ਕਾਬੁਲ 'ਚ ਦੋਹਰੇ ਬੰਬ ਧਮਾਕਿਆਂ 'ਚ ਇਕ ਪੱਤਰਕਾਰ ਸਮੇਤ 20 ਲੋਕਾਂ ਦੀ ਮੌਤ,30 ਜ਼ਖ਼ਮੀ
ਕਾਬੁਲ 'ਚ ਦੋਹਰੇ ਬੰਬ ਧਮਾਕਿਆਂ 'ਚ ਇਕ ਪੱਤਰਕਾਰ ਸਮੇਤ 20 ਲੋਕਾਂ ਦੀ ਮੌਤ,30 ਜ਼ਖ਼ਮੀ:ਅਫ਼ਗਾਨਿਸਤਾਨ ਦੇ ਕਾਬੁਲ ਵਿਚ ਸੋਮਵਾਰ ਨੂੰ ਸਵੇਰੇ ਖ਼ਤਰਨਾਕ ਧਮਾਕਾ ਹੋਇਆ ਹੈ।ਜਿਸ ਧਮਾਕੇ ਦੇ ਵਿੱਚ ਇੱਕ ਪੱਤਰਕਾਰ ਸਮੇਤ 20 ਲੋਕਾਂ ਦੀ ਮੌਤ ਹੋ ਗਈ ਅਤੇ 30 ਜ਼ਖ਼ਮੀ ਹੋ ਗਏ ਪੁਲਿਸ ਅਧਿਕਾਰੀ ਜਾਨ ਆਗਾ ਨੇ ਦੱਸਿਆ ਕਿ ਪਹਿਲੇ ਧਮਾਕੇ ਤੋਂ ਤੁਰੰਤ ਬਾਅਦ ਦੂਜਾ ਧਮਾਕਾ ਹੋਇਆ।ਇਸ ਵਿਚ ਇੱਕ ਪੱਤਰਕਾਰ ਸ਼ਾਹ ਮਾਰਈ ਦੀ ਮੌਤ ਹੋ ਗਈ ਅਤੇ ਦੋ ਪੁਲਿਸ ਅਧਿਕਾਰੀ ਜ਼ਖ਼ਮੀ ਹੋ ਗਏ।ਮਾਰਈ ਸਮੇਤ ਕੁੱਝ ਪੱਤਰਕਾਰ ਪਹਿਲੇ ਆਤਮਘਾਤੀ ਹਮਲੇ ਨੂੰ ਕਵਰ ਕਰਨ ਲਈ ਗਏ ਸਨ। ਦੂਜੇ ਧਮਾਕੇ ਵਿਚ ਇਨ੍ਹਾਂ ਲੋਕਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ।ਕਾਬੁਲ ਪੁਲਿਸ ਮੁਖੀ ਦਾਊਦ ਅਮੀਨ ਨੇ ਦੱਸਿਆ ਕਿ ਇੱਥੇ ਜਿਸ ਇਲਾਕੇ ਵਿਚ ਹਮਲੇ ਹੋਏ ਹਨ,ਉਥੇ ਕਈ ਵਿਦੇਸ਼ੀ ਦਫ਼ਤਰ ਹਨ।ਵਜ਼ੀਰ ਅਕਬਰ ਖ਼ਾਨ ਹਸਪਤਾਲ ਦੇ ਨਿਦੇਸ਼ਕ ਮੌਸਾ ਜਹੀਰ ਨੇ ਦੱਸਿਆ ਕਿ ਧਮਾਕੇ ਵਿਚ ਜ਼ਖ਼ਮੀ ਲੋਕਾਂ ਦਾ ਇਲਾਜ ਹਸਪਤਾਲ ਵਿਚ ਕੀਤਾ ਜਾ ਰਿਹਾ ਹੈ।ਅਜੇ ਤਕ ਇਸ ਹਮਲੇ ਦੀ ਜ਼ਿੰਮੇਵਾਰੀ ਕਿਸੇ ਨੇ ਨਹੀਂ ਲਈ ਹੈ। -PTCNews