ਮਕਾਨਾਂ ਦੇ ਵਧਦੇ ਕਿਰਾਏ ਤੋਂ ਪਰੇਸ਼ਾਨ ਇਕ ਆਸਟਰੇਲੀਅਨ ਔਰਤ ਨੇ ਲਾਈ ਸਕੀਮ!
ਕਿਰਾਏ ਦੇ ਮਕਾਨਾਂ 'ਚ ਰਹਿਣਾ ਅਤੇ ਖਰਚੇ ਪੂਰੇ ਕਰ ਪਾਉਣਾ ਹਰ ਕਿਸੇ ਲਈ ਬਹੁਤ ਮੁਸ਼ਕਿਲ ਹੁੰਦਾ ਹੈ। ਇਸੇ ਚੀਜ਼ ਤੋਂ ਪਰੇਸ਼ਾਨ ਇਕ ਆਸਟਰੇਲੀਅਨ ਔਰਤ ਨੇ ਖੁਦ ਅਤੇ ਆਪਣੇ ਦੋ ਬੱਚਿਆਂ ਲਈ ਇਕ ਬੱਸ ਹੀ ਖਰੀਦ ਲਈ ਹੈ।
ਔਰਤ ਦਾ ਨਾਮ ਟੇਗਨ ਲੈਥਮ ਹੈ ਜੋ ਐਡੀਲੇਡ 'ਚ ਰਹਿੰਦੀ ਹੈ। ਉਸਨੇ ਦੱਸਿਆ ਕਿ ਉਸਨੂੰ ਮਕਾਨਾਂ ਦੇ ਵਧਦੇ ਕਿਰਾਏ ਕਾਰਨ ਬਹੁਤ ਪਰੇਸ਼ਾਨੀ ਹੁੰਦੀ ਸੀ।
ਇਸ ਮਸਲੇ ਦਾ ਹੱਲ ਕਰਨ ਲਈ ਉਸਦੇ ਪਿਤਾ ਨੇ ਉਸਨੂੰ ਇਕ ਸਲਾਹ ਦਿੱਤੀ। ਫਿਰ ਉਸਨੇ 28 ਹਜ਼ਾਰ ਡਾਲਰ ਦੀ ਇਕ ਬੱਸ ਖਰੀਦੀ ਅਤੇ ਇਸ ਨੂੰ ਘਰ ਦੀ ਤਰ੍ਹਾਂ ਬਣਾਇਆ। ਇਸ ਬੱਸ ਹਾਊਸ 'ਚ ਫਰਿੱਜ, ਬੈੱਡਰੂਮ, ਵਾਸ਼ਿੰਗ ਮਸ਼ੀਨ, ਫਰਨੀਚਰ ਵਰਗੀ ਹਰ ਸੁਵਿਧਾ ਮੌਜੂਦ ਹੈ।
ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਉਸਨੇ ਇਕ ਟੀ.ਵੀ. ਚੈਨਲ ਨੂੰ ਦੱਸਿਆ ਕਿ ਕਿਵੇਂ ਉਹ ਇਸ ਗਰ ਨਾਲ ਸੰਤੁਸ਼ਟ ਹਨ ਅਤੇ ਥੋੜੀ ਜਗ੍ਹਾ 'ਚ ਇਕ ਵੱਡੇ ਘਰ ਵਰਗੀਆਂ ਸੁਵਿਧਾਵਾਂ ਨੂੰ ਮਾਣ ਰਹੇ ਹਨ।
—PTC News
