ਕੱਬਡੀ ਖਿਡਾਰੀਆਂ ਦਾ ਕਿਸਾਨਾਂ ਨੂੰ ਅਨੌਖਾ ਯੋਗਦਾਨ, ਨਿਭਾਅ ਰਹੇ ਹਨ ਕੱਪੜੇ ਧੌਣ ਦੀ ਸੇਵਾ
ਇਹ ਸੇਵਾ ਪੰਜਾਬ ਅਤੇ ਹਰਿਆਣਾ ਦੇ ਕਬੱਡੀ ਖਿਡਾਰੀਆਂ ਵੱਲੋਂ ਕੀਤੀ ਜਾ ਰਹੀ ਹੈ। ਉਥੇ ਹੀ ਕੱਬਡੀ ਰਾਈਟਰ ਬੀਬੀ ਮਨਜੋਤ ਮਾਨ ਬੀਬੀਆਂ ਦੇ ਕੱਪੜੇ ਧੋਣ ਦੀ ਸੇਵਾ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਇਹ ਖਿਡਾਰੀ ਚੱਪਲਾਂ, ਮੋਬਾਇਲ ਚਾਰਜਰ, ਕੋਲਗੇਟ, ਬਰੱਸ਼, ਜੁਰਾਬਾ, ਟੋਪੀਆ, ਤੌਲੀਏ , ਲੋਈਆਂ ਸਮੇਤ ਆਦਿ ਚੀਜ਼ਾਂ ਦੀ ਸੇਵਾ ਵੀ ਨਿਭਾਅ ਰਹੇ ਹਨ |
ਉਥੇ ਹੀ ਸਿੰਘੂ ਸਰਹੱਦ ਦੇ ਨੇੜੇ ਹੀ ਇਕ ਬਿਲਡਿੰਗ ਵਿਚ ਇਹ ਨੌਜਵਾਨ ਰਹਿ ਰਹੇ ਹਨ ਅਤੇ ਉਸ ਬਿਲਡਿੰਗ ਦੇ ਮਾਲਕ ਨੇ ਇਨ੍ਹਾਂ ਨੂੰ ਮੁਫ਼ਤ ਬਿਜਲੀ-ਪਾਣੀ ਦੀ ਸਹੂਲਤ ਦਿੱਤੀ ਹੋਈ ਹੈ। ਦੱਸਣਯੋਗ ਹੈ ਕਿ ਇੰਗਲੈਂਡ ਦੇ 2 ਕਬੱਡੀ ਪ੍ਰਮੋਟਰਾਂ ਨੇ ਇਨ੍ਹਾਂ ਨੂੰ ਕੱਪੜੇ ਧੋਣ ਵਾਲੀਆਂ 2 ਮਸ਼ੀਨਾਂ ਵੀ ਉਪਲੱਬਧ ਕਰਾਈਆਂ ਹਨ।ਇਸ ਮੌਕੇ ਉਥੇ ਕਬੱਡੀ ਕੋਚ ਹਰਨੇਕ ਸਿੰਘ ਸਮੇਤ ਕਬੱਡੀ ਖਿਡਾਰੀ ਮਨਜਿੰਦਰ ਸਿੰਘ ਸੀਚੇਵਾਲ, ਬਿੰਦੂ ਅਤੇ ਟੋਨੀ ਰੁੜਕਾ ਕਲਾਂ, ਰਾਜਪੁਰੇ ਤੋਂ ਨਿਸ਼ਾਨ, ਬਹੱਤਰ ਸਿੰਘ, ਪਰੱਭਜੀਤ ਸਿੰਘ, ਅਮ੍ਰਿਤ, ਸੋਨੂੰ ਜਾਫਰਵਾਲ ਸਮੇਤ ਆਦਿ ਖਿਡਾਰੀ ਕੱਪੜੇ ਧੋਣ ਅਤੇ ਲੰਗਰ ਦੀ ਸੇਵਾ ਕਰ ਰਹੇ ਹਨ।
