ਪਤਨੀ ਦੀ ਪੇਕੇ ਜਾਣ ਦੀ ਜਿੱਦ 'ਤੇ ਪਤੀ ਨੇ ਚੁੱਕਿਆ ਇਹ ਕਦਮ...!
Husband tries to commit suicide as wife demands to go parents' home: ਜਲੰਧਰ ਦੇ ਰਤਨ ਨਗਰ ਵਿੱਚ ਇੱਕ ਵਿਅਕਤੀ ਵੱਲੋਂ ਪਤਨੀ ਦੇ ਪੇਕੇ ਜਾਣ ਤੋਂ ਨਾਰਾਜ਼ ਹੋ ਕੇ ਪਹਿਲਾ ਤਾਂ ਆਪਣੇ ਗੁੱਟ ਨੂੰ ਕੱਟਣ ਦੀ ਕੋਸ਼ਿਸ਼ ਕੀਤੀ ਗਈ, ਅਤੇ ਫਿਰ ਫਾਹਾ ਲਗਾ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ।
ਇਹ ਘਟਨਾ ਉਸ ਸਮੇਂ ਘਟੀ ਜਦੋ ਚਾਰ ਦਿਨ ਪਹਿਲਾਂ ਪੇਕੇ ਘਰੋਂ ਆਈ ਪਤਨੀ ਨੇ ਦੁਬਾਰਾ ਪੇਕੇ ਜਾਣ ਦੀ ਜ਼ਿੱਦ ਕੀਤੀ, ਜਿਸ ਤੋਂ ਬਾਅਦ ਪਤੀ ਨੂੰ ਗੁੱਸਾ ਆ ਗਿਆ। ਉਸਨੇ ਗੁੱਸਾ ਕਰਦਿਆਂ ਹੱਥ ਦਾ ਗੁੱਟ ਤੱਕ ਵੱਢ ਲਿਆ।
ਸੂਤਰਾਂ ਦੁਆਰਾ ਮਿਲੀ ਜਾਣਕਾਰੀ ਮੁਤਾਬਿਕ, ਇਸ ਜੋੜੇ ਨੇ ਕੁਝ ਸਮੇਂ ਪਹਿਲਾਂ ਲਵ ਮੈਰਿਜ (ਪ੍ਰੇਮ ਵਿਆਹ) ਕਰਵਾਈ ਸੀ। ਵਿਆਹ ਤੋਂ ਬਾਅਦ, ਪਹਿਲੇ ੬ ਮਹੀਨੇ ਤਾਂ ਸਭ ਕੁਝ ਠੀਕ ਰਿਹਾ ਅਤੇ ੬ ਮਹੀਨੇ ਬਾਅਦ ਘਰ ਵਿੱਚ ਝਗੜੇ ਹੋਣੇ ਸ਼ੁਰੂ ਹੋ ਗਏ।
Husband tries to commit suicide as wife demands to go parents' home: ਲੜਕੇ ਦੀ ਮਾਂ ਆਸ਼ਾ ਨੇ ਜਾਣਕਾਰੀ ਦਿੱਤੀ ਕਿ ਉਹਨਾਂ ਦੇ ਪੁੱਤਰ ਨੇ ਪਹਿਲਾਂ ਤਾਂ ਗੁੱਸੇ 'ਚ ਆ ਕੇ ਗੁੱਟ ਵੱਢਿਆ ਅਤੇ ਬਾਅਦ 'ਚ ਫਿਰ ਫਾਹਾ ਲਗਾ ਕੇ ਜੀਵਨ ਲੀਲਾ ਖਤਮ ਕਰਨ ਦੀ ਕੋਸ਼ਿਸ਼ ਕੀਤੀ।
ਇਸ ਮਾਮਲੇ ਸਬੰਧੀ ਨੇੜੇ ਦੀ ਥਾਣਾ ਪੁਲਿਸ ਨੇ ਕੇਸ ਦਰਜ ਕਰਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਫਿਲਹਾਲ, ਪੁਲਿਸ ਮੁਤਾਬਕ, ਇਹ ਮਾਮਲਾ ਕਾਫੀ ਸ਼ੱਕੀ ਲੱਗ ਰਿਹਾ ਹੈ, ਜਿਸ ਕਾਰਨ ਉਹਨਾਂ ਵੱਲੋਂ ਇਸ ਮਾਮਲੇ 'ਤੇ ਹਰ ਪੱੱਖ ਤੋਂ ਜਾਂਚ ਕੀਤੀ ਜਾ ਰਹੀ ਹੈ।
—PTC News
