ਖੁਸ਼ਹਾਲ ਵਿਆਹੁਤਾ ਜੀਵਨ ਲਈ ਪਤਨੀ ਆਪਣੇ ਪਤੀ ਨਾਲ ਕਦੇ ਨਾ ਸਾਂਝੇ ਕਰੇ ਇਹ 3 ਰਾਜ਼
Chanakya Niti Tips: ਵਿਆਹ ਵਿਸ਼ਵਾਸ ਦਾ ਬੰਧਨ ਮੰਨਿਆ ਜਾਂਦਾ ਹੈ, ਭਾਵੇਂ ਇਹ ਕਿਸੇ ਵੀ ਧਰਮ ਦੇ ਰੀਤੀ-ਰਿਵਾਜਾਂ ਅਨੁਸਾਰ ਕੀਤਾ ਜਾਵੇ। ਵਿਆਹ ਦੌਰਾਨ ਪਤੀ-ਪਤਨੀ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਦੋਵੇਂ ਕਦੇ ਵੀ ਇੱਕ ਦੂਜੇ ਤੋਂ ਝੂਠ ਨਹੀਂ ਬੋਲਣਗੇ ਅਤੇ ਨਾ ਹੀ ਕੁਝ ਲੁਕਾਉਣਗੇ। ਅਜਿਹੇ 'ਚ ਕਈ ਲੋਕ ਬਿਨਾਂ ਸੋਚੇ ਸਮਝੇ ਇੱਕ-ਦੂਜੇ 'ਤੇ ਵਿਸ਼ਵਾਸ ਕਰਨ ਲੱਗ ਜਾਂਦੇ ਹਨ। ਪਰ ਕਈ ਮਾਮਲਾ ਵਿੱਚ ਵੇਖਿਆ ਗਿਆ ਕਿ ਪਤੀ-ਪਤਨੀ ਆਪਣੇ ਰਿਸ਼ਤੇ ਨੂੰ ਉਸ ਭਰੋਸੇਯੋਗਤਾ ਨਾਲ ਨਹੀਂ ਨਿਭਾ ਪਾਉਂਦੇ ਜਿਸਦੀ ਉਮੀਦ ਕੀਤੀ ਜਾਂਦੀ ਹੈ।
ਵਧੀਆ ਦਾਰਸ਼ਨਿਕ ਅਤੇ ਡਿਪਲੋਮੈਟ ਮੰਨੇ ਜਾਂਦੇ ਆਚਾਰੀਆ ਚਾਣਕਿਆ ਨੇ ਆਪਣੀਆਂ ਨੀਤੀਆਂ 'ਚ ਸਪੱਸ਼ਟ ਕਿਹਾ ਹੈ ਕਿ ਵਿਆਹੁਤਾ ਜੀਵਨ ਨੂੰ ਖੁਸ਼ਹਾਲ ਬਣਾਉਣ ਅਤੇ ਲੰਬੇ ਸਮੇਂ ਤੱਕ ਚਲਾਉਣ ਲਈ ਪਤੀ-ਪਤਨੀ ਨੂੰ ਕੁਝ ਚੀਜ਼ਾਂ ਸਿਰਫ ਆਪਣੇ ਤੱਕ ਹੀ ਰੱਖਣੀਆਂ ਚਾਹੀਦੀਆਂ ਹਨ। ਅਜਿਹੀ ਸਥਿਤੀ ਵਿੱਚ ਇਸ ਲੇਖ ਵਿੱਚ ਤੁਸੀਂ ਚਾਣਕਿਆ ਨੀਤੀ ਵਿੱਚ ਦੱਸੀਆਂ ਗਈਆਂ ਉਹ 3 ਗੱਲਾਂ ਜਾਣ ਸਕਦੇ ਹੋ, ਜੋ ਪਤਨੀ ਨੂੰ ਕਦੇ ਵੀ ਆਪਣੇ ਪਤੀ ਨੂੰ ਨਹੀਂ ਦੱਸਣੀਆਂ ਚਾਹੀਦੀਆਂ।
ਇਹ ਵੀ ਪੜ੍ਹੋ - ਤੁਹਾਡੇ ਵਿਆਹੁਤਾ ਜੀਵਨ ਨੂੰ ਤਬਾਹ ਕਰ ਸਕਦੀ ਹੈ ਸ਼ਰਾਬ, ਜਾਣੋ ਕਿਵੇਂ
ਮਾਇਕੇ ਦੇ ਰਾਜ਼: ਰਿਸ਼ਤਾ ਸ਼ੁਰੂ ਹੁੰਦੇ ਹੀ ਔਰਤ ਆਪਣੇ ਪਾਰਟਨਰ 'ਤੇ ਬਹੁਤ ਜ਼ਿਆਦਾ ਭਰੋਸਾ ਕਰਨ ਲੱਗਦੀ ਹੈ। ਅਜਿਹੇ 'ਚ ਕਈ ਵਾਰ ਉਹ ਆਪਣੇ ਘਰ ਦੇ ਲੋਕਾਂ ਦੇ ਰਾਜ਼ ਆਪਣੇ ਪਤੀ ਦੇ ਸਾਹਮਣੇ ਖੋਲ੍ਹਣ ਤੋਂ ਪਹਿਲਾਂ ਸੋਚਦੀ ਵੀ ਨਹੀਂ ਹੈ। ਜਦਕਿ ਅਜਿਹਾ ਬਿਲਕੁਲ ਨਹੀਂ ਕਰਨਾ ਚਾਹੀਦਾ ਕਿਉਂਕਿ ਪਤੀ ਨੂੰ ਇਸ ਤੋਂ ਸਮਝ ਆ ਜਾਂਦੀ ਹੈ ਕਿ ਤੁਸੀਂ ਕੋਈ ਵੀ ਰਾਜ਼ ਛੁਪਾ ਕੇ ਨਹੀਂ ਰੱਖ ਸਕਦੇ, ਜਿਸ ਕਾਰਨ ਉਹ ਖੁਦ ਤੁਹਾਨੂੰ ਆਪਣੀਆਂ ਗੱਲਾਂ ਦੱਸਣ ਤੋਂ ਝਿਜਕਦਾ ਹੈ। ਨਾਲੇ ਉਹ ਤੁਹਾਡੇ ਮਾਪਿਆਂ ਦੀ ਕਮਜ਼ੋਰੀ ਨੂੰ ਤੁਹਾਡੇ ਵਿਰੁੱਧ ਵਰਤ ਸਕਦਾ ਹੈ। ਜਿਸ ਕਾਰਨ ਪਤੀ-ਪਤਨੀ ਦੇ ਰਿਸ਼ਤਿਆਂ ਵਿੱਚ ਦਰਾਰ ਆਉਣ ਲੱਗਦੀ ਹੈ।
ਬਚਾਇਆ ਹੋਇਆ ਪੈਸਾ: ਪਤਨੀ ਨੂੰ ਹਮੇਸ਼ਾ ਆਪਣੀ ਕਮਾਈ ਜਾਂ ਪਤੀ ਦੀ ਕਮਾਈ ਦਾ ਇੱਕ ਛੋਟਾ ਜਿਹਾ ਹਿੱਸਾ ਬੱਚਤ ਵਜੋਂ ਰੱਖਣਾ ਚਾਹੀਦਾ ਹੈ, ਤਾਂ ਜੋ ਸੰਕਟ ਦੇ ਸਮੇਂ ਪਰਿਵਾਰ ਦੀ ਮਦਦ ਕੀਤੀ ਜਾ ਸਕੇ। ਅਜਿਹੇ 'ਚ ਇਸ ਗੱਲ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿ ਪਤੀ ਨੂੰ ਵੀ ਇਸ ਬੱਚਤ ਦੀ ਜਾਣਕਾਰੀ ਨਾ ਹੋਵੇ ਕਿਉਂਕਿ ਜੇਕਰ ਪਤੀ ਨੂੰ ਇਸ ਬਾਰੇ ਪਤਾ ਚੱਲਦਾ ਹੈ ਤਾਂ ਉਹ ਇਸ ਪੈਸੇ ਨੂੰ ਕਿਸੇ ਵੀ ਮਾਮੂਲੀ ਕੰਮ ਲਈ ਵਰਤ ਸਕਦਾ ਹੈ।
ਕੀਤਾ ਹੋਇਆ ਦਾਨ: ਧਾਰਮਿਕ ਗ੍ਰੰਥਾਂ ਵਿੱਚ ਲਿਖਿਆ ਹੈ ਕਿ ਇਕ ਹੱਥ ਨਾਲ ਕੀਤੇ ਦਾਨ ਦੀ ਖ਼ਬਰ ਦੂਜੇ ਹੱਥ ਨੂੰ ਨਹੀਂ ਜਾਣੀ ਚਾਹੀਦੀ, ਤਾਂ ਹੀ ਉਸ ਦਾ ਲਾਭ ਮਿਲਦਾ ਹੈ। ਇਸ ਲਈ ਅਚਾਰੀਆ ਚਾਣਕਿਆ ਔਰਤਾਂ ਨੂੰ ਸਾਵਧਾਨ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਸਲਾਹ ਦਿੰਦੇ ਹਨ ਕਿ ਉਹ ਆਪਣੇ ਪਤੀ ਨੂੰ ਵੀ ਆਪਣੇ ਕੀਤੇ ਦਾਨ ਬਾਰੇ ਜਾਣਕਾਰੀ ਨਾ ਦੇਣ। ਨਹੀਂ ਤਾਂ ਇਸਦਾ ਮੁਨਾਫਾ ਘੱਟ ਜਾਵੇਗਾ। ਇਸ ਦੇ ਨਾਲ ਹੀ ਖਰਚਿਆਂ ਨੂੰ ਲੈ ਕੇ ਵੀ ਪਤੀ-ਪਤਨੀ ਵਿਚ ਝਗੜਾ ਹੋ ਸਕਦਾ ਹੈ, ਜਿਸ ਨਾਲ ਦਾਨ ਦੀ ਮਹੱਤਤਾ ਪੂਰੀ ਤਰ੍ਹਾਂ ਖਤਮ ਹੋ ਜਾਂਦੀ ਹੈ।
ਲੇਖਕ - ਸਚਿਨ ਜਿੰਦਲ
ਡਿਕਲੇਮਰ - ਇਹ ਲੇਖ ਕਿਸੇ ਤੀਜੇ ਧਿਰ ਤੋਂ ਪ੍ਰੇਰਿਤ ਹੈ, ਪੀ.ਟੀ.ਸੀ ਨਿਊਜ਼ ਇਸਦੀ ਪ੍ਰਮਾਣਿਕਤਾ ਦੀ ਪੁਸ਼ਟੀ ਨਹੀਂ ਕਰਦਾ।