2 ਕਿੱਲੋ ਅਫੀਮ ਤੇ ਹਥਿਆਰਾਂ ਸਮੇਤ 2 ਮੁਲਜ਼ਮ ਚੜ੍ਹੇ ਪੁਲਿਸ ਅੜਿੱਕੇ
ਤਰਨਤਾਰਨ: ਤਰਨਤਾਰਨ ਦੀ ਸੀ.ਆਈ.ਏ ਸਟਾਫ ਪੁਲਿਸ ਵੱਲੋ ਤਿੰਨ ਵਿਅਕਤੀਆਂ ਨੂੰ ਕਾਬੂ ਕਰ ਉਹਨਾਂ ਕੋਲੋ 2 ਕਿਲੋ 660 ਗ੍ਰਾਮ ਅਫੀਮ,ਇੱਕ 32 ਬੋਰ ਦਾ ਪਿਸਟਲ, 5 ਜਿੰਦਾ ਰੋਂਦ, 2 ਗੱਡੀਆਂ ਬਰਾਮਦ ਕਰਨ ਵਿੱਚ ਸਫਲਤਾ ਪ੍ਰਾਪਤ ਕੀਤੀ ਹੈ। ਪੁਲਿਸ ਵੱਲੋਂ ਫੜ੍ਹੇ ਗਏ ਵਿਅਕਤੀਆਂ ਦੀ ਪਹਿਚਾਣ ਅੰਮ੍ਰਿਤਸਰ ਵਾਸੀ ਲਵਜੀਤ ਸਿੰਘ, ਹਰਜੀਤ ਸਿੰਘ ਤੇ ਮਨਦੀਪ ਸਿੰਘ ਵੱਜੋ ਹੋਈ ਹੈ।
ਤਰਨਤਾਰਨ ਪੁਲਿਸ ਦੇ ਐਸ ਪੀ ਡੀ ਜਗਜੀਤ ਸਿੰਘ ਵਾਲੀਆ ਨੇ ਦੱਸਿਆ ਕਿ ਥਾਣਾ ਸਰਾਏ ਅਮਾਨਤ ਖਾਂ ਦੇ ਪਿੰਡ ਭੁਸੇ ਕੋਲ ਪੁਲਿਸ ਨੇ ਦੋ ਗੱਡੀਆਂ ਦੇ ਨਜਦੀਕ ਪੰਜ ਛੇ ਨੋਜਵਾਨਾਂ ਨੂੰ ਖੜੇ ਦੇਖਿਆ ਤਾਂ ਪੁਲਿਸ ਨੂੰ ਦੇਖ ਕੇ ਉੱਕਤ ਨੋਜਵਾਨ ਭੱਜ ਗਏ।
ਹੋਰ ਪੜ੍ਹੋ: ਬਾਬਾ ਫ਼ਰੀਦ ਯੂਨੀਵਰਸਿਟੀ ਦੇ ਮੈਡੀਕਲ ਕਾਲਜ ਦੀ ਵੀਲੵਚੇਅਰ ਚੋਂ ਮਿਲਿਆ 315 ਬੋਰ ਦਾ ਪਿਸਤੌਲ
ਪੁਲਿਸ ਵੱਲੋ ਪਿੱਛਾ ਕਰਕੇ ਤਿੰਨ ਲੋਕਾਂ ਲਵਜੀਤ ਸਿੰਘ ,ਹਰਜੀਤ ਸਿੰਘ ਤੇ ਮਨਦੀਪ ਸਿੰਘ ਨੂੰ ਕਾਬੂ ਕਰ ਲਿਆ ਜਦਕਿ ਇਹਨਾਂ ਦੇ ਦੋ ਸਾਥੀ ਫਰਾਰ ਹੋਣ ਵਿੱਚ ਸਫਲ ਹੋ ਗਏ।
ਫੜੇ ਗਏ ਲੋਕਾਂ ਕੋਲੋ ਪੁਲਿਸ ਨੇ 2 ਕਿਲੋ 660 ਗ੍ਰਾਮ ਅਫੀਮ ,ਇੱਕ 32 ਬੋਰ ਦਾ ਪਿਸਟਲ 5 ਕਾਰਤੂਸ ਅਤੇ ਦੋ ਗੱਡੀਆ ਬਰਾਮਦ ਕੀਤੀਆਂ ਹਨ। ਪੁਲਿਸ ਵੱਲੋਂ ਕੀਤੀ ਗਈ ਮੁੱਢਲੀ ਪੁੱਛਗਿੱਛ ਤੋਂ ਪਤਾ ਚੱਲਿਆ ਹੈ ਕਿ ਇਹਨਾਂ ਲੋਕਾਂ ਨੂੰ ਭੱਲਾ ਕਲੋਨੀ ਛੇਹਰਟਾ ਵਾਸੀ ਨਵਦੀਪ ਸਿੰਘ ਅਫੀਮ ਸਪਲਾਈ ਕਰਦਾ ਸੀ।
-PTC News
