ਗੈਰ ਕਾਨੂੰਨੀ ਖੁਦਾਈ ਮਾਮਲਾ : ਮਾਇਨਿੰਗ ਪਾਲਿਸੀ ਦੱਸਣ ਲਈ ਪੰਜਾਬ ਸਰਕਾਰ ਨੇ ਮੰਗਿਆ ਉੱਚ ਅਦਾਲਤ ਤੋਂ ਸਮਾਂ
ਗੈਰ ਕਾਨੂੰਨੀ ਖੁਦਾਈ ਮਾਮਲਾ : ਮਾਇਨਿੰਗ ਪਾਲਿਸੀ ਦੱਸਣ ਲਈ ਪੰਜਾਬ ਸਰਕਾਰ ਨੇ ਮੰਗਿਆ ਉੱਚ ਅਦਾਲਤ ਤੋਂ ਸਮਾਂ ਪੰਜਾਬ ਵਿਚ ਗੈਰ ਕਾਨੂੰਨੀ ਖੁਦਾਈ ਦੇ ਮਾਮਲੇ ਵਿਚ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿਚ ਅੱਜ ਸੁਣਵਾਈ ਹੋਈ ਹੈ। ਪੰਜਾਬ ਸਰਕਾਰ ਨੇ ਅਦਾਲਤ ਨੂੰ ਆਪਣੀ ਖੁਦਾਈ ਨੀਤੀ (ਮਾਇਨਿੰਗ ਪਾਲਿਸੀ) ਦੱਸਣ ਲਈ ਸਮਾਂ ਦੇਣ ਲਈ ਕਿਹਾ ਹੈ। ਕੋਰਟ ਵਿਚ ਵਕੀਲ ਸ਼ੇਰਗਿੱਲ ਦੀ ਤਰਫੋਂ ਪਟੀਸ਼ਨਰ ਵੱਲੋਂ ਬਹੁਤ ਸਾਰੇ ਸੁਝਾਅ ਦਿੱਤੇ ਗਏ। ਸ਼ੇਰਗਿੱਲ ਨੇ ਕਿਹਾ ਕਿ ਬਣ ਰਹੀ ਕਮੇਟੀ 'ਚ ਸੀ.ਬੀ.ਆਈ ਜਾਂ ਆਈ.ਬੀ. ਦੇ ਅਧਿਕਾਰੀ ਵੀ ਸ਼ਾਮਲ ਹੋਣੇ ਚਾਹੀਦੇ ਹਨ। ਸੁਝਾਅ ਵਿਚ, ਹਾਈਕੋਰਟ ਦੇ ਸੇਵਾਮੁਕਤ ਜੱਜ ਨੂੰ ਇਸ ਕਮੇਟੀ ਦਾ ਮੁਖੀ ਬਣਾਉਣ ਲਈ ਕਿਹਾ ਗਿਆ ਹੈ। ਮਾਮਲੇ ਦੀ ਅਗਲੀ ਸੁਣਵਾਈ 10 ਜੁਲਾਈ ਨੂੰ ਹੋਵੇਗੀ। —PTC News