ਬਠਿੰਡਾ : ਸਰਕਾਰੀ ਹਸਪਤਾਲ ਦੇ ਕੈਦੀ ਵਾਰਡ ਵਿੱਚ ਦਾਖਲ ਕੈਦੀ ASI ਨੂੰ ਜ਼ਖਮੀ ਕਰਕੇ ਫਰਾਰ
ਬਠਿੰਡਾ : ਸਰਕਾਰੀ ਹਸਪਤਾਲ ਦੇ ਕੈਦੀ ਵਾਰਡ ਵਿੱਚ ਦਾਖਲ ਕੈਦੀ ASI ਨੂੰ ਜ਼ਖਮੀ ਕਰਕੇ ਫਰਾਰ:ਬਠਿੰਡਾ : ਸਰਕਾਰੀ ਹਸਪਤਾਲ ਦੇ ਕੈਦੀ ਵਾਰਡ ਵਿੱਚ ਦਾਖਲ ਨਸ਼ਾ ਸਮੱਗਲਰ ਕੈਦੀ ਸੁਰੱਖਿਆ ਵਿੱਚ ਤਾਇਨਾਤ ਇਕ ਏਐੱਸਆਈ 'ਤੇ ਹਮਲਾ ਕਰਨ ਤੋਂ ਬਾਅਦ ਫਰਾਰ ਹੋ ਗਿਆ ਅਤੇ ਕੈਦੀ ਵਾਰਡ ਦੇ ਦਰਵਾਜ਼ੇ ਨੂੰ ਬਾਹਰੋਂ ਕੁੰਡੀ ਲਗਾ ਗਿਆ। ਅੰਡਰ ਟ੍ਰਾਇਲ ਕੈਦੀ ਦੀ ਪਛਾਣ ਬਲਕਾਰ ਸਿੰਘ ਉਰਫ ਸੋਨੀ ਵਾਸੀ ਜਲੰਧਰ ਵਜੋਂ ਹੋਈ ਹੈ।
[caption id="attachment_430990" align="aligncenter" width="300"]
ਬਠਿੰਡਾ : ਸਰਕਾਰੀ ਹਸਪਤਾਲ ਦੇ ਕੈਦੀ ਵਾਰਡ ਵਿੱਚ ਦਾਖਲ ਕੈਦੀ ASI ਨੂੰ ਜ਼ਖਮੀ ਕਰਕੇ ਫਰਾਰ[/caption]
ਪੁਲਿਸ ਨੂੰ ਦਿੱਤੇ ਬਿਆਨ ਵਿਚ ਏਐੱਸਆਈ ਮੋਹਨ ਲਾਲ ਨੇ ਦੱਸਿਆ ਕਿ ਹਵਾਲਾਤੀ ਬਲਕਾਰ ਸਿੰਘ ਨੇ ਜੇਲ੍ਹ ਵਿੱਚ ਫਾਹਾ ਲੈ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ, ਜਿਸ ਕਾਰਨ ਉਸ ਨੂੰ ਸੱਟਾਂ ਲੱਗਣ ਕਰਕੇ ਉਸ ਨੂੰ ਹਸਪਤਾਲ ਦੇ ਕੈਦੀ ਵਾਰਡ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਜਿੱਥੇ ਉਸ ਦਾ ਇਲਾਜ ਚੱਲ ਰਿਹਾ ਸੀ, ਜਿਸ ਦੀ ਸੁਰੱਖਿਆ ਵਿੱਚ ਉਹ ਅਤੇ ਕਾਂਸਟੇਬਲ ਬਲਦੇਵ ਸਿੰਘ ਡਿਊਟੀ 'ਤੇ ਸਨ।
[caption id="attachment_430986" align="aligncenter" width="300"]
ਬਠਿੰਡਾ : ਸਰਕਾਰੀ ਹਸਪਤਾਲ ਦੇ ਕੈਦੀ ਵਾਰਡ ਵਿੱਚ ਦਾਖਲ ਕੈਦੀ ASI ਨੂੰ ਜ਼ਖਮੀ ਕਰਕੇ ਫਰਾਰ[/caption]
ਇਸ ਦੌਰਾਨ ਬਲਕਾਰ ਸਿੰਘ ਢਿੱਡ ਵਿੱਚ ਦਰਦ ਹੋਣ ਦੀ ਗੱਲ ਕਹਿ ਕੇ ਰੌਲਾ ਪਾਉਣ ਲੱਗਾ। ਏਐੱਸਆਈ ਮੋਹਨ ਲਾਲ ਨੇ ਕੁਝ ਦਰਦ ਦੀਆਂ ਦਵਾਈਆਂ ਵੀ ਉਸ ਨੂੰ ਦਿੱਤੀਆਂ ਪਰ ਉਹ ਇਕ ਹੀ ਗੱਲ 'ਤੇ ਅੜਿਆ ਰਿਹਾ ਕਿ ਉਸ ਨੂੰ ਡਾਕਟਰ ਕੋਲ ਲੈ ਕੇ ਜਾਓ। ਉਸ ਨੇ ਕਾਂਸਟੇਬਲ ਬਲਦੇਵ ਨੂੰ ਵ੍ਹੀਲ ਚੇਅਰ ਲੈਣ ਲਈ ਭੇਜ ਦਿੱਤਾ ਅਤੇ ਉਸ ਨੇ ਹਵਾਲਾਤੀ ਦੇ ਪੈਰਾਂ 'ਤੇ ਬੱਝੀ ਹੱਥਕੜੀਆਂ ਖੋਲ੍ਹ ਦਿੱਤੀਆਂ।
[caption id="attachment_430989" align="aligncenter" width="300"]
ਬਠਿੰਡਾ : ਸਰਕਾਰੀ ਹਸਪਤਾਲ ਦੇ ਕੈਦੀ ਵਾਰਡ ਵਿੱਚ ਦਾਖਲ ਕੈਦੀ ASI ਨੂੰ ਜ਼ਖਮੀ ਕਰਕੇ ਫਰਾਰ[/caption]
ਜਦੋਂ ਉਸ ਨੇ ਹੱਥਕੜੀ ਖੋਲੀ ਤਾਂ ਹਵਾਲਾਤੀ ਨੇ ਪਰਨਾ ਉਸ ਦੇ ਉੱਪਰ ਪਾ ਕੇ ਉਸ ਦਾ ਗਲਾ ਦਬਾ ਦਿੱਤਾ ਅਤੇ ਉਸ ਨੂੰ ਕੰਧ ਨਾਲ ਧੱਕਾ ਮਾਰਿਆ। ਹਵਾਲਾਤੀ ਨੇ ਖਿੜਕੀ ਦਾ ਸ਼ੀਸ਼ਾ ਤੋੜ ਕੇ ਉਸ 'ਤੇ ਹਮਲਾ ਵਾਰ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਨੇ ਹੱਥ ਅੱਗੇ ਕਰ ਲਿਆ, ਜਿਸ ਨਾਲ ਉਹ ਜ਼ਖਮੀ ਹੋ ਕੇ ਹੇਠਾਂ ਡਿੱਗ ਪਿਆ।
ਜਿਸ ਮਗਰੋਂ ਹਵਾਲਾਤੀ ਉਸ ਨੂੰ ਮਰਿਆ ਹੋਇਆ ਸਮਝ ਕੇ ਬਾਹਰੋਂ ਕੁੰਡਾ ਲਗਾ ਕੇ ਫਰਾਰ ਹੋ ਗਿਆ। ਓਧਰ ਜ਼ਖਮੀ ਏਐੱਸਆਈ ਨੇ ਕਿਸੇ ਤਰ੍ਹਾਂ ਮੋਬਾਈਲ ਰਾਹੀਂ ਆਪਣੇ ਸਾਥੀ ਮੁਲਾਜ਼ਮ ਨੂੰ ਘਟਨਾ ਦੀ ਸੂਚਨਾ ਦਿੱਤੀ। ਇਸ ਤੋਂ ਬਾਅਦ ਮਾਮਲਾ ਸਿਵਲ ਹਸਪਤਾਲ ਪੁਲਿਸ ਚੌਕੀ ਕੋਲ ਆਉਣ 'ਤੇ ਉਨ੍ਹਾਂ ਤੁਰੰਤ ਜ਼ਖਮੀ ਏਐੱਸਆਈ ਨੂੰ ਹਸਪਤਾਲ ਪਹੁੰਚਾਇਆ ਹੈ।
-PTCNews
