ਨਜਾਇਜ਼ ਸਬੰਧਾਂ ਖ਼ਾਤਿਰ 3 ਬੱਚਿਆਂ ਦੀ ਮਾਂ ਨੇ ਪ੍ਰੇਮੀ ਨਾਲ ਦਿੱਤੀ ਜਾਨ
ਅੰਮ੍ਰਿਤਸਰ : ਅੱਜ ਦੇ ਦੌਰ 'ਚ ਲੋਕਾਂ ਦਾ ਰਿਸ਼ਤਿਆਂ 'ਚ ਧੋਖਾ ਦੇਣਾ ਆਮ ਜਿਹੀ ਗੱਲ ਹੋ ਗਈ ਹੈ , ਅਜਿਹੇ 'ਚ ਲੋਕ ਆਪਣੇ ਘਰ ਤੱਕ ਪੱਟ ਲਿਆਂਦੇ ਨੇ ਅਤੇ ਕਈ ਆਪਣੇ ਨਜਾਇਜ਼ ਸਬੰਧਾਂ ਪਿੱਛੇ ਆਪਣੀ ਜਾਨ ਤੱਕ ਗੁਆ ਦਿੰਦੇ ਹਨ। ਅਜਿਹਾ ਹੀ ਮਾਮਲਾ ਸਾਹਮਣੇ ਆਇਆ ਹੈ। ਪਿੰਡ ਭੰਗਾਲੀ ਕਲਾਂ 'ਚ ਦੇਰ ਰਾਤ ਵਿਆਹੁਤਾ ਨੇ ਆਪਣੇ ਪ੍ਰੇਮੀ ਨਾਲ ਜ਼ਹਿਰੀਲਾ ਪਦਾਰਥ ਨਿਗਲ ਕੇ ਖੁਦਕਸ਼ੀ ਕਰ ਲਈ। 
ਮਾਮਲੇ ਤੋਂ ਬਾਅਦ ਨੌਜਵਾਨ ਦੇ ਪਰਿਵਾਰ ਨੇ ਤਾਂ ਦੇਰ ਰਾਤ ਹੀ ਉਸ ਦੀ ਮ੍ਰਿਤਕ ਦੇਹਿ ਦਾ ਸੰਸਕਾਰ ਕਰ ਦਿੱਤਾ, ਜਦਕਿ ਔਰਤ ਦੇ ਪਤੀ ਵੱਲੋ ਸਵੇਰੇ ਪੁਲਸ ਨੂੰ ਨਾਲ ਲੈਜਾ ਕੇ ਆਪਣੀ ਪਤਨੀ ਦਾ ਸੰਸਕਾਰ ਰੁਕਵਾ ਕੇ ਉਸ ਦਾ ਪੋਸਟਮਾਰਟਮ ਕਰਵਾਇਆ।ਜ਼ਿਕਰਯੋਗ ਹੈ ਕਿ ਮ੍ਰਿਤਕਾ ਲੰਬੇ ਸਮੇਂ ਤੋਂ ਆਪਣੇ ਪਤੀ ਚਰਨਜੀਤ ਵਾਸੀ ਨਾਲ ਝਗੜਾ ਕਰਕੇ ਪੇਕੇ ਪਿੰਡ ਭੰਗਾਲੀ ਕਲਾਂ ਗਈ ਹੋਈ ਸੀ |ਜਿੱਥੇ ਉਸਦੇ ਸਮਸ਼ੇਰ ਸਿੰਘ ਸ਼ੇਰਾ ਨਾਲ ਨਾਜਾਇਜ਼ ਸਬੰਧ ਬਣ ਗਏ|
ਇਸ ਹੀ ਨਜਾਇਜ਼ ਸੰਬੰਧਾਂ ਖਾਤਿਰ ਉਸ ਨੇ ਜ਼ਹਿਰ ਖਾ ਕੇ ਖ਼ੁਦਕੁਸ਼ੀ ਕਰ ਲਈ | ਹਾਲਾਂਕਿ ਸਮਸ਼ੇਰ ਦੀ ਤਾਂ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦਕਿ ਰਣਜੀਤ ਕੌਰ ਆਪਣੇ ਘਰ ਆ ਗਈ, ਜਿੱਥੇ ਉਸ ਨੇ ਕੁਝ ਸਮੇਂ ਬਾਅਦ ਦਮ ਤੋੜ ਦਿੱਤਾ। ਦੱਸਣਯੋਗ ਹੈ ਕਿ ਮ੍ਰਿਤਕਾ ਆਪਣੇ ਪਿੱਛੇ 3 ਬਚੇ ਛੱਡ ਗਈ ਹੈ।
