ਕਰਾਚੀ 'ਚ ਹੋਇਆ ਚਾਰ ਟਿਕਟੋਕ ਸਟਾਰਸ ਦਾ ਕਤਲ, ਪੁਲਿਸ ਕਰ ਰਹੀ ਪੜਤਾਲ
ਸੋਸ਼ਲ ਮੀਡੀਆ ਪਿੱਛੇ ਲੋਕ ਅੱਜ ਕੱਲ ਇੰਨੇ ਦੀਵਾਨੇ ਹੋ ਗਏ ਹਨ ਕਿ ਕੁਝ ਵੀ ਕਰ ਗੁਜ਼ਰ ਜਾਂਦੇ ਹਨ। ਸੋਸ਼ਲ ਮੀਡੀਆ ਅਤੇ ਕਤਲ ਦਾ ਇਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ ਪਾਕਿਸਤਾਨ ਦੇ ਸ਼ਹਿਰ ਕਰਾਚੀ ਤੋਂ ਜਿਥੇ ਗਾਰਡਨ ਏਰੀਆ 'ਚ ਉਸ ਵੇਲੇ ਇਕ ਮਹਿਲਾ ਸਣੇ 4 ਟਿਕਟੌਕਰਸ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਮਾਮਲੇ 'ਚ ਜਾਣਕਾਰੀ ਦਿੰਦੇ ਹੋਏ ਪੁਲਿਸ ਅਧਿਕਾਰੀ ਸਰਫਰਾਜ਼ ਨਵਾਜ਼ ਸ਼ੇਖ ਨੇ ਦੱਸਿਆ ਕਿ ਚਾਰੋਂ ਮ੍ਰਿਤਕ ਸੋਸ਼ਲ ਮੀਡੀਆ 'ਤੇ ਐਕਟੀਵ ਸਨ। ਉਹ ਟਿਕਟੌਕ ਦੀ ਤਰ੍ਹਾਂ ਚੀਨ ਦੀ ਕੰਪਨੀ ਦੇ ਵੀਡੀਓ ਸ਼ੇਅਰਿੰਗ ਪਲੇਟਫਾਰਮ ਨਾਲ ਜੁੜੇ ਸਨ। ਵਾਰਦਾਤ ਵੀ ਉਸ ਸਮੇਂ ਹੋਈ ਜਦ ਇਹ ਵੀਡੀਓ ਬਣਾ ਰਹੇ ਸਨ। Tiktok ਲਈ ਵੀਡੀਓ ਬਣਾਉਂਦੇ ਸਮੇਂ ਲੜਕੀ ਸਮੇਤ ਚਾਰ ਲੋਕਾਂ ਦੀ ਗੋਲੀ ਮਾਰ ਕੇ ਹੱਤਿਆ ਪੁਲਸ ਮੁਤਾਬਕ ਮਰਨ ਵਾਲਿਆਂ 'ਚ 2 ਦੀ ਪਛਾਣ ਮੁਸਕਾਨ ਅਤੇ ਅਮੀਰ ਵਜੋਂ ਹੋਈ ਹੈ। ਹੋਰ ਦੋ ਲੋਕ ਇਨ੍ਹਾਂ ਦੇ ਦੋਸਤ ਰੇਹਾਨ ਅਤੇ ਸੱਜਾਦ ਹਨ। ਮੁਸਕਾਨ ਨੇ ਆਮਿਰ ਨੂੰ ਸੋਮਵਾਰ ਨੂੰ ਮੁਲਾਕਾਤ ਕਰਨ ਲਈ ਫੋਨ ਕੀਤਾ ਸੀ। ਜਿਸ ਤੋਂ ਬਾਅਦ ਆਮਿਰ ਕਾਰ 'ਚ ਆਪਣੇ ਦੋਵਾਂ ਦੋਸਤਾਂ ਨੈ ਲੈ ਕੇ ਮੁਕਸਾਨ ਕੋਲ ਪਹੁੰਚਿਆ ਸੀ। ਇਹ ਚਾਰੋਂ ਸ਼ਹਿਰ 'ਚ ਘੁੰਮ ਰਹੇ ਸਨ ਅਤੇ ਟਿਕਟੌਕ ਲਈ ਵੀਡੀਓ ਵੀ ਬਣਾ ਰਹੇ ਸਨ ਅਤੇ ਉਸ ਵੇਲੇ ਅਣਜਾਣ ਹਮਲਾਵਾਰਾਂ ਨੇ ਉਨ੍ਹਾਂ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਲੜਕੀ ਕਾਰ 'ਚ ਮ੍ਰਿਤਕ ਮਿਲੀ ਜਦਕਿ ਬਾਕੀ ਤਿੰਨ ਨੌਜਵਾਨ ਕਾਰ ਦੇ ਬਾਹਰ ਸਨ। ਮਰਨ ਵਾਲੇ ਤਿੰਨਾਂ ਨੌਜਵਾਨਾਂ ਦਾ ਇਕ ਵੀਡੀਓ ਵੀ ਵਾਇਰਲ ਹੋਇਆ ਹੈ ਜਿਸ 'ਚ ਉਹ ਸ਼ਹਿਰ ਦੇ ਇਤਹਾਦ ਟਾਊਨ ਏਰੀਆ 'ਚ ਹਵਾਈ ਫਾਈਰਿੰਗ ਕਰਦੇ ਹੋਏ ਵੀਡੀਓ ਬਣਾ ਰਹੇ ਹਨ। ਹੁਣ ਇਸ ਕਤਲ ਪਿੱਛੇ ਕੀ ਕੁਝ ਸਾਹਮਣੇ ਆਉਂਦਾ ਹੈ ਇਹ ਤਾਂ ਜਾਂਚ ਤੋਂ ਬਾਅਦ ਹੀ ਪਤਾ ਚਲ ਸਕੇਗਾ।