ਲੰਮੇ ਵਕਫ਼ੇ ਮਗਰੋਂ ਅਦਾਕਾਰਾ ਰੇਖਾ ਬਿਖੇਰੇਗੀ ਆਪਣੀ ਅਦਾਕਾਰੀ ਦੇ ਜਲਵੇ, ਪੁੱਜੀ ਬੈਂਕਾਕ

ਫਿਲਮ ਜਗਤ ਦੀ ਮਸ਼ਹੂਰ ਅਦਾਕਾਰਾ ਰੇਖਾ ਬਾਲੀਵੁੱਡ ਦੀਆਂ ਹਸਤੀਆਂ ਵਿੱਚ ਤਾਂ ਵਿਚਰ ਰਹੀ ਹੈ -ਪਰ ਅਜੇ ਤੱਕ ਉਹਨਾਂ ਨੇ ਬਾਲੀਵੁੱਡ ਦੀਆਂ ਫਿਲਮਾਂ ਤੋਂ ਥੋੜੀ ਦੂਰੀ ਬਣਾ ਕੇ ਰੱਖੀ ਹੈ। ਆਪਣੀ ਅਦਾਕਾਰੀ ਅਤੇ ਖੂਬਸੂਰਤੀ ਦੇ ਜਲਵੇ ਵਿੱਚ ਆਪਣੇ ਫੈਨਸ ਨੂੰ ਕੀਲਣ ਵਾਲੀ ਬਾਕਮਾਲ ਅਦਾਕਾਰਾ ਹੁਣ ਇੱਕ ਨਵੇਂ ਤਰੀਕੇ ਨਾਲ ਆਪਣੇ ਦਰਸ਼ਕਾਂ ਦੇ ਰੂਬਰੂ ਹੋਵੇਗੀ। ਤੁਹਾਨੂੰ ਦੱਸ ਦੇਈਏ ਕਿ 2018 ਦੇ ਆਈਫ਼ਾ ਐਵਾਰਡ ਵਿੱਚ ਸ਼ਿਰਕਤ ਕਰਨ ਲਈ ਇਹ ਪ੍ਰਸਿੱਧ ਅਦਾਕਾਰਾ ਰੇਖਾ ਬੈਂਕਾਕ ਵਿਖੇ ਅੱਪੜ ਚੁੱਕੀ ਹੈ। ਦੱਸਣਯੋਗ ਹੈ ਕਿ ਰੇਖਾ ਫਿਲਮੀ ਦੁਨੀਆਂ ਵਿੱਚ ਆਪਣੇ ਵੀਹ ਸਾਲਾਂ ਦੇ ਲੰਮੇ ਵਕਫ਼ੇ ਦੇ ਬਾਅਦ ਆਈਫ਼ਾ ਦੀ ਸਟੇਜ 'ਤੇ ਆਪਣੀ ਅਦਾਕਾਰੀ ਅਤੇ ਡਾਂਸ ਦੇ ਜਲਵੇ ਬਿਖੇਰੇਗੀ। ਇਨ੍ਹੇ ਲੰਮੇ ਸਮੇਂ ਦੇ ਬਾਅਦ ਰੇਖਾ ਨੂੰ ਸਟੇਜ 'ਤੇ ਵੇਖਣ ਲਈ ਉਸਦੇ ਫੈਨਸ ਅਤੇ ਦਰਸ਼ਕ ਬੇਸਬਰੀ ਨਾਲ ਉਸ ਦਾ ਇੰਤਜ਼ਾਰ ਕਰ ਰਹੇ ਹਨ । —PTC News