Advertisment

ਕੇਬਲ ਕਾਰੋਬਾਰ ’ਚ ਕਿਸੇ ਦੀ ਇਜਾਰੇਦਾਰੀ ਜਾਂ ‘ਗੁੰਡਾਗਰਦੀ’ ਨਹੀਂ ਚੱਲੇਗੀ

author-image
Ragini Joshi
New Update
ਕੇਬਲ ਕਾਰੋਬਾਰ ’ਚ ਕਿਸੇ ਦੀ ਇਜਾਰੇਦਾਰੀ ਜਾਂ ‘ਗੁੰਡਾਗਰਦੀ’ ਨਹੀਂ ਚੱਲੇਗੀ
Advertisment
ਮੁੱਖ ਮੰਤਰੀ ਵੱਲੋਂ ਹਿੰਦੂਜਾ ਨੂੰ ਭਰੋਸਾ ਮੁੰਬਈ: ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਅੱਜ ਹਿੰਦੂਜਾ ਨੂੰ ਭਰੋਸਾ ਦਿੱਤਾ ਕਿ ਉਨਾਂ ਦੀ ਸਰਕਾਰ ਸੂਬੇ ਅੰਦਰ ਕੇਬਲ ਕਾਰੋਬਾਰ ’ਚ ਕਿਸੇ ਦੀ ਇਜਾਰੇਦਾਰੀ ਜਾਂ ‘ਗੁੰਡਾਗਰਦੀ’ ਨਹੀਂ ਚੱਲਣ ਦੇਵੇਗੀ ਪਰ ਸਭ ਨੂੰ ਬਰਾਬਰ ਮੌਕੇ ਮੁਹੱਈਆ ਕਰਵਾਏ ਜਾਣਗੇ। ਮੁੱਖ ਮੰਤਰੀ ਨੇ ਇਹ ਭਰੋਸਾ ਅੱਜ ਇੱਥੇ ਹਿੰਦੂਜਾ ਗਰੁੱਪ ਦੇ ਚੇਅਰਮੈਨ ਅਸ਼ੋਕ ਪੀ. ਹਿੰਦੂਜਾ ਦੀ ਅਗਵਾਈ ਵਿੱਚ ਕੰਪਨੀ ਦੀ ਸਿਖਰਲੀ ਮੈਨੇਜਮੈਂਟ ਨਾਲ ਹੋਈ ਉਚ ਪੱਧਰੀ ਮੀਟਿੰਗ ਦੌਰਾਨ ਦਿੱਤਾ। Punjab cable business: ਕੇਬਲ ਕਾਰੋਬਾਰ ’ਚ ਕਿਸੇ ਦੀ ਇਜਾਰੇਦਾਰੀ ਜਾਂ ‘ਗੁੰਡਾਗਰਦੀ’ ਨਹੀਂਮੁੱਖ ਮੰਤਰੀ ਨੇ ਸਪੱਸ਼ਟ ਕੀਤਾ ਕਿ ਉਨਾਂ ਦੀ ਸਰਕਾਰ ਹਿੰਦੂਜਾ ਵੱਲੋਂ ਦੋ ਸਾਲ ਪਹਿਲਾਂ ਸ਼ੁਰੂ ਕੀਤੀ ਹਿਟਸ (ਹੈੱਡਐਂਡ-ਇਨ-ਦਾ-ਸਕਾਈ) ਦੀ ਡਿਜੀਟਲ ਸੇਵਾ ਐਨ.ਐਕਸ.ਟੀ. ਡਿਜੀਟਲ ਨੂੰ ਚੁਣਨ ਵਾਲੇ ਕੇਬਲ ਅਪਰੇਟਰਾਂ ਨੂੰ ਡਰਾਉਣ-ਧਮਕਾਉਣ ਦੀ ਕਿਸੇ ਨੂੰ ਹਰਗਿਜ਼ ਇਜਾਜ਼ਤ ਨਹੀਂ ਦੇਵੇਗੀ। ‘ਹਿਟਸ’ ਸੈਟੇਲਾਈਟ ਅਧਾਰਿਤ ਡਿਜੀਟਲ ਕੇਬਲ ਵੰਡ ਪਲੇਟਫਾਰਮ ਸੇਵਾ ਜਿਸ ਵਿੱਚ ਸੈਟੇਲਾਈਟ ਉਪਕਰਨਾਂ ਦੀ ਵਰਤੋਂ ਕਰ ਰਹੇ ਕੇਬਲ ਅਪਰਟੇਰਾਂ ਨੂੰ ਟੀ.ਵੀ ਸਿਗਨਲ ਦਿੱਤਾ ਜਾਂਦਾ ਹੈ। ਇਸ ਮਗਰੋਂ ਅਪਰੇਟਰ ਡਾਇਰੈਕਟ-ਟੂ-ਹੋਮ ਦੀ ਬਜਾਏ ਇਸ ਤਕਨਾਲੋਜੀ ਦੇ ਹਿੱਸੇ ਵਜੋਂ ਕੇਬਲ ਰਾਹੀਂ ਟੀ.ਵੀ. ਸਿਗਨਲ ਘਰਾਂ ਨੂੰ ਭੇਜਦੇ ਹਨ। ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਮੁੱਖ ਮੰਤਰੀ ਦਾ ਅਹੁਦਾ ਸੰਭਾਲਣ ਦੇ ਵੇਲੇ ਤੋਂ ਲੈ ਕੇ ਹੁਣ ਤੱਕ ਹਿੰਦੂਜਾ ਨਾਲ ਇਹ ਦੂਜੀ ਮੀਟਿੰਗ ਹੈ। ਉਨਾਂ ਨੇ ਭਰੋਸਾ ਦਿੱਤਾ ਕਿ ਉਨਾਂ ਦੀ ਸਰਕਾਰ ਕੇਬਲ ਕਾਰੋਬਾਰ ’ਤੇ ਕਿਸੇ ਦੀ ਵੀ ਇਜਾਰੇਦਾਰੀ ਨਹੀਂ ਹੋਣ ਦੇਵੇਗੀ ਜਿਵੇਂ ਕਿ ਅਕਾਲੀ-ਭਾਜਪਾ ਗੱਠਜੋੜ ਵਾਲੇ ਕਰਦੇ ਰਹੇ ਹਨ। ਉਨਾਂ ਨੇ ਵਾਅਦਾ ਕੀਤਾ ਕਿ ਇਸ ਖੇਤਰ ਨਾਲ ਜੁੜੇ ਸਾਰੇ ਲੋਕਾਂ ਨੂੰ ਬਰਾਬਰ ਮੌਕਾ ਦਿੱਤਾ ਜਾਵੇਗਾ ਅਤੇ ਸੂਬੇ ਵਿੱਚ ਨਿਵੇਸ਼ ਕਰਨ ਤੇ ਵਧਣ-ਫੁੱਲਣ ਲਈ ਢਾਂਚਾਗਤ ਸਹਿਯੋਗ, ਰਿਆਇਤਾਂ ਅਤੇ ਹੋਰ ਸਹੂਲਤਾਂ ਦਿੱਤੀਆਂ ਜਾਣਗੀਆਂ। Punjab cable business: ਕੇਬਲ ਕਾਰੋਬਾਰ ’ਚ ਕਿਸੇ ਦੀ ਇਜਾਰੇਦਾਰੀ ਜਾਂ ‘ਗੁੰਡਾਗਰਦੀ’ ਨਹੀਂਮੁੱਖ ਮੰਤਰੀ ਪਿਛਲੇ ਦੋ ਦਿਨਾਂ ਤੋਂ ਸੀ.ਆਈ.ਆਈ. ਇਨਵੈਸਟ ਨਾਰਥ ਸਮਿੱਟ ਵਿੱਚ ਸ਼ਾਮਲ ਹੋਣ ਅਤੇ ਸਨਅਤਕਾਰਾਂ ਤੇ ਕਾਰੋਬਾਰੀਆਂ ਨੂੰ ਸੂਬੇ ਵਿੱਚ ਨਿਵੇਸ਼ ਕਰਨ ਦੇ ਉਦੇਸ਼ ਨਾਲ ਮੁਬਈ ਵਿੱਚ ਹਨ। ਉਨਾਂ ਨੇ ਹਿੰਦੂਜਾ ਨੂੰ ਬਿਜਲੀ ਵਾਹਨਾਂ ਸਮੇਤ ਵੱਖ-ਵੱਖ ਖੇਤਰਾਂ ਵਿੱਚ ਨਿਵੇਸ਼ ਕਰਨ ਲਈ ਆਖਿਆ। ਉਨਾਂ ਕਿਹਾ ਕਿ ਕਾਂਗਰਸ ਸਰਕਾਰ ਸਾਫ ਤੇ ਵਾਤਾਵਰਣ ਪੱਖੀ ਆਵਾਜਾਈ ਪ੍ਰਤੀ ਇਛੁੱਕ ਹੈ ਜਿਸ ਲਈ ਬਿਜਲੀ ਵਾਹਨ ਅਹਿਮ ਸਾਧਨ ਹਨ। ਹਿੰਦੂਜਾ ਨੇ ਆਪਣੇ ਗਰੁੱਪ ਦੀ ਮਾਲਕੀ ਵਾਲੇ ਅਸ਼ੋਕ ਲੇਅਲੈਂਡ ਕੰਪਨੀ ਰਾਹੀਂ ਇਸ ਪਾਸੇ ਹਰ ਸੰਭਵ ਸਹਾਇਤਾ ਦਾ ਭਰੋਸਾ ਦਿੱਤਾ। ਉਨਾਂ ਨੇ ਸੂਬੇ ਵਿੱਚ ਸਨਅਤ ਨੂੰ ਹੁਲਾਰਾ ਦੇਣ ਲਈ ਕੈਪਟਨ ਅਮਰਿੰਦਰ ਦੇ ਯਤਨਾਂ ਦੀ ਸ਼ਲਾਘਾ ਕਰਦਿਆਂ ਆਖਿਆ ਕਿ ਪੰਜਾਬ ਨੇ ਪਹਿਲਾਂ ਕਦੇ ਵੀ ਇਸ ਪੱਧਰ ’ਤੇ ਆਪਣੀ ਮਾਰਕੀਟਿੰਗ ਨਹੀਂ ਕੀਤੀ ਅਤੇ ਸੂਬੇ ਵਿੱਚ ਬਦਲੀ ਹੋਈ ਫ਼ਿਜ਼ਾ ਤੋਂ ਬਾਅਦ ਸਨਅਤਕਾਰ ਹੁਣ ਆਪਣਾ ਕਾਰੋਬਾਰ ਸਥਾਪਤ ਕਰਨ ਲਈ ਉਤਸ਼ਾਹਤ ਨਜ਼ਰ ਆ ਰਹੇ ਹਨ। ਮੀਟਿੰਗ ਵਿੱਚ ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ, ਮੁੱਖ ਮੰਤਰੀ ਦੇ ਮੀਡੀਆ ਸਲਾਹਕਾਰ ਰਵੀਨ ਠੁਕਰਾਲ, ਮੁੱਖ ਮੰਤਰੀ ਦੇ ਮੁੱਖ ਪ੍ਰਮੁੱਖ ਸਕੱਤਰ ਸੁਰੇਸ਼ ਕੁਮਾਰ ਤੋਂ ਇਲਾਵਾ ਇਨਵੈਸਟ ਪੰਜਾਬ ਦੇ ਸੀ.ਈ.ਓ. ਤੇ ਉਦਯੋਗ, ਵਪਾਰ ਅਤੇ ਆਈ.ਟੀ. ਦੇ ਸਕੱਤਰ ਰਾਕੇਸ਼ ਕੁਮਾਰ ਵਰਮਾ ਹਾਜ਼ਰ ਸਨ। ਹਿੰਦੂਜਾ ਦੇ ਵਫ਼ਦ ਵਿੱਚ ਅਸ਼ੋਕ ਹਿੰਦੂਜਾ ਤੋਂ ਗਰੁੱਪ ਦੇ ਉਪ ਚੇਅਰਮੈਨ ਏ.ਕੇ. ਦਾਸ, ਹਿੰਦੂਜਾ ਦੀ ਅਲਟਰਨੇਟਿਵ ਐਨਰਜੀ ਦੇ ਮੁਖੀ ਸ਼ੋਮ ਹਿੰਦੂਜਾ, ਹਿੰਦੂਜਾ ਵੈਂਚਰਜ਼ ਲਿਮਟਡ ਦੇ ਸੀ.ਈ.ਓ. ਅਸ਼ੋਕ ਮਨਸੁਖਾਨੀ ਅਤੇ ਗਰੁੱਪ ਦੇ ਬਿਜ਼ਨਸ ਡਿਵੈਲਪਮੈਂਟ ਦੇ ਮੁਖੀ ਰਮਨ ਗੋਪਾਲ ਵੀ ਹਾਜ਼ਰ ਸਨ। —PTC News-
punjabi-news latest-news-in-punjabi news-in-punjabi news-from-punjab news-punjabi happening-news-from-punjab
Advertisment

Stay updated with the latest news headlines.

Follow us:
Advertisment