Coal ਦੀ ਕਮੀ ਤੇ ਬਿਜਲੀ ਸੰਕਟ ਵਿਚਕਾਰ ਅਮਿਤ ਸ਼ਾਹ ਦੀ ਕੋਲਾ ਮੰਤਰੀ ਨਾਲ ਬੈਠਕ
Coal Shortage: ਦੇਸ਼ ਭਰ ਵਿਚ ਕੋਲੇ ਦੀ ਕਮੀ ਦੀਆ ਖ਼ਬਰਾਂ ਲਗਾਤਾਰ ਚਰਚਾ ਵਿਚ ਹਨ। ਇਸ ਦੌਰਾਨ ਕੋਲੇ ਦੀ ਘਾਟ ਅਤੇ ਬਿਜਲੀ ਸੰਕਟ ਵਿਚਕਾਰ ਦੇਸ਼ ਦੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅੱਜ ਉੱਚ ਪੱਧਰੀ ਮੀਟਿੰਗ ਕਰ ਰਹੇ ਹਨ। ਨੌਰਥ ਬਲਾਕ ਵਿੱਚ ਹੋ ਰਹੀ ਇਸ ਮੀਟਿੰਗ ਵਿੱਚ ਬਿਜਲੀ ਮੰਤਰੀ ਆਰਕੇ ਸਿੰਘ, ਕੋਲਾ ਮੰਤਰੀ ਪ੍ਰਹਿਲਾਦ ਜੋਸ਼ੀ ਅਤੇ ਐਨਟੀਪੀਸੀ ਦੇ ਸੀਨੀਅਰ ਅਧਿਕਾਰੀ ਮੌਜੂਦ ਸਨ। ਦੱਸ ਦੇਈਏ ਕਿ ਪੰਜਾਬ, ਬਿਹਾਰ, ਯੂਪੀ, ਦਿੱਲੀ, ਰਾਜਸਥਾਨ, ਕੇਰਲ ਅਤੇ ਕਰਨਾਟਕ ਸਮੇਤ ਕਈ ਰਾਜਾਂ ਨੇ ਕੋਲੇ ਦੀ ਘਾਟ ਦੀ ਸ਼ਿਕਾਇਤ ਕੀਤੀ ਹੈ। ਦਿੱਲੀ ਦੇ ਊਰਜਾ ਮੰਤਰੀ ਸਤੇਂਦਰ ਜੈਨ ਨੇ ਅੱਜ ਕਿਹਾ ਕਿ ਨੈਸ਼ਨਲ ਥਰਮਲ ਪਾਵਰ ਕਾਰਪੋਰੇਸ਼ਨ (ਐਨਟੀਪੀਸੀ) ਨੇ ਸ਼ਹਿਰ ਨੂੰ 4,000 ਮੈਗਾਵਾਟ ਬਿਜਲੀ ਦੀ ਸਪਲਾਈ ਅੱਧੀ ਕਰ ਦਿੱਤੀ ਹੈ, ਜਿਸ ਤੋਂ ਬਾਅਦ ਦਿੱਲੀ ਸਰਕਾਰ ਮਹਿੰਗੀ ਗੈਸ ਅਧਾਰਤ ਬਿਜਲੀ ਦੇ ਨਾਲ ਨਾਲ ਉੱਚ ਮਾਰਕੀਟ ਬਿਜਲੀ ਦੀ ਦਰ 'ਤੇ ਇਸਨੂੰ ਖਰੀਦਣ 'ਤੇ ਨਿਰਭਰ ਕਰਦੀ ਹੈ। ਊਰਜਾ ਮੰਤਰੀ ਨੇ ਕਿਹਾ, ”ਕੇਂਦਰ ਨੇ ਸਸਤੀ ਗੈਸ ਦਾ ਕੋਟਾ ਖਤਮ ਕਰ ਦਿੱਤਾ ਹੈ। ਸਾਨੂੰ ਇਸ ਨੂੰ ਖਰੀਦਣਾ ਪਵੇਗਾ ਅਤੇ ਇਸਦੇ ਉਤਪਾਦਨ ਦੀ ਲਾਗਤ 17.50 ਰੁਪਏ ਹੈ। ਇਸ ਤੋਂ ਇਲਾਵਾ, ਸੰਕਟ ਕਾਰਨ ਸਾਨੂੰ 20 ਰੁਪਏ ਪ੍ਰਤੀ ਯੂਨਿਟ ਦੇ ਹਿਸਾਬ ਨਾਲ ਉੱਚੀਆਂ ਦਰਾਂ 'ਤੇ ਬਿਜਲੀ ਖਰੀਦਣੀ ਪਵੇਗੀ।" ਦੇਸ਼ ਵਿੱਚ, ਕਈ ਰਾਜਾਂ ਨੇ ਕੋਲੇ ਦੀ ਗੰਭੀਰ ਘਾਟ ਦੇ ਮੱਦੇਨਜ਼ਰ ਬਿਜਲੀ ਸਪਲਾਈ ਵਿੱਚ ਵਿਘਨ ਦੀ ਚਿਤਾਵਨੀ ਦਿੱਤੀ ਹੈ। ਹਾਲਾਂਕਿ, ਕੋਲਾ ਮੰਤਰਾਲਾ ਕਹਿੰਦਾ ਹੈ ਕਿ ਬਿਜਲੀ ਉਤਪਾਦਨ ਪਲਾਂਟਾਂ ਦੀ ਮੰਗ ਨੂੰ ਪੂਰਾ ਕਰਨ ਲਈ ਦੇਸ਼ ਵਿੱਚ ਲੋੜੀਂਦਾ ਸੁੱਕਾ ਬਾਲਣ ਉਪਲਬਧ ਹੈ। ਮੰਤਰਾਲੇ ਨੇ ਬਿਜਲੀ ਸਪਲਾਈ ਦੇ ਵਿਘਨ ਬਾਰੇ ਕਿਸੇ ਵੀ ਤਰ੍ਹਾਂ ਦੇ ਡਰ ਨੂੰ ਪੂਰੀ ਤਰ੍ਹਾਂ ਝੂਠ ਦੱਸਿਆ ਹੈ। ਹਾਲਾਂਕਿ, ਕੋਲੇ ਦੀ ਕਮੀ ਕਾਰਨ ਐਤਵਾਰ ਨੂੰ ਦੇਸ਼ ਦੇ 13 ਤਾਪ ਬਿਜਲੀ ਘਰ ਬੰਦ ਹੋ ਗਏ ਸਨ। -PTC News