ ਅਣਜਾਣ ਜੀ ਪੰਜਾਬੀ ਮਾਂ ਬੋਲੀ ਦੇ ਨਿਧੜਕ ਸੇਵਾਦਾਰ ਸਨ।ਸਾਰੀ ਉਮਰ ਦਿੱਲੀ 'ਚ ਪੰਜਾਬੀ ਭਾਸ਼ਾ ਦੇ ਵਿਕਾਸ ਲਈ ਕੰਮ ਕਰਦੇ ਰਹੇ।ਪੰਜਾਬੀ ਲੇਖਕ ਤੇ ਵਰਿਆਮ ਦੇ ਸੰਪਾਦਕ ਸ: ਜਗਦੀਸ਼ ਸਿੰਘ ਵਰਿਆਮ ਜੀ ਦੇ ਉਹ ਨਿਕਟਵਰਤੀ ਰਿਸ਼ਤੇਦਾਰ ਸਨ।ਜਗਦੀਸ਼ ਜੀ ਦੇ ਦੇਹਾਂਤ ਮਗਰੋਂ ਮੈਗਜ਼ੀਨ ਸੰਪਾਦਨ ਦੀਆਂ ਜ਼ੁੰਮੇਵਾਰੀਆਂ ਉਹੀ ਨਿਭਾ ਰਹੇ ਸਨ।ਪਿਛਲੇ ਕੁਝ ਸਾਲਾਂ ਤੋਂ ਉਹ ਲੁਧਿਆਣਾ 'ਚ ਰਹਿੰਦੇ ਸਨ ਤੇ ਪੰਜਾਬੀ ਸਾਹਿੱਤ ਅਕਾਡਮੀ ਦੀਆਂ ਸਰਗਰਮੀਆਂ ਚ ਵਧ ਚੜ੍ਹ ਕੇ ਹਿੱਸਾ ਲੈਂਦੇ ਸਨ।ਉੱਘੇ ਲਿਖਾਰੀ ਤੇ ਬੁਲਾਰੇ ਦੇ ਤੌਰ ਤੇ ਜਾਣੇ ਜਾਂਦੇ ਪੰਜਾਬੀ ਦੁਨੀਆਂ ਦੇ ਇਸ ਮਹਾਨ ਵਿਦਵਾਨ ਦਾ ਅੰਤਿਮ ਸੰਸਕਾਰ 8 ਮਾਰਚ 2018 ਦਿਨ ਵੀਰਵਾਰ ਨੂੰ ਗੁਰਦੁਆਰਾ ਸ੍ਰੀ ਭੈਣੀ ਸਾਹਿਬ ਵਿਖੇ ਹੋਵੇਗਾ।
-PTCNews-