ਅਯੁੱਧਿਆ ਵਿਵਾਦ: ਸੁਪਰੀਮ ਕੋਰਟ ਦੇ ਫੈਸਲੇ ਤੋਂ ਪਹਿਲਾਂ ਅਯੁੱਧਿਆ 'ਚ ਸੁਰੱਖਿਆ ਫੋਰਸ ਤਾਇਨਾਤ
ਅਯੁੱਧਿਆ ਵਿਵਾਦ: ਸੁਪਰੀਮ ਕੋਰਟ ਦੇ ਫੈਸਲੇ ਤੋਂ ਪਹਿਲਾਂ ਅਯੁੱਧਿਆ 'ਚ ਸੁਰੱਖਿਆ ਫੋਰਸ ਤਾਇਨਾਤ,ਅਯੁੱਧਿਆ: ਰਾਮ ਜਨਮ ਭੂਮੀ-ਬਾਬਰੀ ਮਸਜਿਦ ਮਾਮਲੇ 'ਤੇ ਸੁਪਰੀਮ ਕੋਰਟ ਨੇ ਅੱਜ ਆਪਣਾ ਫੈਸਲਾ ਸੁਣਾਉਣਾ ਹੈ। ਜਿਸ ਦੌਰਾਨ ਇਸ ਫੈਸਲੇ ਤੋਂ ਪਹਿਲਾਂ ਅਯੁੱਧਿਆ ਨੂੰ ਛਾਉਣੀ 'ਚ ਤਬਦੀਲ ਕਰ ਦਿੱਤਾ ਗਿਆ ਹੈ।
ਸ਼ਹਿਰ ਦੇ ਹਰ ਚੌਰਾਹੇ 'ਤੇ ਜਿਥੇ ਸੁਰੱਖਿਆ ਫੋਰਸ ਤਾਇਨਾਤ ਕੀਤੀ ਗਈ ਹੈ, ਉਥੇ ਹਰ ਜਗ੍ਹਾ ਸੀਸੀਟੀਵੀ ਕੈਮਰੇ ਵੀ ਲਗਾਏ ਗਏ ਹਨ। ਮਿਲੀ ਜਾਣਕਾਰੀ ਮੁਤਾਬਕ 'ਅਯੁੱਧਿਆ 'ਚ ਸੁਰੱਖਿਆ ਲਈ 60 ਕੰਪਨੀ ਪੀ.ਏ.ਸੀ. ਅਤੇ ਨੀਮ ਫੌਜੀ ਬਲ ਤਾਇਨਾਤ ਕੀਤੇ ਗਏ ਹਨ।
ਹੋਰ ਪੜ੍ਹੋ:ਪਟਿਆਲਾ 'ਚ ਪੰਜਾਬ ਸਰਕਾਰ ਖਿਲਾਫ ਅੰਦੋਲਨ ਕਰਨਗੇ ਅਧਿਆਪਕ, ਰੱਖੀਆਂ ਇਹ ਮੁੱਖ ਮੰਗਾਂ !
ਇਸ 'ਚ 15 ਕੰਪਨੀ ਪੀ.ਏ.ਸੀ., 15 ਕੰਪਨੀ ਸੀ.ਆਰ.ਪੀ.ਐੱਫ. ਅਤੇ 10 ਕੰਪਨੀ ਆਰ.ਏ.ਐੱਫ. ਹਾਲ 'ਚ ਅਯੁੱਧਿਆ ਆਈ ਹੈ, ਜਦਕਿ 20 ਕੰਪਨੀ ਪੀ.ਏ.ਸੀ. ਪਹਿਲਾਂ ਤੋਂ ਹੀ ਇਥੇ ਤਾਇਨਾਤ ਸੀ।
ਇਸ ਦੇ ਨਾਲ ਹੀ ਆਸਮਾਨ ਤੋਂ ਨਿਗਰਾਨੀ ਲਈ ਕੈਮਰੇ ਵਾਲੇ 10 ਡਰੋਨ ਤਾਇਨਾਤ ਕੀਤੇ ਗਏ ਹਨ। ਇਨ੍ਹਾਂ ਦੀ ਨਿਗਰਾਨੀ ਲਈ 24 ਘੰਟੇ ਕੰਮ ਕਰਨ ਵਾਲੇ ਕੰਟਰੋਲ ਰੂਮ ਸਥਾਪਿਤ ਕੀਤੇ ਗਏ ਹਨ।
-PTC News
