New Update
ਪ੍ਰੇਮ ਸੰਬੰਧ ਅਤੇ ਉਹ ਵੀ ਵਿਆਹ ਤੋਂ ਬਾਅਦ ਜਦੋਂ ਹੋਣ ਤਾਂ ਘਰਾਂ ਦਾ ਉਜੜਣਾ ਸੁਭਾਵਿਕ ਹੈ ਅਤੇ ਇਹਨਾਂ ਮਾਮਲਿਆਂ 'ਚ ਹੋ ਰਹੇ ਲਗਾਤਾਰ ਵਾਧੇ ਕਾਰਨ ਕਈ ਘਰ ਉਜੜੇ ਹਨ ਅਤੇ ਹੁਣ ਅਜਿਹਾ ਇੱਕ ਮਾਮਲਾ ਖੰਨਾ ਤੋਂ ਆਇਆ ਹੈ।
ਇਸ ਮਾਮਲੇ 'ਚ ਇਕ ਵਿਆਹੇ ਹੋਏ ਨੌਜਵਾਨ ਦੀ ਜ਼ਿੰਦਗੀ ਤਾਂ ਬਰਬਾਦ ਹੋਈ ਹੀ ਪਰ ਪੁਲਿਸ ਦੀ ਕਾਰਗੁਜ਼ਾਰੀ ਤੇ ਵੀ ਸਵਾਲ ਉਠ ਰਹੇ ਹਨ। ਇਕ ਘਟਨਾ 'ਚ ਸੰਦੀਪ ਸਿੰਘ ਨਾਮ ਦੇ ਇਕ ਨੌਜਵਾਨ ਨੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ ਹੈ।
ਉਹ ਪੁਲਿਸ ਹਿਰਾਸਤ 'ਚ ਸੀ ਅਤੇ ਉਸ ਵੱਲੋਂ ਪੁਲਿਸ ਹਿਰਾਸਤ 'ਚ ਹੀ ਫ਼ਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ ਗਈ ਹੈ। ਪੁਲਿਸ ਨੇ ਇਸ ਮਾਮਲੇ 'ਚ ਆਪਣੇ ਨੂੰ ਬੇਕਸੂਰ ਦੱਸਿਆ ਹੈ ਅਤੇ ਕਿਹਾ ਹੈ ਕਿ ਸੰਦੀਪ ਸਿੰਘ ਧਾਰਾ ੩੦੬ ਤਹਿਤ ਜੇਲ੍ਹ 'ਚ ਕੈਦ ਸੀ ਅਤੇ ਉਸਨੇ ਜੇਲ 'ਚ ਪੱਖੇ ਨਾਲ਼ ਲਟਕ ਕੇ ਖੁਦਕੁਸ਼ੀ ਕਰ ਲਈ ਹੈ।
ਮਾਮਲੇ ਦਾ ਦੂਜਾ ਪੱਖ ਹੈ ਕਿ ਸੰਦੀਪ ਦੇ ਪਹਿਲਾਂ ਤੋਂ ਹੀ ਵਿਆਹੁਤਾ ਹਰਪ੍ਰੀਤ ਕੌਰ ਨਾਲ ਪ੍ਰੇਮ ਸਬੰਧ ਸਨ ਅਤੇ ਉਸਦੀ ਖੁਦਕੁਸ਼ੀ ਦੇ ਕੁਝ ਘੰਟਿਆਂ ਪਹਿਲਾਂ ਹੀ ਉਸਦੀ ਪ੍ਰੇਮਿਕਾ ਹਰਪ੍ਰੀਤ ਨੇ ਵੀ ਫ਼ਾਹਾ ਲਗਾ ਕੇ ਖੁਦਕੁਸ਼ੀ ਕਰ ਲਈ ਸੀ।-