ਏਅਰ ਫੋਰਸ ਨੂੰ ਮਿਲਾ ਮਿਜ਼ਾਈਲ ਸਿਸਟਮ MRSAM , 70 ਕਿਲੋਮੀਟਰ ਦੇ ਘੇਰੇ 'ਚ ਸਭ ਤਬਾਹ ਕਰਨ ਦੀ ਸ਼ਕਤੀ
ਨਵੀਂ ਦਿੱਲੀ : ਭਾਰਤ ਅਤੇ ਇਜ਼ਰਾਈਲ ਨੂੰ ਰੱਖਿਆ ਖੇਤਰ ਵਿੱਚ ਆਪਣੀ ਤਾਕਤ ਵਧਾਉਣ ਵਿੱਚ ਵੱਡੀ ਸਫਲਤਾ ਮਿਲੀ ਹੈ। ਰੱਖਿਆ ਮੰਤਰੀ ਰਾਜਨਾਥ ਸਿੰਘ (Rajnath Singh) ਨੇ ਜੈਸਲਮੇਰ ਵਿੱਚ ਹਵਾਈ ਸੈਨਾ ਦੇ ਬੇੜੇ ਵਿੱਚ ਮੀਡੀਅਮ ਰੇਂਜ ਸਰਫੇਸ- ਟੂ -ਏਅਰ ਮਿਜ਼ਾਈਲ MRSAM , ਯਾਨੀ ਦਰਮਿਆਨੀ ਦੂਰੀ ਦੀ ਸਤ੍ਹਾ ਤੋਂ ਹਵਾ ਵਿੱਚ ਮਾਰ ਕਰਨ ਵਾਲੀ ਮਿਜ਼ਾਈਲ ਦੀ ਪਹਿਲੀ ਇਕਾਈ ਸ਼ਾਮਲ ਕੀਤੀ ਹੈ।
[caption id="attachment_531904" align="aligncenter" width="300"]
ਏਅਰ ਫੋਰਸ ਨੂੰ ਮਿਲਾ ਮਿਜ਼ਾਈਲ ਸਿਸਟਮ MRSAM , 70 ਕਿਲੋਮੀਟਰ ਦੇ ਘੇਰੇ 'ਚ ਸਭ ਤਬਾਹ ਕਰਨ ਦੀ ਸ਼ਕਤੀ[/caption]
ਇਹ ਮਿਜ਼ਾਈਲ 70 ਕਿਲੋਮੀਟਰ ਦੇ ਘੇਰੇ ਵਿੱਚ ਦੁਸ਼ਮਣ ਨੂੰ ਮਾਰਨ ਦੇ ਸਮਰੱਥ ਹੈ। ਸਿਸਟਮ ਵਿੱਚ ਅਡਵਾਂਸਡ ਰਾਡਾਰ, ਕਮਾਂਡ ਅਤੇ ਕੰਟਰੋਲ, ਮੋਬਾਈਲ ਲਾਂਚਰ ਅਤੇ ਰੇਡੀਓ ਫ੍ਰੀਕੁਐਂਸੀ ਸੀਕਰ ਦੇ ਨਾਲ ਇੱਕ ਇੰਟਰਸੈਪਟਰ ਵੀ ਹੈ। ਇਸ ਮਿਜ਼ਾਈਲ ਨੂੰ ਡਿਫੈਂਸ ਰਿਸਰਚ ਐਂਡ ਡਿਵੈਲਪਮੈਂਟ ਆਰਗੇਨਾਈਜੇਸ਼ਨ (ਡੀਆਰਡੀਓ) ਅਤੇ ਇਜ਼ਰਾਈਲ ਦੀ ਆਈਏਆਈ ਨੇ ਸਾਂਝੇ ਤੌਰ 'ਤੇ ਵਿਕਸਤ ਕੀਤਾ ਹੈ।
[caption id="attachment_531903" align="aligncenter" width="300"]
ਏਅਰ ਫੋਰਸ ਨੂੰ ਮਿਲਾ ਮਿਜ਼ਾਈਲ ਸਿਸਟਮ MRSAM , 70 ਕਿਲੋਮੀਟਰ ਦੇ ਘੇਰੇ 'ਚ ਸਭ ਤਬਾਹ ਕਰਨ ਦੀ ਸ਼ਕਤੀ[/caption]
ਇਸ ਵਿੱਚ ਭਾਰਤ ਅਤੇ ਇਜ਼ਰਾਈਲ ਦੀਆਂ ਹੋਰ ਰੱਖਿਆ ਕੰਪਨੀਆਂ ਵੀ ਸ਼ਾਮਲ ਹਨ। MRSAM ਦੀ ਵਰਤੋਂ ਭਾਰਤ ਦੀਆਂ ਤਿੰਨ ਫੌਜਾਂ ਅਤੇ ਇਜ਼ਰਾਈਲ ਡਿਫੈਂਸ ਫੋਰਸ ਦੁਆਰਾ ਕੀਤੀ ਜਾਏਗੀ। ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕਿਹਾ, 'ਐਮਆਰਐਸਐਮ ਨੂੰ ਹਵਾਈ ਸੈਨਾ ਨੂੰ ਸੌਂਪਣ ਦੇ ਨਾਲ ਅਸੀਂ ਪ੍ਰਧਾਨ ਮੰਤਰੀ ਮੋਦੀ ਦੇ ਆਤਮ ਨਿਰਭਰ ਭਾਰਤ ਦੇ ਵਿਜ਼ਨ ਨੂੰ ਸਾਕਾਰ ਕਰਨ ਦੀ ਦਿਸ਼ਾ ਵਿੱਚ ਵੱਡੀ ਛਲਾਂਗ ਲਗਾਈ ਹੈ। ਇਹ ਏਅਰ ਡਿਫੈਂਸ ਸਿਸਟਮ ਗੇਮ ਚੇਂਜਰ ਸਾਬਤ ਹੋਵੇਗਾ।
[caption id="attachment_531902" align="aligncenter" width="300"]
ਏਅਰ ਫੋਰਸ ਨੂੰ ਮਿਲਾ ਮਿਜ਼ਾਈਲ ਸਿਸਟਮ MRSAM , 70 ਕਿਲੋਮੀਟਰ ਦੇ ਘੇਰੇ 'ਚ ਸਭ ਤਬਾਹ ਕਰਨ ਦੀ ਸ਼ਕਤੀ[/caption]
ਉਨ੍ਹਾਂ ਨੇ ਕਿਹਾ, 'ਅੱਜ ਗਲੋਬਲ ਦ੍ਰਿਸ਼ ਬਹੁਤ ਤੇਜ਼ੀ ਨਾਲ ਅਤੇ ਅਨੁਮਾਨਤ ਤਰੀਕੇ ਨਾਲ ਬਦਲ ਰਿਹਾ ਹੈ। ਇਸ ਵਿੱਚ ਦੇਸ਼ਾਂ ਦੇ ਆਪਸੀ ਸਮੀਕਰਨ ਵੀ ਉਨ੍ਹਾਂ ਦੇ ਹਿੱਤਾਂ ਦੇ ਅਨੁਸਾਰ ਤੇਜ਼ੀ ਨਾਲ ਬਦਲ ਰਹੇ ਹਨ। ਭਾਵੇਂ ਇਹ ਦੱਖਣੀ ਚੀਨ ਸਾਗਰ ਹੋਵੇ ਜਾਂ ਹਿੰਦ-ਪ੍ਰਸ਼ਾਂਤ ਜਾਂ ਮੱਧ ਏਸ਼ੀਆ, ਹਰ ਜਗ੍ਹਾ ਅਨਿਸ਼ਚਿਤਤਾ ਦੀ ਸਥਿਤੀ ਵੇਖੀ ਜਾ ਸਕਦੀ ਹੈ।
-PTCNews
