26 ਮਾਰਚ ਦੇ ਭਾਰਤ ਬੰਦ ਨੂੰ ਸਫਲ ਬਣਾਉਣ ਲਈ ਉਲੀਕੀਆਂ ਰਣਨੀਤੀਆਂ
ਕਈ ਵੱਖ-ਵੱਖ ਅਗਾਂਹਵਧੂ ਸੰਗਠਨਾਂ ਨੇ ਸਯੁੰਕਤ ਕਿਸਾਨ ਮੋਰਚਾ ਵੱਲੋਂ ਸਿੰਘੂ ਸਰਹੱਦ 'ਤੇ ਕਿਸਾਨ ਅੰਦੋਲਨ ਦੀ ਅਗਲੀ ਰਣਨੀਤੀ ਅਤੇ 26 ਵੇਂ ਭਾਰਤ ਬੰਦ ਨੂੰ ਸਫਲ ਬਣਾਉਣ ਲਈ ਕੀਤੀ ਗਈ ਮੀਟਿੰਗ ਵਿਚ ਹਿੱਸਾ ਲਿਆ। ਕੌਮੀ ਪੱਧਰ ਦੀਆਂ ਟਰੇਡ ਯੂਨੀਅਨਾਂ, ਸੰਗਠਿਤ ਅਤੇ ਅਸੰਗਠਿਤ ਸੈਕਟਰਾਂ ਦੀਆਂ ਮਜਦੂਰ ਜਥੇਬੰਦੀਆਂ, ਟਰਾਂਸਪੋਰਟਰ ਯੂਨੀਅਨਾਂ, ਅਧਿਆਪਕ ਯੂਨੀਅਨਾਂ, ਨੌਜਵਾਨ ਅਤੇ ਵਿਦਿਆਰਥੀ ਜਥੇਬੰਦੀਆਂ ਇਸ ਮੀਟਿੰਗ ਵਿੱਚ ਸ਼ਾਮਲ ਹੋਈਆਂ। ਸਾਰੀਆਂ ਸੰਸਥਾਵਾਂ ਨੇ ਇਸ ਅੰਦੋਲਨ ਨੂੰ ਤੇਜ਼ ਕਰਨ, ਲੋਕਾਂ ਨੂੰ ਜੋੜਨ ਅਤੇ ਦਿੱਲੀ ਦੇ ਆਸ ਪਾਸ ਧਰਨੇ ਸਥਾਨਾਂ ਵਿੱਚ ਸ਼ਾਮਲ ਹੋਣ ਲਈ ਹਰ ਸੰਭਵ ਸਹਿਯੋਗ ਦਾ ਭਰੋਸਾ ਦਿੱਤਾ।
ਕਿਸਾਨ ਮੋਰਚੇ ਨੇ ਨੋਟਿਸ ਲਿਆ ਕਿ ਧਰਨੇ ਆਲੇ ਥਾਵਾਂ ਦੇ ਆਸ ਪਾਸ ਹੋਰ ਬੈਰੀਕੇਡਿੰਗ ਕੀਤੀ ਜਾ ਰਹੀ ਹੈ। ਅਸੀਂ ਦਿੱਲੀ ਪੁਲਿਸ ਦੇ ਇਸ ਗੈਰਕਾਨੂੰਨੀ ਅਤੇ ਤਰਕਹੀਣ ਕਾਰਜ ਦੀ ਨਿਖੇਧੀ ਕਰਦੇ ਹਾਂ। ਐਸਕੇਐਮ ਦੀ ਮੰਗ ਹੈ ਕਿ ਪੁਲਿਸ ਸਥਾਨਕ ਲੋਕਾਂ ਦੀਆਂ ਜ਼ਿੰਦਗੀਆਂ ਨੂੰ ਅਸਾਨ ਰੱਖਣ ਅਤੇ ਉਨ੍ਹਾਂ ਦੀ ਰੋਜ਼ੀ-ਰੋਟੀ ਨੂੰ ਸੁਰੱਖਿਅਤ ਰੱਖਣ ਲਈ ਅੰਦਰੂਨੀ ਸੜਕਾਂ ਨੂੰ ਖੋਲਣ ਸਮੇਤ ਅਜਿਹੇ ਬੈਰੀਕੇਡਾਂ ਨੂੰ ਹਟਾਏ ।
Bharat Bhandh : ਕਿਸਾਨਾਂ ਨੇ 26 ਮਾਰਚ ਨੂੰ ਪੂਰਨ ਤੌਰ 'ਤੇ ਭਾਰਤ ਬੰਦ ਦਾ ਕੀਤਾ ਐਲਾਨ
Read more :ਕੁਸ਼ਤੀ ਦੀਆਂ ਧੁਰੰਧਰ ਫੋਗਾਟ ਭੈਣਾਂ ਦੇ ਘਰੋਂ ਆਈ ਮੰਦਭਾਗੀ ਖ਼ਬਰ, ਬਬੀਤਾ ਦੀ ਭੈਣ ਨੇ ਕੀਤੀ ਜੀਵਨ ਲੀਲਾ ਸਮਾਪਤ
ਇਕ ਪਦ ਯਾਤਰਾ 18 ਮਾਰਚ ਨੂੰ ਹਿਸਾਰ, ਹਰਿਆਣਾ ਦੇ ਰੈਡ ਰੋਡ ਹਾਂਸੀ ਤੋਂ ਸ਼ੁਰੂ ਹੋਵੇਗੀ ਅਤੇ 23 ਮਾਰਚ ਨੂੰ ਟਿਕਰੀ ਬਾਰਡਰ 'ਤੇ ਪਹੁੰਚੇਗੀ। ਦੂਜਾ ਮਾਰਚ ਪੰਜਾਬ ਦੇ ਖਟਕੜ ਕਲਾਂ ਤੋਂ ਸ਼ੁਰੂ ਹੋ ਕੇ ਪਾਣੀਪਤ ਦੇ ਰਸਤੇ ਹਰਿਆਣੇ ਦੇ ਸਮੂਹ ਵਿੱਚ ਸ਼ਾਮਲ ਹੋ ਕੇਬਸਿੰਘੂ ਬਾਰਡਰ ਪਹੁੰਚੇਗਾ। ਤੀਜਾ ਜੱਥਾ ਮਥੁਰਾ ਤੋਂ ਸ਼ੁਰੂ ਹੋ ਕੇ 23 ਮਾਰਚ ਨੂੰ ਪਲਵਲ ਪਹੁੰਚੇਗਾ।
ਕਰਨਾਟਕ ਵਿਚ 400 ਕਿਲੋਮੀਟਰ ਦੀ ਪੈਦਲ ਯਾਤਰਾ ਕੱਢੀ ਗਈ ਜਿਸ ਵਿਚ ਨਿਸ਼ਚਤ ਰਸਤੇ ਦੇ ਨਾਲ ਲੱਗਦੇ ਪਿੰਡਾਂ ਵਿਚ ਭਾਰੀ ਸਮੂਲੀਅਤ ਦੇਖਣ ਨੂੰ ਮਿਲ ਰਹੀ ਹੈ. 23 ਮਾਰਚ ਨੂੰ ਬੇਲਾਰੀ ਵਿਖੇ ਯਾਤਰਾ ਪੂਰੀ ਕਰਨ ਤੋਂ ਬਾਅਦ, 6 ਅਪ੍ਰੈਲ ਨੂੰ ਕਰਨਾਟਕ ਦੇ ਪਿੰਡਾਂ ਤੋਂ ਇਕੱਠੀ ਕੀਤੀ ਜਾ ਰਹੀ ਮਿੱਟੀ ਨੂੰ ਸਿੰਘੂ ਬੋਰਡਰ 'ਤੇ ਲਿਆਂਦਾ ਜਾਵੇਗਾ. ਇਥੇ ਲਹਿਰ ਦੇ ਸ਼ਹੀਦਾਂ ਦੀ ਯਾਦਗਾਰ ਬਣਾਉਣ ਲਈ ਯੋਜਨਾ ਬਣਾਈ ਜਾ ਰਹੀ ਹੈ। 
