ਜਲੰਧਰ-ਪਠਾਨਕੋਟ ਰੇਲਵੇ ਟਰੈਕ 'ਤੇ ਭੋਗਪੁਰ ਨੇੜੇ ਰੇਲਵੇ ਟਰੈਕ ਤੋਂ ਉਤਰੀ ਮਾਲਗੱਡੀ
ਜਲੰਧਰ-ਪਠਾਨਕੋਟ ਰੇਲਵੇ ਟਰੈਕ 'ਤੇ ਭੋਗਪੁਰ ਨੇੜੇ ਰੇਲਵੇ ਟਰੈਕ ਤੋਂ ਉਤਰੀ ਮਾਲਗੱਡੀ:ਜਲੰਧਰ-ਪਠਾਨਕੋਟ ਰੇਲਵੇ ਟਰੈਕ 'ਤੇ ਭੋਗਪੁਰ ਨੇੜੇ ਸਨੋਰ ਵਿਖੇ ਇੱਕ ਮਾਲਗੱਡੀ ਦੇ ਪੰਜ ਡੱਬਿਆਂ ਦਾ ਸੰਪਰਕ ਟੁੱਟਣ ਕਾਰਨ ਪਟੜੀ ਤੋਂ ਲਹਿ ਗਏ ਹਨ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਸ਼ਾਮੀਂ 4 ਵਜੇ ਜਦੋਂ ਖੰਡ ਨਾਲ ਲੱਦੀ ਇੱਕ ਮਾਲਗੱਡੀ ਭੋਗਪੁਰ ਤੋਂ 4 ਕਿਲੋਮੀਟਰ ਦੂਰ ਪੈਂਦੇ ਸਨੋਰ ਪੁਲ ਕੋਲ ਪਹੁੰਚੀ ਤਾਂ ਇਸ ਦੇ ਪੰਜ ਡੱਬਿਆਂ ਸੰਪਰਕ ਟੁੱਟ ਗਿਆ।ਇਸ ਤੋਂ ਬਾਅਦ ਇਹ ਡੱਬੇ ਰੇਲਵੇ ਲਾਈਨਾਂ ਨੂੰ ਤੋੜਦੇ ਹੋਏ ਬੁਰੀ ਤਰ੍ਹਾਂ ਨੁਕਸਾਨੇ ਗਏ।ਹਾਦਸੇ ਤੋਂ ਬਾਅਦ ਜੰਮੂ-ਜਲੰਧਰ ਰੇਲ ਮਾਰਗ 'ਤੇ ਰੇਲ ਆਵਾਜਾਈ ਪੂਰੀ ਤਰ੍ਹਾਂ ਠੱਪ ਹੋ ਗਈ। -PTCNews