ਗੁਰਦਾਸਪੁਰ ਚੋਣਾਂ ਬਾਰੇ ਖਬਰਾਂ: ਸਵਰਣ ਸਲਾਰੀਆ, ਸੁਨੀਲ ਜਾਖੜ ਆਹਮੋ ਸਾਹਮਣੇ!
ਕੁਝ ਹੀ ਸਮੇਂ ਵਿਚ ਪ੍ਰਤਾਪ ਬਾਜਵਾ ਆਪਣੇ ਵੋਟ ਦਾ ਇਸਤਮਾਲ ਕਰਨਗੇ। ਦੱਸਣਯੋਗ ਹੈ ਕਿ ਪ੍ਰਤਾਪ ਸਿੰਘ ਬਾਜਵਾ ਦੀ ਪਤਨੀ ਚਰਨਜੀਤ ਕੌਰ ਬਾਜਵਾ ਨੂੰ ਕਾਂਗਰਸ ਵੱਲੋਂ ਟਿਕਟ ਮਿਲਣ ਦੀ ਉਮੀਦ ਸੀ ਪਰ ਅਜਿਹਾ ਨਾ ਹੋਣ ਕਾਰਨ ਕੁਝ ਦੇਰ ਉਹ ਚੁਣਾਵੀ ਪ੍ਰਚਾਰ ਤੋਂ ਵੀ ਦੂਰ ਰਹੇ ਸਨ।
ਪਠਾਨਕੋਟ 'ਚ 10 ਵਜੇ ਤੱਕ 11.2% ਤੱਕ ਪੋਲਿੰਗ ਮੁਕੰਮਲ
ਹਰਜੀਤ ਸਿੰਘ ਸਰਕਾਰੀ ਮੁਲਾਜ਼ਮ ਹੋਣ ਦੇ ਬਾਵਜੂਦ ਬਤੌਰ ਪੋਲਿੰਗ ਏਜੰਟ ਕੰਮ ਕਰ ਰਹੇ ਸਨ, ਇਸ 'ਤੇ ਇਤਰਾਜ਼ ਜਤਾਉਣ ਤੇ ਉਹਨਾਂ ਨੂੰ ਬੂਥ ਤੋਂ ਹਟਾ ਦਿੱਤਾ ਗਿਆ ਹੈ।
----
ਗੁਰਦਾਸਪੁਰ ਲੋਕ ਸਭਾ ਜ਼ਿਮਨੀ ਚੋਣਾਂ ਦੀ ਪ੍ਰਕਿਰਿਆ ਸ਼ੁਰੂ ਹੋ ਚੁੱਕੀ ਹੈ। ਦੱਸਣਯੋਗ ਹੈ ਕਿ ਇਨ੍ਹਾਂ ਚੋਣਾਂ ਵਿਚ ੧੫ ਲੱਖ ੧੭ ਹਜ਼ਾਰ ੪੩੬ ਵੋਟਰ ਉਮੀਦਵਾਰਾਂ ਦੇ ਭਵਿੱਖ ਦਾ ਫੈਸਲਾ ਕਰਨਗੇ।
ਚੋਣ ਕਮਿਸ਼ਨ ਵਲੋਂ ਇਹਨਾਂ ਚੋਣਾਂ ਦੇ ਮੱਦੇਨਜ਼ਰ ਬਹੁਤ ਪੁਖਤਾ ਇੰਤਜ਼ਾਮ ਕੀਤੇ ਗਏ ਹਨ।
ਜ਼ਿਕਰ-ਏ-ਖਾਸ ਹੈ ਕਿ ਲੋਕ ਸਭਾ ਹਲਕੇ ਦੇ ਦੋ ਜ਼ਿਲ੍ਹੇ ਗੁਰਦਾਸਪੁਰ ਤੇ ਪਠਾਨਕੋਟ ਕੁੱਲ ੯ ਵਿਧਾਨ ਸਭਾ ਹਲਕੇ ਹਨ।
ਕੁੱਲ ੧੫ ਲੱਖ ੧੭ ਹਜ਼ਾਰ ੪੩੬ ਵੋਟਰਾਂ ‘ਚੋਂ ੮ ਲੱਖ ੭ ਹਜ਼ਾਰ ੯੨੪ ਵੋਟਰ ਮਰਦ ਹਨ ਤੇ ੭ ਲੱਖ ੯ ਹਜ਼ਾਰ ੪੯੮ ਵੋਟਰ ਇਸਤਰੀਆਂ, ੧੮ ਤੋਂ ੧੯ ਸਾਲ ਦੇ ੮੫ ਹਜ਼ਾਰ ੯੦੬ ਵੋਟਰ ਅਤੇ ੧੪ ਥਰਡ ਜੈਂਡਰ ਵੋਟਰ ਸ਼ਾਮਲ ਹਨ।
ਇਹਨਾਂ ਲਈ ੧੭੮੧ ਪੋਲਿੰਗ ਬੂਥ ਬਣਾਏ ਗਏ ਹਨ ਅਤੇ ੮੫੦੦ ਪੋਲਿੰਗ ਸਟਾਫ ਦੀ ਡਿਊਟੀ ਲਗਾਈ ਗਈ ਹੈ।
—PTC News
