ਕਿਸਾਨਾਂ ਦੀ ਆਮਦਨ ਦੁਗਣੀ ਕਰਨ ਦਾ ਫੈਸਲਾ ਸਰਾਹੁਣਯੋਗ- ਪ੍ਰਕਾਸ਼ ਸਿੰਘ ਬਾਦਲ
Budget 2018: decision to double the income of the farmers is laudable - Parkash Singh Badal: ਮੋਦੀ ਸਰਕਾਰ ਦੇ ਆਖਰੀ ਪੂਰਨ ਬਜਟ 'ਤੇ ਅੱਜ ਪ੍ਰਕਾਸ਼ ਸਿੰਘ ਬਾਦਲ ਨੇ ਗੱਲਬਾਤ ਕਰਦਿਆਂ ਕਿਹਾ ਇਹ ਬਜਟ ਕਿਸਾਨ, ਖੇਤੀਬਾੜੀ ਅਤੇ ਗਰੀਬ ਵਰਗ ਲਈ ਬਹੁਤ ਲਾਹੇਵੰਦ ਹੈ। ਉਹਨਾਂ ਕਿਹਾ ਕਿ ਕਿਸਾਨਾਂ ਅਤੇ ਖੇਤੀਬਾੜੀ ਨਾਲ ਸੰਬੰਧਤ ਲੋਕਾਂ ਦੀ ਲੰਬੇ ਸਮੇਂ ਤੋਂ ਇਹ ਮੰਗ ਸੀ ਕਿ ਫਸਲਾਂ ਦੀ ਜਿੰਨ੍ਹੀ ਲਾਗਤ ਹੈ ਉਹਦੇ ਤੋਂ ਡੇਢ ਗੁਣਾ ਮੁੱਲ ਦਿੱਤੇ ਜਾਣ ਦਾ ਫੈਸਲਾ ਸਲਾਹੁਣਯੋਗ ਹੈ। ਸਾਰੀਆਂ ਫਸਲਾਂ ਐਮ.ਐਸ.ਪੀ 'ਤੇ ਖਰੀਦੇ ਜਾਣ ਦੇ ਸਰਕਾਰ ਦੇ ਫੈਸਲੇ ਦਾ ਵੀ ਸਾਬਕਾ ਮੁੱਖ ਮੰਤਰੀ ਨੇ ਵੀ ਸਵਾਗਤ ਕੀਤਾ। Budget 2018: decision to double the income of the farmers is laudable - Parkash Singh Badal: ਇਸ ਤੋਂ ਇਲਾਵਾ ਫੂਡ ਪ੍ਰੋਸੈਸਿੰਗ ਖੇਤਰ ਬਾਰੇ ਗੱਲ ਕਰਦਿਆਂ 42 ਮੈਗਾ ਫੂਡ ਪਾਰਕ ਖੋਲ੍ਹਣ ਦੇ ਫੈਸਲੇ ਦੀ ਵੀ ਸ: ਬਾਦਲ ਨੇ ਸਰਾਹਣਾ ਕੀਤੀ। ਉਹਨਾਂ ਕਿਹਾ ਕਿ ਕਿਸਾਨਾਂ ਲਈ ਬਹੁਤ ਵਧੀਆ ਬਜਟ ਰਿਹਾ ਅਤੇ ਉਹਨਾਂ ਦੀ ਆਮਦਨ ਇਨਕਮ ਦੁਗਣੀ ਹੋਣ ਦੇ ਰਾਹ ਆਖਿਰਕਾਰ ਖੁੱਲ੍ਹ ਸਕਣਗੇ। ਆਖਰੀ ਬਜਟ ਤੋਂ ਲਗਾਈਆਂ ਜਾ ਰਹੀਆਂ ਉਮੀਦਾਂ ਬਾਰੇ ਇੱਕ ਸਵਾਲ ਦੇ ਜਵਾਬ 'ਚ ਸ: ਬਾਦਲ ਨੇ ਕਿਹਾ ਕਿ ਵੈਸੇ ਹਰ ਬਜਟ ਲੋਕ ਭਲਾਈ ਲਈ ਹੁੰਦਾ ਹੈ, ਪਰ ਇਹ ਬਜਟ ਵੀ ਕਾਫੀ ਵਧੀਆ ਰਿਹਾ ਅਤੇ ਸਾਰੇ ਵਰਗ ਦੇ ਲੋਕਾਂ ਲਈ ਕਾਫੀ ਵਧੀਆ ਸਕੀਮਾਂ ਲਿਆਂਦੀਆਂ ਗਈਆਂ ਹਨ। ਉਹਨਾਂ ਨੇ ਸਰਕਾਰ ਨੂੰ ਇਸ ਬਜਟ 'ਤੇ ਵਧਾਈ ਦਿੰਦਿਆਂ ਸੁਭਕਾਮਨਾਵਾਂ ਵੀ ਦਿੱਤੀਆਂ। —PTC News