ਪੁਲਿਸ ਨੇ ਕੀਤਾ ਗਿਰੋਹ ਦਾ ਪਰਦਾਫਾਸ਼
Infant kidnapper group : Bacha chori karn wali aurat nu police ne kita kabu
ਹਸਪਤਾਲਾਂ ਤੋਂ ਬੱਚੇ ਚੋਰੀ ਹੋਣ ਦੀਆਂ ਖਬਰਾਂ ਰੂਹ ਨੂੰ ਵਲੂੰਧਰ ਵਾਲੀਆਂ ਹੁੰਦੀਆਂ ਹਨ। ਇੱਕ ਨਵੀਂ ਬਣੀ ਮਾਂ ਦੀ ਕੁੱਖ ਉਜਾੜਣਾ ਕਿੱਥੋਂ ਦਾ ਨਿਆਂ ਹੈ? ਪਰ, ਅਜਿਹੀ ਇਨਸਾਨੀਅਤ ਤੋਂ ਕੋਹਾਂ ਦੂਰ, ਇੱਕ ਸਿਵਲ ਹਸਪਤਾਲ ਵਿੱਚੋਂ ਇੱਕ ਨਵ-ਜੰਮੇ ਬੱਚੇ ਨੂੰ ਇੱਕ ਅਣਪਛਾਤੀ ਔਰਤ ਲੈ ਕੇ ਫਰਾਰ ਹੋ ਗਈ।
ਇਹ ਹਸਪਤਾਲ ਖੰਨਾ ਦਾ ਹੈ ਅਤੇ ਹਸਪਤਾਲ ਦੀ ਦੂਸਰੀ ਮੰਜਿਲ 'ਤੇ ਜ਼ੇਰੇ-ਏ-ਇਲਾਜ਼ ਇੱਕ ਮਹਿਲਾ ਕੋਲ ਦੂਜੀ ਮਹਿਲਾ ਆਈ ਅਤੇ ਉਸਨੂੰ ਕਿਹਾ ਕਿ ਤੁਹਾਡੇ ਬੱਚੇ ਦਾ ਖੂਨ ਟੈਸਟ ਹੋਣਾ ਹੈ। ਇਸ ਦੇ ਚੱਲਦਿਆਂ ਉਹ ਔਰਤ, ਬੱਚੇ ਦੀ ਮਾਂ ਅਤੇ ਬੱਚਾ ਜਦੋਂ ਹੇਠਾਂ ਪਹੁੰਚੇ ਤਾਂ ਉਸ ਮਹਿਲਾ ਨੇ ਬੱਚੇ ਦੀ ਮਾਂ ਨੂੰ ਕੁਝ ਖਾਣ ਲਿਆਉਣ ਨੂੰ ਕਿਹਾ। ਜਦੋਂ ਉਹ ਮਹਿਲਾ ਕੰਟੀਨ ਤੋਂ ਵਾਪਿਸ ਆਈ ਤਾਂ ਉਸਦਾ ਬੱਚਾ ਉਥੇ ਨਹੀਂ ਸੀ।
ਮਿਲੀ ਸੂਚਨਾ ਅਨੁਸਾਰ 16 ਦਿਨਾਂ ਦੇ ਬੱਚੇ ਨੂੰ ਇੱਕ ਅਣਪਛਾਤੀ ਔਰਤ ਚੋਰਨੀ ਵੱਲੋਂ ਚੋਰੀ ਕਰ ਲਿਆ ਗਿਆ ਸੀ। ਕਰ ਕੇ ਲੈ ਗਈ ਸੀ।ਬੱਚਾ ਚੋਰੀ ਕਰਨ ਵਾਲੀ ਔਰਤ ਨੂੰ 5 6 ਘੰਟਿਆਂ ਬਾਅਦ ਬਰਾਮਦ ਕਰ ਲਿਆ ਗਿਆ ਸੀ।ਉਸਨੇ ਇਹ ਕਬੂਲ ਕੀਤਾ ਕਿ ਕੁਝ ਪੈਸਿਆਂ ਲਈ ਉਸਨੇ ਬੱਚੇ ਨੂੰ ਅੱਗੇ ਵੇਚ ਦਿੱਤਾ ਸੀ।
ਹਾਂਲਾਕਿ ਬੱਚੇ ਨੂੰ ਬਰਾਮਦ ਕਰ ਕੇ ਮਾਪਿਆਂ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ, ਫਿਰ ਵੀ ਪੁਲਿਸ ਅਨੁਸਾਰ ਉਹ ਹੋਰਨਾਂ ਅਜਿਹੇ ਗਿਰੋਹਾਂ ਦੀ ਛਾਣਬੀਣ ਜ਼ਰੂਰ ਕਰੇਗੀ ਜਿਹਨਾਂ ਵੱਲੋਂ ਅਜਿਹੀਆਂ ਘਿਨੌਣੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਜਾਂਦਾ ਹੈ।
—PTC News
