New Update
ਫ਼ਿਰੋਜ਼ਪੁਰ: ਪੰਜਾਬ ਦੇ ਫ਼ਿਰੋਜ਼ਪੁਰ ਵਾਲੇ ਪਾਸਿਓਂ ਭਾਰਤ-ਪਾਕਿ ਬਾਰਡਰ 'ਤੇ ਬੀਐਸਐਫ ਨੇ ਪਾਕਿਸਤਾਨੀ ਨਸ਼ਾ ਤਸਕਰ ਨੂੰ ਕਾਬੂ ਕੀਤਾ ਹੈ। ਜਦ ਕਿ ਉਸਦੇ ਨਾਲ ਦੇ ਸਾਥੀ ਤਸਕਰ ਭੱਜਣ 'ਚ ਕਾਮਯਾਬ ਹੋ ਗਏ ਹਨ। ਦੱਸ ਦੇਈਏ ਕਿ ਸਤਪਾਲ ਚੌਕੀ ਕੋਲ ਰਾਤ ਨੂੰ ਬੀਐਸਐਫ ਨੇ ਹਿੱਲਜੁੱਲ ਮਹਿਸੂਸ ਕੀਤੀ ਸੀ ।
ਇਸ ਮਗਰੋਂ ਚੌਕਸੀ ਵਰਤਦਿਆਂ ਬੀਐਸਐਫ ਨੇ ਗੋਲੀ ਚਲਾਈ ਤੇ ਇਸ ਦੌਰਾਨ ਤਿੰਨ ਪਾਕਿਸਤਾਨੀ ਨਸ਼ਾ ਤਸਕਰਾਂ ਵਿੱਚੋਂ ਇੱਕ ਨੂੰ ਗੋਲੀ ਲੱਗੀ ਜਦੋਂਕਿ ਦੋ ਮੌਕੇ ਤੋਂ ਭੱਜ ਗਏ।
ਹਾਸਲ ਜਾਣਕਾਰੀ ਮੁਤਾਬਕ ਬੀਐਸਐਫ ਦੀ ਤਲਾਸ਼ੀ ਮੁਹਿੰਮ ਜਾਰੀ ਹੈ। ਬੀਐਸਐਫ ਨੇ ਇਸ ਦੌਰਾਨ ਨਸ਼ੀਲੇ ਪਦਾਰਥਾਂ ਦੇ ਦੋ ਪੈਕੇਟ ਵੀ ਬਰਾਮਦ ਕੀਤੇ ਹਨ। ਫਾਇਰਿੰਗ 'ਚ ਜ਼ਖ਼ਮੀ ਪਾਕਿਸਤਾਨੀ ਨਸ਼ਾ ਤਸਕਰ ਦਾ ਨਾਂ ਇਰਸ਼ਾਦ ਖ਼ਾਨ ਦੱਸਿਆ ਜਾ ਰਿਹਾ ਹੈ ਜੋ ਪਾਕਿਸਤਾਨ ਦੇ ਕਸੂਰ ਦਾ ਵਸਨੀਕ ਹੈ। ਬੀਐਸਐਫ ਨੇ ਜ਼ਖਮੀ ਇਰਸ਼ਾਦ ਨੂੰ ਫਿਰੋਜ਼ਪੁਰ ਦੇ ਸਿਵਲ ਹਸਪਤਾਲ ਭਰਤੀ ਕੀਤਾ ਹੈ।
-PTC News-