1984 ਸਿੱਖ ਕਤਲੇਆਮ ਮਾਮਲਾ: ਜਗਦੀਸ਼ ਟਾਈਟਲਰ ਖਿਲਾਫ ਮੁੱਖ ਗਵਾਹ ਨੂੰ ਸੀਬੀਆਈ ਨੇ ਲਾਈ ਡਿਟੈਕਟਰ ਟੈਸਟ ਲਈ ਤਿਆਰ ਰਹਿਣ ਲਈ ਕਿਹਾ!
1984 ਸਿੱਖ ਕਤਲੇਆਮ ਮਾਮਲੇ 'ਤੇ ਸੀਬੀਆਈ ਅਤੇ ਸੈਂਟਰਲ ਫਾਰੈਂਸਿਕ ਸਾਇੰਸ ਲੈਬ ਦੇ ਵੱਲੋਂ ਅਭਿਸ਼ੇਕ ਵਰਮਾ ਨੂੰ ਇੱਕ ਚਿੱਠੀ ਭੇਜੀ ਗਈ ਹੈ, ਜਿਸ ਵਿੱਚ 24 ਅਕਤੂਬਰ ਤੋਂ 27 ਅਕਤੂਬਰ ਦੇ ਤੱਕ ਉਸਨੂੰ ਲਾਈ ਡਿਟੈਕਟਰ ਟੈਸਟ ਲਈ ਤਿਆਰ ਰਹਿਣ ਲਈ ਕਿਹਾ ਗਿਆ ਹੈ। ਇਹ ਟੈਸਟ ਇਨਸਾਨ ਦੇ ਹਾਵਾਂ ਭਾਵਾਂ ਅਤੇ ਹੋਰਨਾਂ ਗੱਲਾਂ ਤੋਂ ਸੱਚ/ਝੂਠ ਦਾ ਅੰਦਾਜ਼ਾ ਲਗਾਉਣ ਲਈ ਕੀਤਾ ਜਾਂਦਾ ਹੈ। ਦੱਸਣਯੋਗ ਹੈ ਕਿ ਸਿੱਖ ਕਤਲੇਆਮ ਮਾਮਲੇ 'ਚ ਜਗਦੀਸ਼ ਟਾਈਟਲਰ ਦੇ ਖਿਲ਼ਾਫ ਮੁੱਖ ਗਵਾਹ ਅਭਿਸ਼ੇਕ ਵਰਮਾ ਹੈ। ਜਸਵਿੰਦਰ ਸਿੰਘ ਜੋਲੀ ਅਨੁਸਾਰ ਇਸ ਟੈਸਟ ਦੌਰਾਨ ਕਈ ਸੱਚ ਸਾਹਮਣੇ ਆਉਣ ਦੀ ਉਮੀਦ ਹੈ। ਇਸ ਤੋਂ ਪਹਿਲਾਂ ਸੈਂਟਰਲ ਫਾਰੈਂਸਿਕ ਸਾਇੰਸ ਲੈਬ ਦੇ ਵੱਲੋਂ ਅਭਿਸ਼ੇਕ ਵਰਮਾ ਦੀ ਦੋ ਵਾਰ ਮੈਡੀਕਲ ਜਾਂਚ ਕੀਤੀ ਗਈ ਹੈ। —PTC News