Discard Option For ITR : ITR ਫਾਰਮ ਚ ਜਾਣਕਾਰੀ ਭਰਨ ਸਮੇਂ ਹੋਈ ਕੋਈ ਗ਼ਲਤੀ ਜਾਂ ਗਏ ਭੁੱਲ, ਤਾਂ ਤੁਰੰਤ ਕਰੋ ਇਹ ਕੰਮ

Discard Option For ITR : ਵੈਸੇ ਤਾਂ ITR ਫਾਰਮ ਭਰਨ ਸਮੇਂ ਗਲਤੀਆਂ ਹੋਣਾ ਆਮ ਗੱਲ ਹੈ। ਪਰ ਕਈ ਵਾਰ ਟੈਕਸਦਾਤਾ ਫਾਰਮ 'ਚ ਕੋਈ ਖਾਸ ਕਿਸਮ ਦੀ ਜਾਣਕਾਰੀ ਭਰਨਾ ਭੁੱਲ ਜਾਣਦੇ ਹਨ ਅਤੇ ਕਈ ਵਾਰ ਕੁਝ ਆਮਦਨ ਬਾਰੇ ਜਾਣਕਾਰੀ ਉਪਲਬਧ ਨਹੀਂ ਹੁੰਦੀ। ਅਜਿਹੇ 'ਚ ਜੇਕਰ ਤੁਸੀਂ ਵੀ ਇਨਕਮ ਟੈਕਸ ਰਿਟਰਨ ਫਾਰਮ ਭਰਨ 'ਚ ਕੋਈ ਗਲਤੀ ਕੀਤੀ ਹੈ ਤਾਂ ਤੁਹਾਨੂੰ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੋਵੇਗੀ। ਕਿਉਂਕਿ ਜੇਕਰ ਫਾਰਮ 'ਚ ਕੋਈ ਗਲਤੀ ਹੈ, ਤਾਂ ਇਨਕਮ ਟੈਕਸ ਵਿਭਾਗ ਦਾ ਡਿਸਕਾਰਡ ITR ਵਿਕਲਪ ਕੰਮ ਆਉਂਦਾ ਹੈ। ਇਹ ਵਿਕਲਪ ਵਰਤਿਆ ਜਾ ਸਕਦਾ ਹੈ। ਜੇਕਰ ਤੁਸੀਂ ਕੋਈ ਜਾਣਕਾਰੀ ਗਲਤ ਭਰੀ ਹੈ ਜਾਂ ਕੋਈ ਮਹੱਤਵਪੂਰਨ ਜਾਣਕਾਰੀ ਦੇਣਾ ਭੁੱਲ ਗਏ ਹੋ। ਤਾਂ ਆਓ ਜਾਣਦੇ ਹਾਂ ਇਸ ਦੀ ਵਰਤੋਂ ਦਾ ਤਰੀਕਾ।

ਡਿਸਕਾਰਡ ITR ਵਿਕਲਪ ਦੀ ਵਰਤੋਂ ਕਰਨ ਦਾ ਤਰੀਕਾ 

• ਇਸ ਲਈ ਤੁਹਾਨੂੰ ਸਭ ਤੋਂ ਪਹਿਲਾਂ ਇਨਕਮ ਟੈਕਸ ਵਿਭਾਗ ਦੇ ਈ-ਫਾਈਲਿੰਗ ਪੋਰਟਲ 'ਤੇ ਲੌਗਇਨ ਕਰਨਾ ਹੋਵੇਗਾ।
• ਫਿਰ 'ਈ-ਫਾਈਲ' ਟੈਬ ਦੇ 'ਇਨਕਮ ਟੈਕਸ ਰਿਟਰਨ' 'ਚੋ 'ਈ-ਵੈਰੀਫਾਈ ਰਿਟਰਨ' ਦੇ ਵਿਕਲਪ ਨੂੰ ਚੁਣਨਾ ਹੋਵੇਗਾ।
• ਇਸ ਤੋਂ ਬਾਅਦ ਇੱਕ ਨਵਾਂ ਪੰਨਾ ਖੁੱਲ੍ਹਣ ਦੇ ਨਾਲ, ਤੁਸੀਂ ਅਣ-ਪ੍ਰਮਾਣਿਤ ITR ਦੇਖ ਸਕੋਗੇ।
• ਉੱਥੇ ਤੁਹਾਨੂੰ ਦੋ ਵਿਕਲਪ ਦਿਖਾਈ ਦੇਣਗੇ - ਈ-ਵੈਰੀਫਾਈ ਅਤੇ ਡਿਸਕਾਰਡ।
• ਉਨ੍ਹਾਂ 'ਚੋ ਤੁਹਾਨੂੰ ਡਿਸਕਾਰਡ ਵਿਕਲਪ ਨੂੰ ਚੁਣਨਾ ਹੋਵੇਗਾ।

ਡਿਸਕਾਰਡ ITR ਵਿਕਲਪ ਸੰਬੰਧੀ ਮਹੱਤਵਪੂਰਨ ਸ਼ਰਤਾਂ 

ਇਨਕਮ ਟੈਕਸ ਵਿਭਾਗ ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ 'ਤੇ ਇਸ ਸਬੰਧ 'ਚ ਇੱਕ ਤਾਜ਼ਾ ਅਪਡੇਟ ਜਾਰੀ ਕੀਤਾ ਹੈ। ਜਿਸ 'ਚ ਉਨ੍ਹਾਂ ਨੇ ਕਿਹਾ ਹੈ ਕਿ ITR ਫਾਰਮ ਦੀ ਪੁਸ਼ਟੀ ਕਰਨ ਤੋਂ ਪਹਿਲਾਂ ਹੀ ਡਿਸਕਾਰਡ ITR ਵਿਕਲਪ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਇਹ ਵਿਕਲਪ ਇੱਕ ਤੋਂ ਵੱਧ ਵਾਰ ਵਰਤਿਆ ਜਾ ਸਕਦਾ ਹੈ।

ਮਾਹਿਰਾਂ ਮੁਤਾਬਕ ITR ਫਾਰਮ ਭਰਨ ਅਤੇ ਜਮ੍ਹਾ ਕਰਨ ਤੋਂ ਬਾਅਦ, ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਕਿਸੇ ਵੀ ਜਾਣਕਾਰੀ ਸੰਬੰਧੀ ਕੋਈ ਗਲਤੀ ਹੈ, ਤਾਂ ਤੁਸੀਂ ਤੁਰੰਤ ਪੋਰਟਲ 'ਤੇ ਜਾ ਸਕਦੇ ਹੋ ਅਤੇ ਇਸ ਵਿਕਲਪ ਦੀ ਵਰਤੋਂ ਕਰ ਸਕਦੇ ਹੋ। ਪਰ ਉਹ ਟੈਕਸਦਾਤਾ ਜਿਨ੍ਹਾਂ ਨੇ ITR ਫਾਰਮ ਭਰਿਆ ਅਤੇ ਤਸਦੀਕ ਕੀਤਾ ਹੈ ਉਹ ਇਸ ਵਿਕਲਪ ਦੀ ਵਰਤੋਂ ਕਰਨ ਦੇ ਯੋਗ ਨਹੀਂ ਹੋਣਗੇ।

ਇਹ ਵੀ ਪੜ੍ਹੋ:  Shambhu Border ਨਹੀਂ ਖੁੱਲ੍ਹੇਗਾ ! SC ਨੇ ਸਥਿਤੀ ਜਿਉਂ ਦੀ ਤਿਉਂ ਰੱਖਣ ਦੇ ਦਿੱਤੇ ਹੁਕਮ, ਕਮੇਟੀ ਬਣਾਉਣ ਦੀ ਤਜਵੀਜ਼