ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਦੇ ਭਰਾ ਸੜਕ ਹਾਦਸੇ 'ਚ ਹੋਏ ਜ਼ਖਮੀ
ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਦੇ ਭਰਾ ਸੜਕ ਹਾਦਸੇ 'ਚ ਹੋਏ ਜ਼ਖਮੀ:ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਦੇ ਭਰਾ ਇੱਕ ਸੜਕ ਹਾਦਸੇ 'ਚ ਜਖਮੀ ਹੋ ਗਏ ਹਨ।ਇਹ ਸੜਕ ਹਾਦਸਾ ਰੋਹਤਕ ਦੇ ਭਿਵਾਨੀ ਰੋਡ 'ਤੇ ਹੋਇਆ ਹੈ।ਇਸ ਹਾਦਸੇ ਦੇ ਵਿੱਚ ਦੋ ਮੋਟਰਸਾਈਕਲਾਂ ਦੀ ਆਪਸ 'ਚ ਟੱਕਰ ਹੋ ਗਈ ਹੈ।ਜਿਸ ਤੋਂ ਬਾਅਦ ਮੁੱਖ ਮੰਤਰੀ ਖਤਰਾ ਦੇ ਭਰਾ ਗੁਲਸ਼ਨ ਨੂੰ ਪੀਜੀਆਈ ਦੇ ਟ੍ਰਾਮਾ ਸੈਂਟਰ 'ਚ ਭਰਤੀ ਕਰਵਾਇਆ ਗਿਆ ਹੈ।ਗੁਲਸ਼ਨ ਦੇ ਸਿਰ ਅਤੇ ਪੈਰ 'ਚ ਸੱਟ ਲੱਗੀ ਹੈ,ਉੱਥੇ ਹੀ ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਮੁਲਾਜ਼ਮ ਮੌਕੇ ਤੇ ਪਹੁੰਚ ਗਏ।ਦੱਸਿਆ ਜਾ ਰਿਹਾ ਹੈ ਕਿ ਐਤਵਾਰ ਦੀ ਰਾਤ ਨੂੰ ਕਰੀਬ ਅੱਠ ਵਜੇ ਗੁਲਸ਼ਨ ਖੱਟਰ ਮੋਟਰਸਾਈਕਲ 'ਤੇ ਸਵਾਰ ਹੋ ਕੇ ਬਨਿਯਾਨੀ ਪਿੰਡ ਤੋਂ ਰੋਹਤਕ ਵਾਪਿਸ ਆ ਰਹੇ ਸੀ।ਜਿਵੇਂ ਹੀ ਭਿਵਾਨੀ ਪੈਟਰੋਲ ਪੰਪ ਕੋਲ ਪਹੁੰਚੇ ਤਾਂ ਦੂਜੇ ਪਾਸੇ ਤੋਂ ਆ ਰਹੇ ਮੋਟਰਸਾਈਕਲ ਨਾਲ ਟੱਕਰ ਹੋ ਗਈ।ਸੜਕ ਤੇ ਡਿੱਗਣ ਨਾਲ ਗੁਲਸ਼ਨ ਖੱਟਰ ਸਮੇਤ ਦੂਜਾ ਮੋਟਰਸਾਈਕਲ ਸਵਾਰ ਵੀ ਜ਼ਖਮੀ ਹੋ ਗਿਆ ਹੈ। -PTCNews