Zirkpur News : ਜੀਰਕਪੁਰ ਦੇ ਰਮਾਡਾ ਹੋਟਲ ’ਚ ਨਸ਼ੇ ਦਾ ਸੇਵਨ ਕਰਦੇ ਪਤੀ-ਪਤਨੀ ਗ੍ਰਿਫਤਾਰ, ਹੋਟਲ ਵਾਲਿਆਂ ਦੀ ਸ਼ਿਕਾਇਤ ’ਤੇ ਕਾਰਵਾਈ
ਪੁਲਿਸ ਦੇ ਅਨੁਸਾਰ ਕਮਰੇ ‘ਚ ਰਹਿ ਰਹੇ ਵਿਅਕਤੀ ਨੇ ਆਪਣਾ ਨਾਮ ਅਦਿਤਿਆ ਪ੍ਰਾਪਸ ਪੁੱਤਰ ਪ੍ਰਾਤੀਕ ਮੁਖਰਜੀ (ਉਮਰ 27 ਸਾਲ) ਵਾਸੀ ਬਾਦਸ਼ਾਹ ਰੋਡ ਸੋਹਣਾ, ਗਰੂਗ੍ਰਾਮ ਹਾਲ ਮਕਾਨ ਨੰਬਰ 4-ਡੀ, ਹਾਈਲੈਂਡ ਪਾਰਕ ਜੀਰਕਪੁਰ ਦੱਸਿਆ। ਉਸਦੇ ਨਾਲ ਮੌਜੂਦ ਔਰਤ ਨੇ ਆਪਣਾ ਨਾਮ ਭਾਵਨਾ ਪਤਨੀ ਅਦਿਤਿਆ ਪ੍ਰਾਪਸ ਮੁਖਰਜੀ (ਉਮਰ 28 ਸਾਲ) ਦੱਸਿਆ।
Zirkpur News : ਜੀਰਕਪੁਰ ਦੇ ਰਮਾਡਾ ਹੋਟਲ ਵਿੱਚ ਐਤਵਾਰ ਰਾਤ ਇਕ ਪਤੀ-ਪਤਨੀ ਦੇ ਹੈਰੋਇਨ ਸੇਵਨ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਨੂੰ ਹੋਟਲ ਪ੍ਰਬੰਧਕਾਂ ਵੱਲੋਂ ਸੂਚਨਾ ਮਿਲਣ ‘ਤੇ ਜਦੋਂ ਮੌਕੇ ‘ਤੇ ਪਹੁੰਚ ਕੇ ਕਮਰਾ ਨੰਬਰ 112 ਖੋਲ੍ਹਿਆ ਗਿਆ, ਤਾਂ ਔਰਤ ਬੇਹੋਸ਼ ਹਾਲਤ ਵਿੱਚ ਮਿਲੀ। ਪਹਿਲਾਂ ਪੀਸੀਆਰ ਦੀ ਟੀਮ ਦੇ ਮੁਲਾਜਮ ਏਐੱਸਆਈ ਰਜਿੰਦਰ ਸਿੰਘ ਮੌਕੇ ‘ਤੇ ਪਹੁੰਚੇ ਸਨ, ਜਦਕਿ ਬਾਅਦ ਵਿੱਚ ਡਿਊਟੀ ਅਫਸਰ ਏਐੱਸਆਈ ਸੁਲੱਖਣ ਸਿੰਘ ਨੇ ਹੋਟਲ ਪਹੁੰਚ ਕੇ ਕਾਰਵਾਈ ਕੀਤੀ।
ਪੁਲਿਸ ਦੇ ਅਨੁਸਾਰ ਕਮਰੇ ‘ਚ ਰਹਿ ਰਹੇ ਵਿਅਕਤੀ ਨੇ ਆਪਣਾ ਨਾਮ ਅਦਿਤਿਆ ਪ੍ਰਾਪਸ ਪੁੱਤਰ ਪ੍ਰਾਤੀਕ ਮੁਖਰਜੀ (ਉਮਰ 27 ਸਾਲ) ਵਾਸੀ ਬਾਦਸ਼ਾਹ ਰੋਡ ਸੋਹਣਾ, ਗਰੂਗ੍ਰਾਮ ਹਾਲ ਮਕਾਨ ਨੰਬਰ 4-ਡੀ, ਹਾਈਲੈਂਡ ਪਾਰਕ ਜੀਰਕਪੁਰ ਦੱਸਿਆ। ਉਸਦੇ ਨਾਲ ਮੌਜੂਦ ਔਰਤ ਨੇ ਆਪਣਾ ਨਾਮ ਭਾਵਨਾ ਪਤਨੀ ਅਦਿਤਿਆ ਪ੍ਰਾਪਸ ਮੁਖਰਜੀ (ਉਮਰ 28 ਸਾਲ) ਦੱਸਿਆ।
ਕਮਰੇ ਦੀ ਤਲਾਸ਼ੀ ਦੌਰਾਨ ਪੁਲਿਸ ਨੂੰ ਲਾਈਟਰ, ਵਰਤੇ ਹੋਏ ਫੌਇਲ ਪੇਪਰ ਤੇ ਸਿਗਰਟਾਂ ਦੀਆਂ ਡੱਬੀਆਂ ਮਿਲੀਆਂ। ਦੋਵੇਂ ਨੇ ਮੰਨਿਆ ਕਿ ਉਹ ਹੈਰੋਇਨ ਦਾ ਸੇਵਨ ਕਰ ਚੁੱਕੇ ਹਨ। ਇਸ ‘ਤੇ ਦੋਵੇਂ ਦੇ ਖਿਲਾਫ ਮੁਕੱਦਮਾ ਨੰਬਰ 515 ਮਿਤੀ 26-10-2025 ਧਾਰਾ 27, 61/85 NDPS ਐਕਟ ਥਾਣਾ ਜੀਰਕਪੁਰ ‘ਚ ਦਰਜ ਕੀਤਾ ਗਿਆ।
ਪੁੱਛਗਿੱਛ ਦੌਰਾਨ ਦੋਸ਼ੀਆਂ ਨੇ ਦੱਸਿਆ ਕਿ ਅਦਿਤਿਆ ਕਲਕੱਤਾ ਦਾ ਰਹਿਣ ਵਾਲਾ ਹੈ ਤੇ ਗਰੂਗ੍ਰਾਮ ਵਿੱਚ ਰੀਅਲ ਅਸਟੇਟ ਕੰਪਨੀ ‘ਚ ਨੌਕਰੀ ਕਰਦਾ ਹੈ, ਜਦਕਿ ਭਾਵਨਾ ਭਿਵਾਨੀ (ਹਰਿਆਣਾ) ਦੀ ਰਹਿਣ ਵਾਲੀ ਹੈ, ਜਿਸਨੇ MSc Chemistry ਕੀਤੀ ਹੋਈ ਹੈ ਤੇ ਇਸ ਵੇਲੇ ਪੀਐਚਡੀ ਕਰ ਰਹੀ ਹੈ। ਦੋਵੇਂ ਨੇ ਲਗਭਗ ਡੇਢ ਸਾਲ ਪਹਿਲਾਂ ਲਵ ਮੈਰਿਜ ਕੀਤੀ ਸੀ।
ਜਾਣਕਾਰੀ ਅਨੁਸਾਰ, ਅਦਿਤਿਆ ਦਾ ਪਿਤਾ ਪ੍ਰਾਤੀਕ ਮੁਖਰਜੀ ਹਾਈਲੈਂਡ ਪਾਰਕ, ਜੀਰਕਪੁਰ ‘ਚ ਰਹਿੰਦਾ ਹੈ ਤੇ ਉਸਦਾ ਇਲਾਜ ਜੇਪੀ ਹਸਪਤਾਲ, ਜੀਰਕਪੁਰ ‘ਚ ਚੱਲ ਰਿਹਾ ਹੈ। ਦੋਵੇਂ ਪਿਤਾ ਦੀ ਤਬੀਅਤ ਬਾਰੇ ਪਤਾ ਕਰਨ ਆਏ ਸਨ ਤੇ ਹੋਟਲ ਵਿੱਚ ਟਿਕੇ ਸਨ। ਪੁਲਿਸ ਇਹ ਵੀ ਜਾਂਚ ਰਹੀ ਹੈ ਕਿ ਇਹਨਾਂ ਕੋਲ ਹੈਰੋਇਨ ਪਹਿਲਾਂ ਤੋਂ ਸੀ ਜਾਂ ਕਿਸੇ ਨੇ ਹੋਟਲ ਦੇ ਅੰਦਰ ਜਾਂ ਬਾਹਰ ਸਪਲਾਈ ਕੀਤੀ। ਇਸ ਲਈ ਹੋਟਲ ਦੇ CCTV ਫੁਟੇਜ ਚੈੱਕ ਕੀਤੇ ਜਾ ਰਹੇ ਹਨ।
ਇਹ ਵੀ ਪੜ੍ਹੋ : Panjab University ਦਾ ਸਿੱਖ ਕੌਮ ਨਾਲ ਪੱਖਪਾਤੀ ਰਵੱਈਆ ! ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੀ ਸ਼ਹੀਦੀ ਨੂੰ ਸਮਰਪਿਤ ਸੈਮੀਨਾਰ ਲਈ ਥਾਂ ਦੇਣ ਤੋਂ ਇਨਕਾਰ