ਅਮਰੀਕਾ ਦੇ ਨਿਊਜਰਸੀ 'ਚ ਹੋਈ ਗੋਲੀਬਾਰੀ , ਇੱਕ ਪੁਲਿਸ ਮੁਲਾਜ਼ਮ ਸਮੇਤ 6 ਲੋਕਾਂ ਦੀ ਮੌਤ
ਅਮਰੀਕਾ ਦੇ ਨਿਊਜਰਸੀ 'ਚ ਹੋਈ ਗੋਲੀਬਾਰੀ , ਇੱਕ ਪੁਲਿਸ ਮੁਲਾਜ਼ਮ ਸਮੇਤ 6 ਲੋਕਾਂ ਦੀ ਮੌਤ:ਵਾਸ਼ਿੰਗਟਨ : ਅਮਰੀਕਾ ਦੇ ਨਿਊਜਰਸੀ ਵਿਖੇ ਮੰਗਲਵਾਰ ਨੂੰ 2 ਹਮਲਾਵਰਾਂ ਵੱਲੋਂ ਕੀਤੀ ਗਈ ਗੋਲੀਬਾਰੀ ਵਿਚ ਇੱਕ ਪੁਲਿਸ ਮੁਲਾਜ਼ਮ ਸਮੇਤ 6 ਲੋਕਾਂ ਦੀ ਮੌਤ ਹੋ ਗਈ ਹੈ। ਪੁਲਿਸ ਅਧਿਕਾਰੀਆਂ ਮੁਤਾਬਿਕ ਇਸ ਗੋਲ਼ੀਬਾਰੀ 'ਚ ਤਿੰਨ ਨਾਗਰਿਕ ਤੇ ਦੋ ਸ਼ੱਕੀ ਹਮਲਾਵਰ ਵੀ ਮਾਰੇ ਗਏ ਹਨ। [caption id="attachment_368344" align="aligncenter" width="300"] ਅਮਰੀਕਾ ਦੇ ਨਿਊਜਰਸੀ 'ਚ ਹੋਈ ਗੋਲੀਬਾਰੀ , ਇੱਕ ਪੁਲਿਸ ਮੁਲਾਜ਼ਮ ਸਮੇਤ 6 ਲੋਕਾਂ ਦੀ ਮੌਤ[/caption] ਇਸ ਵਿਚ ਘੱਟੋ-ਘੱਟ ਇਕ ਨਾਗਰਿਕ ਤੇ ਦੋ ਪੁਲਿਸ ਅਧਿਕਾਰੀ ਜ਼ਖ਼ਮੀ ਵੀ ਹੋ ਗਏ ਹਨ। ਇਹ ਘਟਨਾ ਸ਼ਹਿਰ ਦੇ ਬੈਵਿਊ ਇਲਾਕੇ ਨੇੜੇ ਇਕ ਸਟੋਰ ਦੇ ਬਾਹਰ ਵਾਪਰੀ ਹੈ। ਪੁਲਿਸ ਵੱਲੋਂ ਹਮਲਾਵਰਾਂ ਦੇ ਪਛਾਣ ਸਬੰਧੀ ਹਾਲੇ ਤਕ ਕੋਈ ਬਿਆਨ ਨਹੀਂ ਆਇਆ ਹੈ। [caption id="attachment_368342" align="aligncenter" width="300"] ਅਮਰੀਕਾ ਦੇ ਨਿਊਜਰਸੀ 'ਚ ਹੋਈ ਗੋਲੀਬਾਰੀ , ਇੱਕ ਪੁਲਿਸ ਮੁਲਾਜ਼ਮ ਸਮੇਤ 6 ਲੋਕਾਂ ਦੀ ਮੌਤ[/caption] ਦੱਸ ਦੇਈਏ ਕਿ ਜਰਸੀ ਸਿਟੀ ਪੁਲਿਸ ਮੁਖੀ ਮਾਈਕਲ ਕੇਲੀ ਨੇ ਕਿਹਾ ਕਿ ਫਾਇਰਿੰਗ ਦੀਆਂ ਘਟਨਾਵਾਂ ਦੋ ਥਾਈਂ ਹੋਈਆਂ ਹਨ। ਇਕ ਕਬਰਸਤਾਨ 'ਚ ਗੋਲ਼ੀਬਾਰੀ ਹੋਈ ਹੈ ,ਜਿੱਥੇ ਇਕ ਪੁਲਿਸ ਅਧਿਕਾਰੀ ਦੀ ਮੌਤ ਹੋ ਗਈ ਹੈ। ਇਸ ਤੋਂ ਬਾਅਦ ਕੋਸ਼ਰ ਸੁਪਰ ਮਾਰਕੀਟ 'ਚ ਫਾਇਰਿੰਗ ਹੋਈ ਜਿੱਥੋਂ ਪੰਜ ਲਾਸ਼ਾਂ ਬਰਾਮਦ ਹੋਈਆਂ ਹਨ। -PTCNews