ਜਲਦ ਹੀ ਗਿੱਪੀ ਗਰੇਵਾਲ ਦਾ ਆ ਰਿਹਾ ਹੈ ਨਵਾਂ ਗੀਤ
ਗਿੱਪੀ ਗਰੇਵਾਲ ਦਾ ਆਉਣ ਵਾਲਾ ਗੀਤ ਵੇਲਣਾ ਹੰਬਲ ਮਿਊਜ਼ਿਕ ਵੱਲੋਂ ਰਿਕਾਰਡ ਕੀਤਾ ਗਿਆ ਹੈ। ਇਹ ਗੀਤ ਵੇਲਣਾ 16 ਅਕਤੂਬਰ ਨੂੰ ਪੂਰੀ ਦੁਨੀਆਂ 'ਚ ਸਵੇਰੇ 10 ਵਜੇ ਰਿਲੀਜ਼ ਹੋਣ ਜਾ ਰਿਹਾ ਹੈ।
ਇਹ ਘੋਸ਼ਣਾ ਖੁਦ ਗਿੱਪੀ ਗਰੇਵਾਲ ਵੱਲੋਂ ਵੇਲਣਾ ਦਾ ਪੋਸਟਰ ਰਿਲੀਜ਼ ਕਰਨ ਸਮੇਂ ਕੀਤੀ ਗਈ ਹੈ। ਇਸ ਪੋਸਟਰ ਵਿੱਚ ਗਿੱਪੀ ਗਰੇਵਾਲ ਇਕ ਦੇਸੀ ਲਾੜੇ ਦੀ ਤਰਾਂ ਤਿਆਰ ਹੋਏ ਹਨ। ਪੋਸਟਰ ਦੀ ਵਿਲੱਖਣਤਾ ਦਰਸ਼ਕਾਂ ਦੀ ਗਾਣੇ ਪ੍ਰਤੀ ਉਡੀਕ ਨੂੰ ਹੋਰ ਵਧਾਉਂਦੀ ਜਾਪਦੀ ਹੈ।
ਇੱਥੇ ਤੁਹਾਨੂੰ ਦੱਸ ਦੇਈਏ ਕਿ ਇਸ ਗਾਣੇ ਦਾ ਵੀਡੀਓ ਨਿਰਦੇਸ਼ਨ ਵੀ ਗਿੱਪੀ ਗਰੇਵਾਲ ਹੀ ਕਰ ਰਹੇ ਹਨ। ਇਸ ਗਾਣੇ ਨੂੰ ਬੋਲ ਹੈਪੀ ਰਾਏਕੋਟੀ ਨੇ ਦਿੱਤੇ ਹਨ ਜਦਕਿ ਇਸਦਾ ਸੰਗੀਤ ਜੱਸੀ ਕਟਿਆਲ ਵੱਲੋਂ ਦਿੱਤਾ ਗਿਆ ਹੈ।
—PTC News
