ਬਿਹਾਰ 'ਚ ਦਰਦਨਾਕ ਸੜਕ ਹਾਦਸਾ , ਸੁਸ਼ਾਂਤ ਸਿੰਘ ਰਾਜਪੂਤ ਦੇ 5 ਰਿਸ਼ਤੇਦਾਰਾਂ ਦੀ ਮੌਤ
ਲਖੀਸਰਾਏ : ਬਿਹਾਰ ਦੇ ਲਖੀਸਰਾਏ ਵਿੱਚ ਇੱਕ ਭਿਆਨਕ ਸੜਕ ਹਾਦਸੇ ਵਿੱਚ 6 ਲੋਕਾਂ ਦੀ ਮੌਤ ਹੋ ਗਈ ਹੈ। ਇਸ ਹਾਦਸੇ 'ਚ 4 ਲੋਕ ਗੰਭੀਰ ਜ਼ਖਮੀ ਹੋ ਗਏ। ਇਹ ਸਾਰੇ ਇੱਕ ਸਸਕਾਰ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਇੱਕ ਸੂਮੋ ਕਾਰ ਵਿੱਚ ਵਾਪਸ ਜਮੁਈ ਆ ਰਹੇ ਸਨ, ਜਦੋਂ ਉਨ੍ਹਾਂ ਦੀ ਕਾਰ ਟਰੱਕ ਨਾਲ ਟਕਰਾ ਗਈ। ਇਸ ਹਾਦਸੇ 'ਚ ਮਾਰੇ ਗਏ 5 ਲੋਕ ਮਰਹੂਮ ਬਾਲੀਵੁੱਡ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਰਿਸ਼ਤੇਦਾਰ ਸਨ। [caption id="attachment_549222" align="aligncenter" width="300"] ਬਿਹਾਰ 'ਚ ਦਰਦਨਾਕ ਸੜਕ ਹਾਦਸਾ , ਸੁਸ਼ਾਂਤ ਸਿੰਘ ਰਾਜਪੂਤ ਦੇ 5 ਰਿਸ਼ਤੇਦਾਰਾਂ ਦੀ ਮੌਤ[/caption] ਇਹ ਹਾਦਸਾ ਲਖੀਸਰਾਏ ਜ਼ਿਲੇ ਦੇ ਸਿਕੰਦਰਾ-ਸ਼ੇਖਪੁਰਾ NH-333 'ਤੇ ਹਲਸੀ ਥਾਣਾ ਖੇਤਰ ਦੇ ਪਿਪਰਾ ਪਿੰਡ ਨੇੜੇ ਮੰਗਲਵਾਰ ਤੜਕੇ ਵਾਪਰਿਆ ਹੈ। ਟਰੱਕ ਨਾਲ ਹੋਈ ਭਿਆਨਕ ਟੱਕਰ 'ਚ ਸੂਮੋ 'ਚ ਸਵਾਰ ਇੱਕੋ ਪਰਿਵਾਰ ਦੇ 6 ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦਕਿ 4 ਲੋਕ ਗੰਭੀਰ ਜ਼ਖਮੀ ਹੋ ਗਏ। ਜ਼ਖਮੀਆਂ ਦਾ ਜਮੁਈ ਦੇ ਸਦਰ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਹੈ। [caption id="attachment_549221" align="aligncenter" width="300"] ਬਿਹਾਰ 'ਚ ਦਰਦਨਾਕ ਸੜਕ ਹਾਦਸਾ , ਸੁਸ਼ਾਂਤ ਸਿੰਘ ਰਾਜਪੂਤ ਦੇ 5 ਰਿਸ਼ਤੇਦਾਰਾਂ ਦੀ ਮੌਤ[/caption] ਦੱਸਿਆ ਜਾ ਰਿਹਾ ਹੈ ਕਿ ਸੂਮੋ 'ਚ ਸਵਾਰ ਸਾਰੇ 10 ਲੋਕ ਸਸਕਾਰ 'ਚ ਸ਼ਾਮਲ ਹੋਣ ਤੋਂ ਬਾਅਦ ਪਟਨਾ ਤੋਂ ਜਮੁਈ ਪਰਤ ਰਹੇ ਸਨ। ਫਿਰ ਸਿਕੰਦਰਾ-ਸ਼ੇਖਪੁਰਾ ਹਾਈਵੇਅ 'ਤੇ ਸੂਮੋ ਅਤੇ ਟਰੱਕ ਦੀ ਟੱਕਰ ਹੋ ਗਈ। ਇਸ ਹਾਦਸੇ 'ਚ 6 ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦਕਿ ਬਾਕੀ ਚਾਰ ਲੋਕ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ। ਟਰੱਕ 'ਤੇ ਖਾਲੀ ਰਸੋਈ ਗੈਸ ਸਿਲੰਡਰ ਲੱਦਿਆ ਹੋਇਆ ਸੀ। [caption id="attachment_549223" align="aligncenter" width="300"] ਬਿਹਾਰ 'ਚ ਦਰਦਨਾਕ ਸੜਕ ਹਾਦਸਾ , ਸੁਸ਼ਾਂਤ ਸਿੰਘ ਰਾਜਪੂਤ ਦੇ 5 ਰਿਸ਼ਤੇਦਾਰਾਂ ਦੀ ਮੌਤ[/caption] ਇਸ ਹਾਦਸੇ ਵਿੱਚ ਮਰਨ ਵਾਲੇ 6 ਲੋਕਾਂ ਵਿੱਚੋਂ ਇੱਕ ਮਰਹੂਮ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਸਾਲੇ ਲਾਲਜੀਤ ਸਿੰਘ ਸਨ। ਸੁਸ਼ਾਂਤ ਸਿੰਘ ਰਾਜਪੂਤ ਦਾ ਜੀਜਾ ਹਰਿਆਣਾ ਵਿਚ ਪੁਲਿਸ ਵਿਭਾਗ ਵਿਚ ਉੱਚ ਅਹੁਦੇ 'ਤੇ ਤਾਇਨਾਤ ਹੈ ਅਤੇ ਉਸ ਦਾ ਨਾਂ ਓਮ ਪ੍ਰਕਾਸ਼ ਸਿੰਘ ਹੈ। ਓਮਪ੍ਰਕਾਸ਼ ਸਿੰਘ ਦੀ ਭੈਣ ਗੀਤਾ ਦੇਵੀ ਦੇ ਸਸਕਾਰ ਤੋਂ ਬਾਅਦ ਹਰ ਕੋਈ ਪਟਨਾ ਤੋਂ ਜਮੁਈ ਸਥਿਤ ਆਪਣੇ ਘਰ ਆ ਰਿਹਾ ਸੀ। ਹਾਦਸੇ ਤੋਂ ਬਾਅਦ ਪਰਿਵਾਰ 'ਚ ਮਾਤਮ ਛਾ ਗਿਆ। ਪਿੰਡ ਵਿੱਚ ਵੀ ਸੋਗ ਦੀ ਲਹਿਰ ਸੀ। -PTCNews